استانا قالاسىنىڭ ەكٸمٸ جەڭٸس قاسىمبەك ەلەۋمەتتٸك پاراقشاسىندا شاھاردا كەزەكتٸ مەكتەپ اشىلعانىن مەلٸم ەتتٸ, – دەپ حابارلايدى Dalanews.kz استانا قالاسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– استانادا ون جەتٸنشٸ جاڭا مەكتەپ اشىلدى. بۇل ەلوردا ٷشٸن ابسوليۋتتٸ رەكورد بولىپ سانالادى!
قاسىم قايسەنوۆ كٶشەسٸ, 4/1 مەكەنجايىندا ورنالاسقان جاڭا وقۋ ورنى «جايلى مەكتەپ» ۇلتتىق جوباسى اياسىندا سالىنعان. مەكتەپ وقۋشىلاردىڭ ىڭعايلىلىعى ٷشٸن قاجەت نەرسەنٸڭ بەرٸمەن جابدىقتالعان.
مەملەكەت باسشىسىنىڭ «جايلى مەكتەپ» ۇلتتىق جوباسى اياسىندا ەلوردادا جاڭا ٷلگٸدەگٸ 10 مەكتەپ سالىنىپ, ەسٸگٸن ايقارا اشتى. وسى ۇلتتىق جوبا اياسىندا 2024-2025 جىلدار ارالىعىندا جاڭا فورماتتاعى 24 مەكتەپ سالىنادى. وسى مەكتەپتەردٸڭ ٶزٸ ەكٸ اۋىسىمدا 90 مىڭعا جۋىق وقۋشى ورنىن اشۋعا مٷمكٸندٸك بەرەدٸ.
جىل سوڭىنا دەيٸن تاعى بٸرنەشە مەكتەپ اشۋدى جوسپارلاپ وتىرمىز. وسىلايشا, تاعى 4 مەكتەپتٸڭ ٷش اۋىسىمدى وقىتۋ پروبلەماسى, سول سيياقتى تىعىزدىلىعى جوعارى 3 مەكتەپتٸڭ قيىندىعى شەشٸلەتٸن بولادى.
بٸز سونداي-اق الداعى جىلدارعا دا دايىندالىپ وتىرمىز. 2025 جىلى تاعى 20-دان استام مەكتەپ سالىپ, پايدالانۋعا بەرۋدٸ جوسپارلاپ وتىرمىز. وقۋ ورىندارىنىڭ قۇرىلىسىنا جەكە ينۆەستيتسييالار دا تارتامىز, – دەپ جازدى جەڭٸس قاسىمبەك.
«جايلى مەكتەپ» جوباسى قالاداعى بٸلٸم بەرۋ جٷيەسٸن دامىتۋ باعىتىندا قولعا الىنعان اۋقىمدى باستامالاردىڭ بٸرٸ. بۇل جوبا وقۋشىلارعا ساپالى بٸلٸم الۋعا مٷمكٸندٸك بەرۋ ٷشٸن جاڭا زامانعا ساي وقۋ وردالارىن سالۋدى جەنە قولدانىستاعى ينفراقۇرىلىمدى جاقسارتۋدى ماقسات ەتەدٸ. ەلوردانىڭ دامۋ قارقىنى مەن حالىق سانىنىڭ ارتۋى بۇل جوبانىڭ ٶزەكتٸلٸگٸن ارتتىرىپ وتىر.
استانا قالاسىندا حالىقتىڭ جىلدام ٶسٸپ, مەكتەپتەردەگٸ ورىن تاپشىلىعى ايقىن سەزٸلۋدە. قالانىڭ كٶپتەگەن مەكتەپتەرٸندە وقۋشىلار ٷش اۋىسىمدا بٸلٸم الۋعا مەجبٷر. بۇل بالالاردىڭ وقۋ ساپاسىنا عانا ەمەس, ولاردىڭ دەنساۋلىعىنا, پسيحولوگييالىق جاي-كٷيٸنە دە كەرٸ ەسەرٸن تيگٸزەدٸ. وسى مەسەلەلەردٸ شەشۋ ٷشٸن قازاقستان ٷكٸمەتٸ ارنايى باعدارلاما اياسىندا «جايلى مەكتەپ» جوباسىن ٸسكە قوستى.
جوبانىڭ باستى ارتىقشىلىعى – مەكتەپ عيماراتتارىنىڭ حالىقارالىق ستاندارتتارعا ساي سالىنۋى. مۇندا تەك وقۋ كابينەتتەرٸ عانا ەمەس, زاماناۋي سپورت زالدارى, عىلىمي زەرتحانالار, شىعارماشىلىققا ارنالعان الاڭدار, سونداي-اق ينكليۋزيۆتٸ بٸلٸم بەرۋ مٷمكٸندٸكتەرٸ قاراستىرىلعان. بۇل بٸلٸم وردالارىندا تەك وقۋشىلاردىڭ اكادەمييالىق بٸلٸمٸن جەتٸلدٸرۋ عانا ەمەس, ولاردىڭ جان-جاقتى دامۋى ٷشٸن دە قولايلى جاعداي جاسالادى.
استانادا وسى جوبا اياسىندا بٸرنەشە جاڭا مەكتەپ سالۋ جوسپارلانعان. 2024-2025 جىلدارى ەلوردادا جالپى 25 مىڭنان استام وقۋشى ورنى قامتاماسىز ەتٸلەتٸن جاڭا مەكتەپتەر سالۋ كٶزدەلگەن. جوبانىڭ نەگٸزگٸ ەرەكشەلٸكتەرٸنٸڭ بٸرٸ – مەكتەپتەر قۇرىلىسىنىڭ جىلدامدىعى. ارنايى ەزٸرلەنگەن تيپتٸك جوبالار مەن مودۋلدٸك قۇرىلىس تەحنولوگييالارى قۇرىلىستى قىسقا مەرزٸمدە اياقتاۋعا مٷمكٸندٸك بەرەدٸ.
استانادا سەتتٸ جٷزەگە اسىپ جاتقان «جايلى مەكتەپ» جوباسى قالا تۇرعىندارى تاراپىنان دا قولداۋ تاۋىپ وتىر. مەملەكەت باسشىسى قاسىم-جومارت توقاەۆتىڭ باستاماسىمەن جٷزەگە اسىرىلىپ جاتقان بۇل باعدارلاما قوعامنىڭ بولاشاق ۇرپاعىنا جاسالعان ٷلكەن قامقورلىقتىڭ كٶرٸنٸسٸ ٸسپەتتٸ. ونى ٸسكە اسىرىلۋى ەلورداداعى بٸلٸم بەرۋ ساپاسىن جاڭا دەڭگەيگە كٶتەرٸپ قانا قويماي, بولاشاقتا بٷكٸل ەل بويىنشا بٸلٸم بەرۋ ينفراقۇرىلىمىن جاقسارتۋعا ٷلگٸ بولماق. استاناداعى وسى جوبا ارقىلى بٸلٸم سالاسىنىڭ الداعى جىلدارداعى قارقىندى دامۋىن كٷتۋگە بولادى.
