قازاقستاندىق جاس بلوگەر الىشەر تەمەنوۆ مۇقاعالي ماقاتايەۆقا قاتىستى ايتقان سوزدەرى ءۇشىن اقىنننىڭ ەسكەرتكىشى الدىندا تىزەرلەپ، بارشا قازاق حالقىنان كەشىرىم سۇرادى، دەپ حابارلايدى Dalanews.kz.

بۇل ءساتتى ول Instagram-داعى Stories بولىمىندە جاريالاعان.

“جاستىقتىڭ بۋىمەن، 25 جاستاعى ىسىممەن ءوزىمدى عانا ەمەس، ايەلىم مەن ءتورت ايلىق قىزىمدى دا ۇمىتىپ كەتىپپىن. كەشەگى جاساعان قاتەلىگىم ءۇشىن بۇكىل قازاق حالقىنان كەشىرىم سۇرايمىن”، – دەپ جازدى.

وسىلايشا تەمەنوۆ ءوز ارەكەتىن “اقىماقتىق” دەپ مويىنداپ، Instagram مەن TikTok پاراقشالارىن وشىرەتىنىن مالىمدەدى.

داۋلى ۆيدەونىڭ مازمۇنى

بۇعان دەيىن بلوگەر ءوزىن ريلسمەيكەر رەتىندە تانىستىرىپ، مۇقاعالي ماقاتايەۆقا ءتىل تيگىزگەن ۆيدەو جاريالاعان ەدى. وندا ول اقىننىڭ ولەڭدەرىن كەلەمەجدەپ، ار-نامىسىنا تيەتىن سوزدەر ايتقان بولاتىن. بۇل ۆيدەو كوپشىلىكتىڭ اشۋ-ىزاسىن تۋدىرىپ، جاپپاي سىنعا ۇشىرادى.

"مۇقاعالي ماقاتايەۆ جالپى “جالوۆاتسيا” ەتە بەرەتىن سورلى ەركەك بولادى عوي – ۆوت سونداي. “بۇگىن مەنىڭ تۋعان كۇنىم وي ءپالى-اي، مىنا ادامدار نەگە جاتىر تويلاماي” دەيدى. “ەي، سەن بل… (بوقاۋىز ءسوز) ءبىرىنشى جاساساڭشى تۋعان كۇنىڭدى – سوسىن بارامىز عوي. “بانكەت جاساپ بەرەر ەدىم ءوزىم-اق، ءتاڭىردىڭ ءبىر جارىتپاي-اق قويعانى-اي” دەيدى. پريچەم تۋت، قۇداي؟ سەنىڭ تۋعان كۇنىڭدە ۇستەلىڭنىڭ جايىلىپ تۇرعانى قۇدايعا بايلانىستى ما؟ ءوزىڭ جاسا! ەركەكسىڭ عوي. نە ءۇشىن وتىرسىڭ مىنا جەردە؟ وتانىڭدى قورعايسىڭ – ەركەكسىڭ، اۋلەتىڭدى قورعايسىڭ – ەركەكسىڭ. ايەلىڭدى قورعايسىڭ – ەركەكسىڭ. ۇكىمەتتەن ءۇيدى قاشان بەرەدى دەپ كۇتىپ وتىرساڭ، وندا سەن ەركەك ەمەسسىڭ، – دەگەن بولاتىن بلوگەر. 

ۆيدەوعا قوعامنىڭ رەاكسياسى

تەمەنوۆتىڭ بۇل داۋلى ۆيدەوسى الەۋمەتتىك جەلىدە تارالعاننان كەيىن، حالىقتىڭ نارازىلىعىن تۋدىردى. وسىلايشا، الەمجەلىدە كوپشىلىكتىڭ سىنىنا ۇشىراعاننان كەيىن ول اتالمىش ۆيدەونى ءوشىرىپ تاستادى.