مينيسترلىك كەلەشەكتە سۋبسيديادان كەپىلدەندىرۋگە اۋىستىرۋعا دەن قويماق. سونداي-اق، سالىقتىق ىنتالاندىرۋ شارالارىن كوبەيتۋدى جوسپارلاپ وتىر.
– ءقازىر شاعىن جانە ورتا بيزنەستى قولداۋدىڭ نەگىزگى قۇرالى پايىزدىق مولشەرلەمەنى سۋبسيديالاۋ بولىپ وتىرعانىن مينيسترلىكتىڭ ەسىنە سالامىن. بۇل – بانكتەن نەسيە الۋ قىمبات بولعاندىقتان جاسالىپ وتىرعان ءماجبۇرلى شارا. بىزدە بازالىق مولشەرلەمە تومەندەپ، نەسيە قولجەتىمدى بولمايىنشا، سۋبسيديالاۋدىڭ كۇشىن جويۋ تۋرالى ايتۋعا ءالى ەرتە. سۋبسيديالاۋ تەتىگىن جاقسارتۋ بويىنشا جۇمىس ىستەۋگە كەڭەس بەرەمىن، – دەدى كەڭەس ءتوراعاسى، ءماجىلىس دەپۋتاتى امانجان جامالوۆ.
جيىن بارىسىندا پارتيا مۇشەلەرى «قاراپايىم زاتتار ەكونوميكاسى» باعدارلاماسىنىڭ ناتيجەلىلىگىن دە تالقىلادى. مەملەكەتتىك ورگانداردىڭ اقپاراتى بويىنشا 700 ملرد. تەڭگەگە مىڭنان استام جوباعا قولداۋ كورسەتىلگەن.
– بۇل جەردە ولاردىڭ قانشاسى ىسكە قوسىلدى، ءار جوبانىڭ جۇكتەمەسى قانداي دەگەن سۇراقتار تۋىندايدى. قاراجاتتىڭ 20%-ى ونەركاسىپكە مۇلدەم قاتىسى جوق سالالاردى قولداۋعا باعىتتالعان. يمپورتتى الماستىرۋعا كەلسەك، ۇلتتىق ەكونوميكا مينيسترلىگى تاماق ونىمدەرىن وندىرۋمەن اينالىساتىن 144 قارجىلاندىرىلعان كاسىپورىن 2020 جىلى وسىنداي ونىمدەردىڭ جالپى يمپورتىنىڭ 94% ءوندىردى دەپ كورسەتەدى. الايدا ۇلتتىق ستاتيستيكا بيۋروسىنىڭ مالىمەتتەرى مۇنى راستامايدى، – دەدى امانجان جامالوۆ.
نۇروتاندىقتار يمپورتتى الماستىرۋ بويىنشا جۇمىس ناتيجەلەرىنىڭ تومەندىگىن يندۋستريا جانە ينفراقۇرىلىمدىق دامۋ مينيسترلىگى دە كورسەتىپ وتىر دەپ ەسەپتەيدى.
– يندۋستريا جانە ينفراقۇرىلىمدىق دامۋ مينيسترلىگى نەگىزىنەن قۇرىلىس يندۋسترياسىنىڭ جوبالارىن ۇسىندى. قازىرگى تاڭدا قۇرىلىس ماتەريالدارىنىڭ يمپورتى 1 ملرد اقش دوللارىنان اسادى، ال وڭدەۋ ونەركاسىبىنىڭ بارلىق يمپورتى 35 ملرد اقش دوللارىنان اسسا، ونىڭ باسىم بولىگى ماشينا جاساۋ، حيميا ونەركاسىبى، مەتاللۋرگيا، جەڭىل ونەركاسىپ، فارماسيەۆتيكا سالالارىنا تيەسىلى. نەگە بۇل سالالار بويىنشا جوبالار جوق؟ ياعني، مەملەكەت قاراجات بولەدى، زاۋىتتار اشىلدى دەپ ەسەپ بەرەمىز، ءبىراق ستاتيستيكا مەن يمپورتتىق تاۋارلار باعاسىنىڭ وسۋىنە قاراساق، جاعداي باسقاشا. جاۋاپتى ۆەدومستۆولار بۇل ماسەلەلەرگە بايىپتى قاراۋ قاجەت، – دەپ اتاپ ءوتتى كەڭەس ءتوراعاسى.
جيىن قورىتىندىسى بويىنشا ۇلتتىق ەكونوميكا مينيسترلىگىنە كاسىپكەرلەردى سۋبسيديالاۋ تەتىكتەرىن جاقسارتۋ بويىنشا جۇمىس جۇرگىزۋ، سونداي-اق «قاراپايىم زاتتار ەكونوميكاسى» باعدارلاماسى بويىنشا ىسكە اسىرىلعان جوبالارعا تەكسەرۋ جۇرگىزۋ ۇسىنىلدى. يندۋستريا جانە ينفراقۇرىلىمدىق دامۋ مينيسترلىگىنە سالالار بويىنشا يمپورتتى الماستىرۋ جوسپارىن ازىرلەۋ جانە ءاربىر كاسىپورىندى ناقتى قولداۋمەن قامتاماسىز ەتۋ ۇسىنىلدى.
