29 جاستاعى ءادىلحان قوپابايەۆ Apple كومپانياسىندا جەتەكشى قىزمەتكە تاعايىندالعان تۇڭعىش قازاق اتاندى. بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ مالىمدەدى، دەپ حابارلايدى Dalanews.kz.
"ءبىزدىڭ وتانداسىمىز، digital nomad ءادىلحان قوپابايەۆ Apple كومپانياسىندا جەتەكشى قىزمەتكە تاعايىندالعانىن حابارلاۋعا قۋانىشتىمىن. ەندى ءادىلحان ورتالىق ازيا جانە ارمەنيا ايماعىن قاداعالايتىن بولادى. بۇل جاڭا كەزەڭ وعان كوپتەگەن جەتىستىكتەر مەن كاسىبي ءوسۋ اكەلسىن"، - دەپ جازدى مينيستر.
ايتا كەتەيىك، ءادىلحان قوپابايەۆ اقتوبەنىڭ تۋماسى.
ول 2017 جىلى وڭتۇستىك كورەياداعى ۋلسان ۇلتتىق عىلىم جانە تەحنولوگيالار ينستيتۋتىن ينجەنەر-ۋربانيست جانە تەحنولوگيالىق مەنەدجمەنت ماماندىعى بويىنشا ءتامامداعان.
UNIT Global UniStar ستيپەندياسىنىڭ يەگەرى. 2021 جىلى براۋن ۋنيۆەرسيتەتىن بىتىرگەن. روكفەللەر قورىنىڭ ستيپەنديا يەگەرى. حالىقارالىق كونسالتينگتىك جانە IT كومپانيالاردا جۇمىس ىستەگەن.
