مەجٸلٸس دەپۋتاتى سەرگەي پونومارەۆ قازاقستاننىڭ قىسقى وليمپيادا ويىندارىنداعى تۇڭعىش چەمپيونى ميحايل شايدوروۆتىڭ بٸرنەشە اي بويى جالاقى الماۋىنا بايلانىستى جاعدايدى سىنعا الدى, دەپ حابارلايدى dalanews.kz.
دەپۋتات وليمپيادادان كەيٸن سپورتشى ٶزٸن «قارجىلىق ۆاكۋۋمدا» سەزٸنگەنٸن ايتقانىن ەسكە سالدى.
«مەن ميحايل شايدوروۆتىڭ وليمپيادادان كەيٸن ٶزٸن قارجىلىق ۆاكۋۋمدا سەزٸنگەنٸ تۋرالى مەلٸمدەمەسٸن كٶردٸم. ونىڭ جالاقىسىنا قاتىستى داۋ بولعانىن بٸلەسٸزدەر. بٸراق ول ميلاندا قازاقستانعا التىن مەدال ەكەلگەن جالعىز سپورتشى ەكەنٸن ەسكەرسەك, بۇل ەلٸمٸزدٸڭ ماقتانىشى. سوندىقتان ول مۇنداي سٶزدٸ جايدان-جاي ايتپاعان شىعار دەپ ويلايمىن. تۋريزم جەنە سپورت مينيسترلٸگٸ بۇل جاعدايعا تٷسٸنٸكتەمە بەرۋٸ كەرەك. ەگەر بٸزدە وليمپيادا چەمپيوندارى كٶپ بولسا, بٸر جٶن. بٸراق بٸزدە ول جالعىز. ال ونى قارجىلاندىرۋ مەسەلەسٸ كٶڭٸل كٶنشٸتپەيدٸ», - دەدٸ پونومارەۆ.
ول دەپۋتاتتار مۇنداي دەڭگەيدەگٸ سپورتشىنى قالىپتى قارجىلاندىرۋدىڭ قانشالىق ماڭىزدى ەكەنٸن تٷسٸنەتٸنٸن ايتتى.
«مٷمكٸن بۇل جاي رەنٸش شىعار, ناقتى ايتا المايمىن. بٸراق وليمپيادا چەمپيونىنىڭ جالاقىسىز جٷرۋٸ مەنٸڭ باسىما سىيمايدى. ونىڭ دەرٸگەرٸ جوق, جارىستارعا دايىندالا الماي وتىر. بۇل اقىلعا سىيمايتىن ابسۋرد. بٸز ميحايلمەن بايلانىسىپ, جاعدايدى ٶز اۋزىنان ەستيمٸز دەپ ويلايمىن. مٷمكٸن دەپۋتاتتىق ساۋال دا جولدايمىز», - دەدٸ دەپۋتات.
بۇعان دەيٸن مەجٸلٸس دەپۋتاتى اسحات راحيمجانوۆ تا ميحايل شايدوروۆ بٸرنەشە اي بويى جالاقى الماعان جاعدايعا قاتىستى پٸكٸر بٸلدٸرٸپ, جاۋاپتىلاردى جازالاۋ قاجەت ەكەنٸن ايتقان.
ونىڭ سٶزٸنشە, سپورتتاعى جەتٸستٸك ەڭ الدىمەن مەملەكەتتٸڭ يميدجٸ.
«شىن مەنٸندە, كەز كەلگەن سپورتتىق جەتٸستٸك - بۇل ەڭ الدىمەن مەملەكەتتٸڭ يميدجٸ. سپورتتىڭ قالاي قولداۋ تاباتىنىنا, سپورتشىلارىمىزدىڭ قالاي ٶنەر كٶرسەتەتٸنٸنە قاراپ, ەلدٸڭ قانشالىق دامىعانىن جەنە حالىقارالىق يميدجٸنە قانشالىق مەن بەرەتٸنٸن كٶرۋگە بولادى. ەسٸرەسە بۇل وليمپيادا ويىندارىنا قاتىستى مەسەلە. سپورتشىلاردى دايارلاۋعا قانشا قارجى بٶلٸنەتٸنٸ تۋرالى كٶپ ماتەريال شىقتى. مەنٸڭ ويىمشا, بۇل سالادا ناقتى تەرتٸپ ورناتۋ كەرەك», - دەدٸ راحيمجانوۆ.
دەپۋتات سپورتشىلار مەن وليمپيادا رەزەرۆٸن دايارلاۋعا بٶلٸنەتٸن قاراجات اشىق ەرٸ ەسەپتٸ بولۋى تيٸس ەكەنٸن ايتتى.
«ەگەر سپورتشى جالاقىسىنان ايىرىلعانىن نەمەسە قىسقارتىلعانىن ايتسا, ول مۇنى جايدان-جاي ايتپايدى. ٶيتكەنٸ سپورتشىلار ار-نامىستى ادامدار. دەلەلسٸز نەرسە ايتپايدى. سوندىقتان بۇل مەسەلەنٸ مۇقييات تەكسەرۋ قاجەت. ال كٸنەلٸلەر مٸندەتتٸ تٷردە جازالانۋى تيٸس. سپورتشىلاردى دايارلاۋ مەن سپورت كلۋبتارىن قارجىلاندىرۋ سالاسىندا جەمقورلىق بار ەكەنٸ ەشكٸمگە قۇپييا ەمەس. سوندىقتان بۇل مەسەلە ەل باسشىلىعىنىڭ ەرەكشە باقىلاۋىندا بولۋى كەرەك», - دەدٸ راحيمجانوۆ.
