ينتەرنەتتٸ جيٸ ٶشٸرٸپ, شىعىنعا باتاتىن ەلدەردٸڭ كٶشٸن ٸرگەمٸزدەگٸ كٶرشٸمٸز رەسەي باستاپ تۇر.
ورىستار 2022 جىلى ينتەرەنتتٸ ٶشٸرٸپ 21,59 ملرد دوللارىن جوعالتقانى مەلٸم بولدى. رەسەي ۋكرامناعا سوعىس اشقان كٷننەن بەرٸ ينتەرنەتتٸ ٶشٸرٸپ, اقپاراتتى باقىلاۋعا الۋدا.
ال ەكٸنشٸ ورىندا ديكتاتورلىق رەجيم سالتانات قۇرعان يران تۇراقتاپتى. رەسمي تەگەران ينتەرنەتتٸ جيٸ ٶشٸرٸپ, 773 ملن دوللار شىعىن شەككەن.
ال ٷشٸنشٸ ورىنعا جايعاسقان قازاقستان ينتەرنەتتٸ ٶشٸرۋدٸڭ سالدارىنان 410,3 ملن دوللاردىڭ باسىنا سۋ قۇيعانى مەلٸم بولدى.
بىلتىر قاڭتار وقيعاسى كەزٸندە بيلٸك ەلدەگٸ قاۋٸپسٸزدٸكتٸ قامتاماسىز ەتۋ ٷشٸن عالامتوردى ٶشٸرۋگە مەجبٷر بولعانى بەلگٸلٸ.
قازاقستاندا ينتەرنەتتٸ ٶشٸرۋ كەزٸندە 16 ميلليوننان استام 144 ساعات بويى ينتەرنەتكە قول جەتكٸزە الماي قينالعان.
ەلٸمٸز 2019 جىلى ينتەرنەتتٸ ٶشٸرٸپ, 2,6 ملن دوللار شىعىن شەككەن ەدٸ. ول كەزدە قازاقستان ينتەرنەت ٶشٸرگٸش ەلدەردٸڭ اراسىندا 18-شٸ ورىنعا تابان تٸرگەن-دٸ.
نازارباەۆ رەجيمٸ مەملەكەتتٸ تىعىرىققا تٸرەپ, ەلٸمٸزدە ساياسي احۋال كٷردەلەنگەلٸ بەرٸ قازاقستان ينتەرنەتتٸ جيٸ ٶشٸرەتٸن ەلدەردٸڭ قاتارىنا قوسىلعان بولاتىن.
ەندٸ بيىلدان باستاپ بۇل تٸزٸمگە ەنبەيمٸز دەگەن ٷمٸتٸمٸز بار.
ايتپاقشى, ينتەرنەتتٸ ٶشٸرەتٸن ەلدەردٸڭ اراسىندا 2022 جىلى ٶزبەكستان بەسٸنشٸ ورىنعا جايعاسىپ, 219 ملن دوللارىنان ايىرىلىپتى. بىلتىر ٶزبەكستاندا قاراقالپاقتار كٶتەرٸلگەندە ٶزبەك اعايىندار بٸز سەكٸلدٸ امالسىز ينتەرنەتتٸ ٶشٸرگەن-دٸ.
بۇدان باسقا ورتالىق ازييا ەلدەرٸ اراسىندا ينتەرنەتتٸ ٶشٸرەتٸن ەلدەردٸڭ قاتارىندا تٷركٸمەنستان (10 ورىن, 29 ملن دوللار جوعالتقان) مەن تەجٸكستاندا (19 ورىن, 2,1 ملن دوللار جوعالتقان) تٶبە كٶرسەتتٸ.
