– بۇل سالا شامامەن جىلىنا 2،3 ترلن دوللار تابىسقا اكەلەدى. كرەاتيۆتى يندۋستريانىڭ الەمدىك ەكسپورتى ورتا ەسەپپەن 250 ملرد دوللاردى قۇرايدى. يۋنەسكو بولجامى بويىنشا كرەاتيۆتى يندۋستريا سەكتورى ورتا مەرزىمدى پەرسپەكتيۆادا الەمدىك جالپى ىشكى ءونىمنىڭ 10 پايىزىنا دەيىن ءوسۋى مۇمكىن.
ورتالىق ازيانىڭ كرەاتيۆتى يندۋسترياسىن دامىتۋ ءۇشىن ۇلكەن الەۋەتى بار دەپ ەسەپتەيمىز. سوڭعى جىلدارى ءوڭىر ەلدەرىنىڭ ۇكىمەتى كرەاتيۆتى يندۋستريانىڭ بولاشاعىن تۇسىندىرە وتىرىپ، ونى قارقىندى دامىتۋ ماسەلەسىنە ەرەكشە نازار اۋدارىپ كەلەدى.
ماسەلەن قازاقستاندا 2021 جىلى كرەاتيۆتى يندۋستريانى دامىتۋدىڭ 2021-2025 جىلدارعا ارنالعان تۇجىرىمداماسى بەكىتىلدى. 2020 جىلدىڭ قورىتىندىسى بويىنشا قازاقستاندا جالپى ىشكى ءونىمنىڭ قۇرىلۋىندا ونىڭ ۇلەسى 2،67 پايىزدى قۇرادى، – دەدى ول.
كرەاتيۆتى يندۋستريا قازاقستاندا دامىپ جاتىر. اسىرەسە، بۇل باعىتقا جاستاردى تارتۋدى نازارعا الىنىپ وتىر.
– بۇل سالاعا دامىعان كومپانيالار دا اتسالىسۋدا. ياعني، تەحنولوگيالىق جانە باسقا دا كاسىپكەرلىكتىڭ دامۋىنا بايلانىستى شارالار قابىلدانۋدا. جاڭا سالا، جاڭا ماتەريالدىق باعىت وسى سالانىڭ نەگىزگى باعىتى. شەتەلگە جانە ەكسپورتقا باعىتتاۋ باعىتىندا دا كوپتەگەن شارا قولدانۋدا. قۇقىقتىق بازا قولدانىسقا ەنگىزىلگەن، – دەدى التاي كولگىنوۆ.
ەستەرىڭىزگە سالا كەتەيىك، بۇگىن ورتالىق ازيا مەديافورۋمىنىڭ ەكىنشى كۇنى ءوتىپ جاتىر. ونىڭ ۇيىمداستىرۋشىسى – اقپارات جانە قوعامدىق دامۋ مينيسترلىگى.
