قازاقستاندا كوسمەتولوگييالىق وپەراتسييالاردان كەيٸن پاتسيەنتتەردٸڭ كٶز جۇمۋىنا بايلانىستى جەكەمەنشٸك كلينيكالاردى تەكسەرۋ كٷشەيتٸلۋٸ مٷمكٸن. بۇل تۋرالى سەنات كۋلۋارىندا مەديتسينالىق جەنە فارماتسەۆتيكالىق باقىلاۋ كوميتەتٸنٸڭ تٶراعاسى باۋىرجان جٷسٸپوۆ مەلٸمدەدٸ, دەپ حابارلايدى dalanews.kz.
ونىڭ ايتۋىنشا, الماتى مەن اقتاۋداعى جەكەمەنشٸك كلينيكالارعا قاتىستى تەكسەرۋ ماتەريالدارى قۇقىقتىق باعا بەرۋ ٷشٸن پروكۋراتۋرا مەن قۇقىق قورعاۋ ورگاندارىنا جولدانعان.
– ماتەريالدار پروكۋراتۋراعا جەنە قۇقىق قورعاۋ ورگاندارىنا قۇقىقتىق باعا بەرۋ ٷشٸن بەرٸلدٸ. سوندىقتان نەتيجەلەرٸ ولار قاراعاننان كەيٸن جارييالانادى, – دەدٸ جٷسٸپوۆ.
كوميتەت تٶراعاسى تەكسەرۋ بارىسىندا كلينيكالار قىزمەتٸنەن قانداي دا بٸر زاڭبۇزۋشىلىقتار انىقتالعان-انىقتالماعانىن ناقتىلامادى.
سونىمەن قاتار, ونىڭ سٶزٸنشە, الماتىداعى جەكەمەنشٸك كلينيكالاردىڭ بٸرٸنە ارنايى كوميسسييا تەكسەرۋگە كٸرٸسكەن.
– قازٸر ارنايى كوميسسييا وسى جەكەمەنشٸك كلينيكاعا كٸرٸپ جاتىر. تەكسەرۋ قورىتىندىسى بويىنشا قوسىمشا اقپارات بەرەمٸز. كوميسسييا قۇرامىن جاساقتادىق, ونىڭ ٸشٸندە تەۋەلسٸز ساراپشىلار بار. ولار بارلىق ٸستٸ, ماتەريالداردى, سونىڭ ٸشٸندە مەديتسينالىق تاريحتى تولىق زەرتتەيدٸ. ونىڭ ٶز تەرتٸبٸ بار, – دەپ تٷسٸندٸردٸ كوميتەت باسشىسى.
قازٸرگٸ ۋاقىتتا قازاقستاندا پلاستيكالىق وپەراتسييا جاسايتىن شامامەن 247 جەكەمەنشٸك كلينيكا جۇمىس ٸستەيدٸ.
ەسكە سالساق, 4 سەۋٸردە ماڭعىستاۋ وبلىستىق مەسليحاتىنىڭ بۇرىنعى دەپۋتاتى, 49 جاستاعى ەربول ايتۋوۆ «قاسيەت» جەكەمەنشٸك كلينيكاسىنا جٷگٸنگەن. وعان ليپوساكتسييا جاسالىپ, كەيٸن كوماعا تٷسٸپ, كٶز جۇمعان.
ال 15 مامىردا الماتىدا بلوگەر ەرٸ كەسٸپكەر سەۋلە ەرماحانوۆا دا ليپوساكتسييا وپەراتسيياسىنان كەيٸن قايتىس بولدى. بۇل وقيعالار قوعامدا پلاستيكالىق وپەراتسييالاردىڭ قاۋٸپسٸزدٸگٸ مەن جەكەمەنشٸك كلينيكالار جۇمىسىنا قاتىستى سۇراقتاردى قايتا كٶتەردٸ.
