كرەملدىڭ پروپاگاندا قۇرالدارى ايماعامبەتوۆپەن داۋلاسىپ جۇرگەن وڭتۇستىك قازاقستان پەداگوگيكالىق ۋنيۆەرسيتەتىنىڭ بۇرىنعى رەكتورى انار قايىربەكوۆانىڭ مالىمدەمەلەرىن العا تارتىپ، وقىرمانعا دەرەككوز رەتىندە ۇسىنعان.
سايت ءتىلشىسى ايماعامبەتوۆتى قارالاۋ ماتەريالدارىن جاريالاعان رەسەيلىك باسىلىمدارعا شولۋ جاساپ شىقتى.
ايماعامبەتوۆ باتىستىڭ تىڭشىسى ما؟ «Stan Radar» باسىلىمى «چتو يششۋت كازاحستانسكيە سيلوۆيكي ۆ مينوبرازوۆانيا كازاحستانا؟» دەگەن ماتەريالىندا ايماعامبەتوۆتى قازاقستاندىق مۇعالىمدەردى اعىلشىن تىلىندە وقىتامىن دەپ بيۋدجەت اقشاسىن جىمقىردى دەپ ايىپتايدى.
باسىلىم انار قايىربەكوۆانىڭ ايماعامبەتوۆتى سوروس-قازاقستان قورىمەن قارجىلىق جاعىنان «كۇماندى» بايلانىستا دەگەن ايىبىن مىسالعا كەلتىرە وتىرىپ، اتالعان اقپارات جاريالانعاننان كەيىن مينيستر ونى «قورقىتىپ، ەسەپ ايىرىسپاق» بولعان دەيدى.
ايتا كەتەيىك، ادىلدىك ىزدەگەن قايىربەكوۆا قازاقستان پرەزيدەنتى قاسىم-جومارت توقايەۆقا اشىق حات جولداعان بولاتىن.
«ءبىلىم جانە عىلىم مينيسترلىگىندە مۇعالىمدەردى اعىلشىن تىلىنە وقىتۋعا 6،7 ملرد تەڭگە سوماسىندا كەلىسىمشارت جاساسۋ كەزىندەگى سىبايلاس جەمقورلىق فاكتىلەرى تۋرالى، ايماعامبەتوۆتىڭ 74 ملرد تەڭگە سوماسىنا از قامتىلعان وتباسىلاردان شىققان وقۋشىلارعا ارنالعان تومەن ساپالى جۇڭگو نوۋتبۋكتەرىن جوعارى باعامەن ساتىپ الۋ كەزىندەگى جەمقورلىق سحەمالارى، ايماعامبەتوۆ ديسسەرتاسياسىنداعى جالعاندىق فاكتىسى، سونداي-اق ايماعامبەتوۆتىڭ رەسەيدە تىيىم سالىنعان ماسكەۋ ساياسي زەرتتەۋلەر مەكتەبىندە وقۋى، وپپوزيسيانى اعارتۋ جانە ىقپال ەتۋ اگەنتتەرىن دايارلاۋ جونىندەگى ديۆەرسيالىق مەكتەپ تۋرالى مالىمەتتەرىن جاريا ەتكەننەن كەيىن مەن قاتاڭ قىسىم وبەكتىسىنە اينالدىم. ول قۇقىق قورعاۋ ورگاندارى ارقىلى قورقىتۋ تەحنيكاسىن قولداندى»، – دەپ جازعان قايىربەكوۆا قازاقستان پرەزيدەنتىنە اشىق حاتىندا.
ەكس-رەكتور قۇزىرەتتى ورگاندار ايماعامبەتوۆتىڭ «سوروس-قازاقستان قورىنىڭ جەكە شەتەلدىك قۇرىلىمىنان» اقشا العانى تۋرالى اقپاراتتى تەكسەرۋدىڭ ورنىنا «ەسەپ بەرۋمەن» عانا اينالىستى دەپ وتىر.
ءبعم-نىڭ قازاقىلاندىرۋ ساياساتى Regnum باسىلىمى بعم ءۇشىن لاتىنعا كوشۋ رەسەي بوداندىعىنان بوساۋ ءۇشىن قاجەت دەيدى.
«ءبىلىم جانە عىلىم مينيسترلىگى قازاقىلاندىرۋ جانە لاتىنعا كوشۋدىڭ «ماڭىزدى» پروبلەماسىنا الاڭداۋلى. ايماعامبەتوۆ: «ءبىز ءۇشىن ءبىرىنشى كەزەكتەگى مىندەتتەردىڭ ءبىرى – وقىتۋدا مەملەكەتتىك ءتىلدىڭ ۇستەم بولۋىنا جاعداي جاساۋ. بۇل جەردە ەشقانداي پىكىرتالاس بولماۋى كەرەك، ويتكەنى بۇل مەملەكەتتىك ءتىل جانە ءبىزدىڭ ەلىمىزدىڭ ازاماتتارى مەملەكەتتىك تىلدە ءبىلىم الۋى ءتيىس» دەپ ايىرىقشا اتاپ ءوتتى.
ماسەلە مىنادا، قازاقستاندىق ءبىلىم جانە عىلىم مينيسترلىگىنىڭ رەفورمالارى ءبىلىم تۋرالى ەمەس، رەسەيدەن الشاقتاۋ تۋرالى.
قازاق ءتىلىنىڭ لاتىن گرافيكاسىنا كوشۋ قاجەتتىلىگىن نەگىزدەۋدە. ا.بايتۇرسىنوۆ اتىنداعى ءتىل ءبىلىمى ينستيتۋتى «قازاق جازۋىن توتاليتاريزم جولىنان بوساتۋ جانە ۇلتتىق سانا-سەزىمدى وياتۋ» جانە «تۇركىتىلدەس الەممەن ودان ءارى توپتاسۋ» سياقتى ماقساتتاردى العا تارتادى. ءبىلىم مينيسترلىگىنىڭ مەملەكەتتىك ساتىپ الۋ دەپارتامەنتىنىڭ بۇرىنعى باسشىسى انار قايىربەكوۆا حابارلاعانداي، ءبىلىم ءمينيسترى اسحات ايماعامبەتوۆ وقۋعا كەلىسىمشارت جاسادى.
بۇل باسىلىمدا مۇعالىمدەردى اعىلشىن تىلىنە وقىتۋعا قاتىستى قاراجاتقا توقتالا كەلىپ، ايماعامبەتوۆتى باتىس قورلارىنا جۇمىس ىستەپ وتىر دەپ ايىپتايدى.
«ءبىلىم مينيسترلىگىنىڭ مەملەكەتتىك ساتىپ الۋ دەپارتامەنتىنىڭ بۇرىنعى باسشىسى انار قايىربەكوۆا حابارلاعانداي، ءبىلىم ءمينيسترى اسحات ايماعامبەتوۆ مۇعالىمدەردى اعىلشىن تىلىندە وقىتۋعا قاتىستى كەلىسىمشارت جاساعان. اتالعان سالادا جۇمىس تاجىريبەسى جوق كومپانيا كەلىسىمشارتتى ءساتسىز اياقتاعان.
انار قايىربەكوۆا مۇعالىمدەردى وقىتۋ ءۇشىن تاڭدالعان كومپانيا سىبايلاس جەمقورلىق ارەكەتتەرى ءۇشىن جاۋاپقا تارتىلعانىن العا تارتىپ وتىر.
قازاقستاننىڭ ءبىلىم بەرۋدى رەفورمالاۋ سالاسىنداعى اسا بەلسەندى ويىنشىلاردىڭ ءبىرى – ەكونوميكالىق ىنتىماقتاستىق جانە دامۋ ۇيىمى مەن دۇنيەجۇزىلىك بانكتەن باسقا، سوروس قورى بولىپ تابىلادى (رەسەيدە ۇيىم كەرەكسىز ۇيىمدار تىزىمىندە – ەسك.س IA REGNUM).
وسى قۇرىلىمنىڭ «سوروس-قازاقستان قورىنىڭ 20 جىلدىق قىزمەتى» اتتى بايانداماسىنان كورەتىنىمىزدەي، 12 جىلدىق ءبىلىم بەرۋ جانە «قازاق ءتىلىن قورعاۋ» يدەياسى وعان تيەسىلى. سونىمەن قاتار سوروس ولار مەكتەپ اكىمشىلىكتەرىن اينالىپ ءوتىپ، «بەيرەسمي كوشباسشىلار» مۇعالىمدەرىن قالىپتاستىرۋىمەن قىزىق بوپ تۇرعان «بارشاعا ارنالعان مەكتەپ» جانە «قازاقستان مۇعالىمدەرىنىڭ كوشباسشىلىعى» جوبالارىن جۇزەگە اسىرۋدا.
قازاقستاندا ءبىلىم سالاسىنداعى مەملەكەتتىك رەفورمانى سوروستىڭ كوپ جىلدان بەرى سەرىكتەستەرى بولىپ كەلە جاتقان ادامدار جۇزەگە اسىرادى. ايماعامبەتوۆ سوروسپەن بايلانىسىن قاتتى جارنامالامايدى.
انار قايىربەكوۆا: «اسحات ايماعامبەتوۆ ناتو ەلدەرى قارجىلاندىرعان ماسكەۋ ازاماتتىق اعارتۋ مەكتەبىندە (شەتەلدىك اگەنت – ۇيىم) وقىعان» دەپ ايتتى. وقىتۋشىلاردىڭ اراسىندا اقش-تىڭ رەسەيدەگى بۇرىنعى جانە قازىرگى ەلشىلەرى، اقش پرەزيدەنتى اكىمشىلىگىندەگى رەسەي جانە ەۋرازيا ىستەرى جونىندەگى كەڭەسشىلەر توماس گرەم جانە توبي گاتي، پەنتاگون باسشىسىنىڭ بۇرىنعى ورىنباسارى ريچارد پەرل، سرۋ سىرتقى بارلاۋ ساراپشىلارى توبىنىڭ بۇرىنعى باسشىسى ريچارد پايپس بار» دەپ جازعان.
«Ustaz» ج ش س جانە جەمقورلىق «Stan Radar» باسىلىمى ءساۋىر ايىنداعى «چتو نە تاك س مينيستەرستۆوم وبرازوۆانيا كازاحستانا ي ەگو رۋكوۆوديتەلەم – اسحاتوم ايماگامبەتوۆىم؟» ماتەريالىندا لاتىن الىپبيىنە كوشۋ بيۋدجەت اقشاسىن جىمقىرۋدىڭ ءبىر جولى دەيدى.
ءبىلىم مينيسترلىگى ءوز سالاسىنداعى سىبايلاس جەمقورلىق فاكتىلەرىن انىقتاۋ ماقساتىنداعى مونيتورينگ پەن ساۋالناما جۇرگىزۋ جۇمىستارىنا ماقساتتى تۇردە كەدەرگى كەلتىرەدى. جۇيەلى سيپاتقا يە قۇبىلىس جولعا قويىلعان. سوروستىڭ شاكىرتى باسقارىپ وتىرعاننان كەيىن، پەرمانەنتتى نەوليبەرال رەفورمالار مەن باتىس ۇلگىسى بيۋدجەتتىڭ قىرۋار قارجىسىن قالتاعا باسۋدىڭ ىڭعايلى جولى. بالكىم، لاتىن الىپبيىنە كوشۋ ارقىلى بيلىگى بار شەنەۋنىكتەر جاڭا وقۋلىقتار، ادىستەمەلىك ادەبيەتتەر مەن قايتا وقىتۋ پروسەسىندە قىرۋار قارجىنى قالتاعا باسۋدى كوزدەپ وتىرعان بولار.
ايماعامبەتوۆتىڭ 2020 جىلدىڭ سوڭىندا وزىنە 15 ميلليون تەڭگە، ورىنباسارلارىنا دا ۇلكەن كولەمدە سىياقى تاعايىنداعانى رەسەيلىك باق-تىڭ نازارىنان تىس قالماعان.
«سوڭعى ەپيزود پارلامەنتتە تالقىلاندى. ءبىزدىڭ دەرەككوزىمىزدىڭ مالىمەتىنشە، قازاقستاندىق كۇش قۇرىلىمدارىن ءبعم-نىڭ قازاقستان ۇستازدارىن اعىلشىن تىلىنە وقىتۋىنا قاتىستى «Ustaz» ج ش س جاساعان شارتتارى قىزىقتىرىپ وتىرعان كورىنەدى. اتالعان فيرمامەن مينيسترلىك 6،7 ملرد تەڭگەگە (8،6 ملن دوللار) كەلىسىمشارت جاساعان. جوبانىڭ ءوزى ءساتسىز شىققان، سەبەبى دايىندىقتان وتكەن ۇستازداردىڭ 80% اعىلشىن ءتىلىن ءتيىستى دەڭگەيدە مەڭگەرمەگەن جانە قوسىمشا وقۋدى قاجەت ەتكەن.
بۇل ەپيزود مەملەكەتتىك «ءۇشتىلدى ءبىلىم بەرۋ جۇيەسىنە» كوشۋ باعدارلاماسىنىڭ ىسكە اسۋىنا بوگەت بولعان. «Ustaz» ج ش س بەدەلىنە دە نۇقسان كەلدى، سەبەبى ونىڭ وكىلى 2020 جىلى ءبىلىم بەرۋ سالاسىنداعى شەنەۋنىكتەرگە پارا بەرمەك بولعانى ءۇشىن قاماۋعا الىندى.
جالپى ايتقاندا، ساياساتسىز-اق، ءبىلىم مينيسترلىگىندەگى سىبايلاس جەمقورلىق، مەملەكەتتىك ساتىپ الۋمەن بايلانىستى حيكايالاردىڭ ءوزى قۇزىرەتتى ورگانداردىڭ تەكسەرۋىن قاجەت ەتەدى.
«ۆرەميا» باسىلىمى بولسا ايماعامبەتوۆتى جەكە باسىن جارنامالاۋدى عانا بىلەدى دەپ ايىپتاپ وتىر.
«ايماعامبەتوۆ شىنايى ناتيجەلەر، سىبايلاس جەمقورلىقپەن كۇرەستەن گورى جەكە باسىن جارنامالاۋمەن اينالىسادى. الەۋمەتتىك جەلىلەردە سەنى «حالىق ءمينيسترى» دەپ ماقتاۋىڭدى اسىرىپ، بىرنەشە بوتتاردى ىسكە قوساتىن پيار ماماندارىن جالداۋعا دا بولادى» دەپ جازعان.
https://dalanews.kz/comment/69060-biz-qazaqqa-boryshtarmyz؟fbclid=IwAR0uHZGeF5B0wmK6HrWcSmN9yoGQ54MkMJHcpgl_T-2S88_KmagZlHwe-lI
https://dalanews.kz/kogam/69168-ata-oneri-balaga-mura-qazaqstanda-q
