قوسىمشا قۇن سالىعى (ققس) مٶلشەرلەمەسٸن كٶتەرۋگە قارسى پەتيتسييا بٷگٸن e-petition.kz سايتىندا جارييالانىپ, العاشقى ساعاتتاردا 1500-دەن اسا قارالىم جيناپ, 300-دەن اسا ادام داۋىس بەرٸپ ٷلگەرگەن. پەتيتسييا اۆتورى, سالىق جٶنٸندەگٸ كەڭەسشٸ فايزيرحامان مييانوۆ ققس مٶلشەرلەمەسٸن كٶتەرۋ جوباسى ۇلتتىق ەكونوميكا مينيسترلٸگٸنٸڭ بيۋدجەتتٸ تولىقتىرۋ ۇسىنىسى تۇرعىسىنان عانا قاراستىرىلىپ, بۇل رەتتە بيزنەستٸڭ جەنە جالپى ەل ازاماتتارىنىڭ پٸكٸرٸ ەسكەرٸلمەي وتىرعانىن ايتادى, دەپ جازادى Dalanews.kz.
ماماننىڭ ايتۋىنشا, بارلىق قازاقستاندىق: مەيلٸ ول تۇتىنۋشى بولسىن, جەكە تۇلعا بولسىن, سالىق تٶلەۋشٸ بولسىن ەنگٸزٸلگەلٸ جاتقان ٶزگەرٸستٸ سەزٸنەتٸن بولادى. ٶيتكەنٸ مۇندايدا بيزنەس پەن قوعامدى دامىتۋ ٷشٸن قولايلى جاعدايلار جاساۋعا باعىتتالعان كەسٸپكەرلٸك سۋبەكتٸلەرٸ مەن مەملەكەتتٸڭ ٶزارا ٸس-قيمىلىن قامتيتىن باستى ماقسات بۇزىلادى.
"2025 جىلى 28 قاڭتاردا مەملەكەت باسشىسى قاسىم-جومارت توقاەۆتىڭ تٶراعالىعىمەن ٶتكەن ٷكٸمەتتٸڭ كەڭەيتٸلگەن وتىرىسىندا ٷكٸمەت باسشىسى ولجاس بەكتەنوۆ جاڭا سالىق رەفورماسى شەڭبەرٸندە ققس مٶلشەرلەمەسٸن 15%-دان 20%-عا ارتتىرۋ كەرەك ەكەنٸن مەلٸمدەدٸ. ال قر ۇلتتىق ەكونوميكا مينيسترٸ سەرٸك جۇمانعارين 2025-20229 جىلدارعا ارنالعان رەسپۋبليكالىق بيۋدجەت ٶلشەمدەرٸنٸڭ بولجامىمەن قاتار مىنالاردى ۇسىندى: 1) ققس تٸركەۋ شەگٸن 3 815 اەك-كە دەيٸن تٶمەندەتۋ (جىلىنا 15 ملن تەڭگە) 2) ققس مٶلشەرلەمەسٸن 2025 جىلعى قازاننان باستاپ بٸر مەزگٸلدە 20% - عا دەيٸن ۇلعايتۋ", دەلٸنگەن پەتيتسييادا.
پەتيتسييا اۆتورلارى مۇنىمەن كەلٸسپەيدٸ, سٶيتٸپ 2024 جىلعى 7 اقپانداعى مەملەكەت باسشىسى قاسىم-جومارت توقاەۆتىڭ سٶزٸن كەلتٸرەدٸ. ول كەزدە پرەزيدەنت دايىندالىپ جاتقان سالىق كودەكسٸنە كٶڭٸلٸ تولمايتىنىن ايتقان ەدٸ:
"قازٸرگٸ تاڭدا سالىق كودەكسٸ دايىندالىپ جاتىر. بۇل قۇجات ينۆەستورلارعا قولايلى جاعداي جاساپ, بيۋدجەتكە كٶلەمدٸ قارجى تٷسۋٸن قامتاماسىز ەتۋٸ قاجەت. الايدا, قازاقستاندا تٷپكٸ مەنٸ ٶزگەرٸپ كەتكەن قوسىمشا قۇن سالىعىنىڭ ٶزٸن رەفورمالاۋ قاجەت. ونى 12 پايىزدان 16 پايىزعا دەيٸن كٶتەرۋ مەسەلەنٸ شەشپەيدٸ. ساراپشىلار قوسىلعان قۇن سالىعىن كٶتەرۋ كٶلەڭكەلٸ ەكونوميكانىڭ ٷلەسٸن ارتتىرىپ, ينفلياتسييانىڭ ٶسۋٸنە ەكەپ سوقتىرۋى ىقتيمال دەپ ورىندى پٸكٸر بٸلدٸرٸپ جاتىر. بۇل قادام ەلٸمٸزدٸڭ ينۆەستيتسييالىق تارتىمدىلىعىنا دا كەرٸ ەسەر ەتۋٸ مٷمكٸن", دەگەن ەدٸ پرەزيدەنت.
ياعني, نارازىلىق بٸلدٸرۋشٸلەر قوسىمشا قۇن سالىعىنىڭ ٶزٸن رەفورمالاۋ كەرەك دەپ سانايدى.
بۇعان دەيٸن سايتىمىزدا "ققس مٶلشەرلەمەسٸن ارتتىرۋعا قارسىمىز! بيزنەس قاۋىمداستىق پەتيتسييا جوباسىن ەزٸرلەپ جاتىر" دەگەن ماقالا شىققان. "ەلٸمٸزدە قوسىمشا قۇن سالىعىن ٶسٸرۋ كٶزدەلٸپ وتىر. ساراپشىلار قاۋىمى بۇعان نەگە قارسى" دەگەن ماقالامەن دە تانىسا وتىرىڭىزدار.
