پاۆلودار وبلىسى بويىنشا بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ دەپارتامەنتٸ "كدۆ قازاقستان" جشس-عا قاتىستى ٷستەمدٸگٸن اسىرا پايدالانۋ بەلگٸلەرٸ بويىنشا تەرگەۋدٸ باستادى, دەپ حابارلايدى Dalanews.kz.
"كومپانييا قىزمەتٸنە جٷرگٸزٸلگەن تالداۋ نەتيجەسٸندە مەكەمەنٸڭ تاۋارلارعا ەرتٷرلٸ باعا قويعانى انىقتالدى. ناقتىراق ايتقاندا, كونديتەرلٸك ٶنٸمدەردٸ ساتۋ كەلٸسٸمشارتىنا تٷرلٸ باعا مەن تالاپ قولدانعان. مۇنداي فاكتٸلەر انتيمونوپولييالىق زاڭنامانىڭ بۇزىلۋىن كٶرسەتۋٸ مٷمكٸن", دەلٸنگەن اگەنتتٸك باسپاسٶز قىزمەتٸنٸڭ حابارلاماسىندا.
بۇعان دەيٸن مونوپوليياعا قارسى ورگان "كدۆ قازاقستان" جشس-عا انىقتالعان زاڭ بۇزۋشىلىق بەلگٸلەرٸن ەرٸكتٸ تٷردە جويۋ تۋرالى حابارلاما جولداعان.
"ول ورىندالماعان سوڭ, تەرگەۋ ٸسٸ قوزعالدى. تەرگەۋ بارىسىندا كومپانييا ەرەكەتٸنە قۇقىقتىق باعا بەرٸلٸپ, جەتكٸزۋ شارتتارىن ديففەرەنتسيالاۋدىڭ وبەكتيۆتٸ نەگٸزٸ بولۋ-بولماۋى قارالادى", دەپ ناقتىلانادى رەسمي حابارلامادا.
"كدۆ قازاقستان" رەسەيلٸك "كدۆ گرۋپپ" حولدينگٸ قۇرامىنا كٸرەدٸ. ول "ياشكينو","كيريشكي", BabyFox, O ' Zera,"بابكينى سەمەچكي" جەنە ت. ب. برەندتەر يەگەرٸ.
بۇعان دەيٸن سايتىمىزدا مونوپوليياعا قارسى ورگان "Fly Arystan" ەۋە تاسىمالداۋشىسى تاراپىنان ٷستەم جاعدايدى تەرٸس پايدالانۋ بەلگٸلەرٸن انىقتاعانىن جازعانبىز. تالداۋ بارىسىندا اۆيابيلەتتەردٸڭ قۇنى برونداۋدىڭ ەرتٷرلٸ كەزەڭدەرٸندە اۆتوماتتى تٷردە قوسىلاتىن جاسىرىن قوسىمشا اقىلار ەسەبٸنەن ٶسكەنٸ انىقتالدى.
