پاۆلودار قالاسىندا بٸلٸم سالاسىنىڭ 2 مىڭنان استام قىزمەتكەرٸنٸڭ جەكە دەرەكتەرٸ تاراپ كەتكەن, دەپ حابارلايدى dalanews.kz.
پروكۋراتۋرانىڭ مەلٸمەتٸنشە, قالا مەكتەپتەرٸ مەديتسينالىق تەكسەرۋلەرگە ارنالعان ساتىپ الۋلاردى جارييالاۋ كەزٸندە كونكۋرس قۇجاتتارىنا ارتىق اقپاراتتى ەنگٸزٸپ جٸبەرگەن. نەتيجەسٸندە قۇجاتتار ٸشٸندە قىزمەتكەرلەردٸڭ انكەتالىق مەلٸمەتتەرٸ, تۇرعىلىقتى مەكەنجايلارى مەن تەلەفون نٶمٸرلەرٸ جارييالانىپ كەتكەن.
وسىلايشا 2065 ادامنىڭ جەكە دەرەگٸ كەز كەلگەن ادامعا قولجەتٸمدٸ بولعان. قاداعالاۋ ورگانى بۇل جاعدايدىڭ زاڭ بۇزۋشىلىق قانا ەمەس, سونىمەن قاتار قاۋٸپ تٶندٸرەتٸنٸن اتاپ ٶتتٸ. سەبەبٸ مۇنداي اقپاراتتى الاياقتار ٶز ماقساتىندا پايدالانۋى مٷمكٸن.
تەكسەرۋ قورىتىندىسى بويىنشا بارلىق دەرەكتەر اشىق قولجەتٸمدٸلٸكتەن الىنىپ تاستالدى. ال كٸنەلٸ تۇلعالار تەرتٸپتٸك جاۋاپكەرشٸلٸككە تارتىلدى.
ەسكە سالايىق, 27 سەۋٸردە الماتى مەن استانادا قازاقستاندىقتاردىڭ جەكە دەرەگٸن ساتىپ جٷرگەندەر انىقتالعان بولاتىن. تەرگەۋ ماتەريالدارى بويىنشا قىلمىستىق ٸسكە قاتىسۋشىلار زاڭسىز جولمەن الىنعان اقپاراتتى ينتەرنەت جەلٸسٸندە ساتىپ كەلگەن.
