– Bul sala shamamen jylyna 2,3 trln dollar tabysqa ákeledi. Kreativti indýstriianyń álemdik eksporty orta eseppen 250 mlrd dollardy quraidy. IýNESKO boljamy boiynsha kreativti indýstriia sektory orta merzimdi perspektivada álemdik jalpy ishki ónimniń 10 paiyzyna deiin ósýi múmkin.
Ortalyq Aziianyń kreativti indýstriiasyn damytý úshin úlken áleýeti bar dep esepteimiz. Sońǵy jyldary óńir elderiniń Úkimeti kreativti indýstriianyń bolashaǵyn túsindire otyryp, ony qarqyndy damytý máselesine erekshe nazar aýdaryp keledi.
Máselen Qazaqstanda 2021 jyly kreativti indýstriiany damytýdyń 2021-2025 jyldarǵa arnalǵan tujyrymdamasy bekitildi. 2020 jyldyń qorytyndysy boiynsha Qazaqstanda jalpy ishki ónimniń qurylýynda onyń úlesi 2,67 paiyzdy qurady, – dedi ol.
Kreativti indýstriia Qazaqstanda damyp jatyr. Ásirese, bul baǵytqa jastardy tartýdy nazarǵa alynyp otyr.
– Bul salaǵa damyǵan kompaniialar da atsalysýda. Iaǵni, tehnologiialyq jáne basqa da kásipkerliktiń damýyna bailanysty sharalar qabyldanýda. Jańa sala, jańa materialdyq baǵyt osy salanyń negizgi baǵyty. Shetelge jáne eksportqa baǵyttaý baǵytynda da kóptegen shara qoldanýda. Quqyqtyq baza qoldanysqa engizilgen, – dedi Altai Kólginov.
Esterińizge sala keteiik, búgin Ortalyq Aziia mediaforýmynyń ekinshi kúni ótip jatyr. Onyń uiymdastyrýshysy – Aqparat jáne qoǵamdyq damý ministrligi.
