ساياساتتانۋى ەدۋارد پولەتاەۆتىڭ ايتۋىنشا, ورتا ازييا مەملەكەتتەرٸنٸڭ اراسىنداعى ەرٸپتەستٸككە باستاماشى بولعان ٶزبەكستاننىڭ قازٸرگٸ پرەزيدەنتٸ شاۆكات ميرزيياەۆ.
«مەنٸڭ ايتپاعىم, بولاشاقتا ورتا ازييا كەڭٸستٸگٸندە ناقتى ستراتەگيياسى بار وداق قۇرىلۋى مٷمكٸن بە? مٷمكٸن. بٸراق, قيىندىعى كٶپ. مۇنىڭ تٷرلٸ ساياسي سەبەپتەرٸ بار», – دەدٸ ول.
ال پروفەسسور بولات سۇلتانوۆتىڭ ايتۋىنشا, ورتالىق ازييا بٶلەك وداق, بٶلەك نارىق رەتٸندە ٶزگە ۇيىمدارمەن ەرٸپتەسٸپ جۇمىس ٸستەۋگە ەزٸر دايىن ەمەس.
«بۇعان كٸم جەنە نە كەدەرگٸ دەگەن ساۋالعا توقتالايىق. بٸر كەزدەرٸ مۇنىڭ باستى سەبەپشٸسٸ مارقۇم يسلام كەرٸموۆ ەدٸ. كەرٸموۆ كٶپ تاراپتى ەرٸپتەستٸككە قارسى بولدى. مۇنداي ەرٸپتەستٸكتٸڭ تٷرٸن قولدامادى ول. سوسىن ەڭ باستى فاكتور. ايماقتاعى مەملەكەتتەر بٸرجاقتى كەلٸسٸمگە كەلە الماي وتىرعان جاعدايلار كٶپ. ونىڭ ەڭ باستىسى سۋ-ەنەرگەتيكالىق رەسۋرس. سۋ مەسەلەسٸ شەشٸلمەي ايماقتاعى ەلدەردٸڭ وداققا بٸرٸگۋٸ دە مٷمكٸن ەمەس», – دەدٸ سۇلتانوۆ.
ساراپشى رۇستام بۇرناشەۆتىڭ پٸكٸرٸنشە, ورتالىق ازييا ەشقاشان بٸر بولماعان. كەڭەس ٷكٸمەتٸنٸڭ ٶزٸ قازاقستان مەن ورتا ازييانى ەكٸ بٶلەك الىپ قاراستىرعان.
«كەدەرگٸلەر دە بار. سونىڭ بٸرٸ ەۋرازييالىق ەكونوميكالىق وداق ەكەنٸن ەستەن شىعارماعان جٶن. قازاقستان مەن قىرعىزستان ەۋرازييالىق ەكونوميكالىق وداققا مٷشە. ولار بٸر وداقتا جٷرٸپ, بٸر وداققا قوسىلا المايتىنى بەسەنەدەن بەلگٸلٸ» دەدٸ ول.
ٶز كەزەگٸندە «ستراتەگييا» ەلەۋمەتتٸك جەنە ساياسي زەرتتەۋلەر ورتالىعى قوعامدىق قورىنىڭ پرەزيدەنتٸ گٷلميرا يلەۋوۆا: «وداق تۋرالى
مەسەلە كٶتەرگەندە بۇعان جالپى جاھاندىق دەڭگەيدە ەلدەردٸڭ قالاي قارارىن, ولاردىڭ ستراتەگيياسىن ەسكەرۋ قاجەت. اقش-تىڭ ماقساتى بۇل ايماقتا تٷگەلدەي, تازا شىنايى دەموكراتييا ورتانۋ. ەۋرازييالىق ەكونوميكالىق وداق تازا رەسەيدٸڭ جوباسى. قىتايدىڭ دا ٶز كٶزدەگەنٸ بار» دەدٸ ول.
ال ساياساتتانۋشى ەدٸل كەۋكەنوۆ ەرٸپتەستەرٸنٸڭ سٶزٸنە قارسى شىقتى. ونىڭ ايتۋىنشا, ورتا ازييانىڭ وداققا بٸرٸگۋٸنە جول اشاتىن العىشارتتار ٶتە كٶپ. بۇعان گەوگرافييالىق جەنە مەدەني فاكتور سەبەپ بولادى.
