Pavlodar oblysy boiynsha Básekelestikti qorǵaý jáne damytý agenttiginiń departamenti "KDV Qazaqstan" JShS-ǵa qatysty ústemdigin asyra paidalaný belgileri boiynsha tergeýdi bastady, dep habarlaidy Dalanews.kz.
"Kompaniia qyzmetine júrgizilgen taldaý nátijesinde mekemeniń taýarlarǵa ártúrli baǵa qoiǵany anyqtaldy. Naqtyraq aitqanda, konditerlik ónimderdi satý kelisimshartyna túrli baǵa men talap qoldanǵan. Mundai faktiler antimonopoliialyq zańnamanyń buzylýyn kórsetýi múmkin", delingen agenttik baspasóz qyzmetiniń habarlamasynda.
Buǵan deiin monopoliiaǵa qarsy organ "KDV Qazaqstan" JShS-ǵa anyqtalǵan zań buzýshylyq belgilerin erikti túrde joiý týraly habarlama joldaǵan.
"Ol oryndalmaǵan soń, tergeý isi qozǵaldy. Tergeý barysynda kompaniia áreketine quqyqtyq baǵa berilip, jetkizý sharttaryn differentsialaýdyń obektivti negizi bolý-bolmaýy qaralady", dep naqtylanady resmi habarlamada.
"KDV Qazaqstan" reseilik "KDV Grýpp" holdingi quramyna kiredi. Ol "Iashkino","Kirishki", BabyFox, O ' Zera,"Babkiny semechki" jáne t. b. brendter iegeri.
Buǵan deiin saitymyzda monopoliiaǵa qarsy organ "Fly Arystan" áýe tasymaldaýshysy tarapynan ústem jaǵdaidy teris paidalaný belgilerin anyqtaǵanyn jazǵanbyz. Taldaý barysynda aviabiletterdiń quny brondaýdyń ártúrli kezeńderinde avtomatty túrde qosylatyn jasyryn qosymsha aqylar esebinen óskeni anyqtaldy.
