Májilis depýtaty Sergei Ponomarev Qazaqstannyń qysqy Olimpiada oiyndaryndaǵy tuńǵysh chempiony Mihail Shaidorovtyń birneshe ai boiy jalaqy almaýyna bailanysty jaǵdaidy synǵa aldy, dep habarlaidy dalanews.kz.
Depýtat Olimpiadadan keiin sportshy ózin «qarjylyq vakýýmda» sezingenin aitqanyn eske saldy.
«Men Mihail Shaidorovtyń Olimpiadadan keiin ózin qarjylyq vakýýmda sezingeni týraly málimdemesin kórdim. Onyń jalaqysyna qatysty daý bolǵanyn bilesizder. Biraq ol Milanda Qazaqstanǵa altyn medal ákelgen jalǵyz sportshy ekenin eskersek, bul elimizdiń maqtanyshy. Sondyqtan ol mundai sózdi jaidan-jai aitpaǵan shyǵar dep oilaimyn. Týrizm jáne sport ministrligi bul jaǵdaiǵa túsinikteme berýi kerek. Eger bizde Olimpiada chempiondary kóp bolsa, bir jón. Biraq bizde ol jalǵyz. Al ony qarjylandyrý máselesi kóńil kónshitpeidi», - dedi Ponomarev.
Ol depýtattar mundai deńgeidegi sportshyny qalypty qarjylandyrýdyń qanshalyq mańyzdy ekenin túsinetinin aitty.
«Múmkin bul jai renish shyǵar, naqty aita almaimyn. Biraq Olimpiada chempionynyń jalaqysyz júrýi meniń basyma syimaidy. Onyń dárigeri joq, jarystarǵa daiyndala almai otyr. Bul aqylǵa syimaityn absýrd. Biz Mihailmen bailanysyp, jaǵdaidy óz aýzynan estimiz dep oilaimyn. Múmkin depýtattyq saýal da joldaimyz», - dedi depýtat.
Buǵan deiin májilis depýtaty Ashat Rahimjanov ta Mihail Shaidorov birneshe ai boiy jalaqy almaǵan jaǵdaiǵa qatysty pikir bildirip, jaýaptylardy jazalaý qajet ekenin aitqan.
Onyń sózinshe, sporttaǵy jetistik eń aldymen memlekettiń imidji.
«Shyn máninde, kez kelgen sporttyq jetistik - bul eń aldymen memlekettiń imidji. Sporttyń qalai qoldaý tabatynyna, sportshylarymyzdyń qalai óner kórsetetinine qarap, eldiń qanshalyq damyǵanyn jáne halyqaralyq imidjine qanshalyq mán beretinin kórýge bolady. Ásirese bul Olimpiada oiyndaryna qatysty másele. Sportshylardy daiarlaýǵa qansha qarjy bólinetini týraly kóp material shyqty. Meniń oiymsha, bul salada naqty tártip ornatý kerek», - dedi Rahimjanov.
Depýtat sportshylar men Olimpiada rezervin daiarlaýǵa bólinetin qarajat ashyq ári esepti bolýy tiis ekenin aitty.
«Eger sportshy jalaqysynan aiyrylǵanyn nemese qysqartylǵanyn aitsa, ol muny jaidan-jai aitpaidy. Óitkeni sportshylar ar-namysty adamdar. Dálelsiz nárse aitpaidy. Sondyqtan bul máseleni muqiiat tekserý qajet. Al kináliler mindetti túrde jazalanýy tiis. Sportshylardy daiarlaý men sport klýbtaryn qarjylandyrý salasynda jemqorlyq bar ekeni eshkimge qupiia emes. Sondyqtan bul másele el basshylyǵynyń erekshe baqylaýynda bolýy kerek», - dedi Rahimjanov.
