Astana qalasynyń ákimi Jeńis Qasymbek áleýmettik paraqshasynda shaharda kezekti mektep ashylǵanyn málim etti, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
– Astanada on jetinshi jańa mektep ashyldy. Bul elorda úshin absoliýtti rekord bolyp sanalady!
Qasym Qaisenov kóshesi, 4/1 mekenjaiynda ornalasqan jańa oqý orny «Jaily mektep» ulttyq jobasy aiasynda salynǵan. Mektep oqýshylardyń yńǵailylyǵy úshin qajet nárseniń bárimen jabdyqtalǵan.
Memleket basshysynyń «Jaily mektep» ulttyq jobasy aiasynda elordada jańa úlgidegi 10 mektep salynyp, esigin aiqara ashty. Osy ulttyq joba aiasynda 2024-2025 jyldar aralyǵynda jańa formattaǵy 24 mektep salynady. Osy mektepterdiń ózi eki aýysymda 90 myńǵa jýyq oqýshy ornyn ashýǵa múmkindik beredi.
Jyl sońyna deiin taǵy birneshe mektep ashýdy josparlap otyrmyz. Osylaisha, taǵy 4 mekteptiń úsh aýysymdy oqytý problemasy, sol siiaqty tyǵyzdylyǵy joǵary 3 mekteptiń qiyndyǵy sheshiletin bolady.
Biz sondai-aq aldaǵy jyldarǵa da daiyndalyp otyrmyz. 2025 jyly taǵy 20-dan astam mektep salyp, paidalanýǵa berýdi josparlap otyrmyz. Oqý oryndarynyń qurylysyna jeke investitsiialar da tartamyz, – dep jazdy Jeńis Qasymbek.
«Jaily mektep» jobasy qaladaǵy bilim berý júiesin damytý baǵytynda qolǵa alynǵan aýqymdy bastamalardyń biri. Bul joba oqýshylarǵa sapaly bilim alýǵa múmkindik berý úshin jańa zamanǵa sai oqý ordalaryn salýdy jáne qoldanystaǵy infraqurylymdy jaqsartýdy maqsat etedi. Elordanyń damý qarqyny men halyq sanynyń artýy bul jobanyń ózektiligin arttyryp otyr.
Astana qalasynda halyqtyń jyldam ósip, mektepterdegi oryn tapshylyǵy aiqyn sezilýde. Qalanyń kóptegen mektepterinde oqýshylar úsh aýysymda bilim alýǵa májbúr. Bul balalardyń oqý sapasyna ǵana emes, olardyń densaýlyǵyna, psihologiialyq jai-kúiine de keri áserin tigizedi. Osy máselelerdi sheshý úshin Qazaqstan Úkimeti arnaiy baǵdarlama aiasynda «Jaily mektep» jobasyn iske qosty.
Jobanyń basty artyqshylyǵy – mektep ǵimarattarynyń halyqaralyq standarttarǵa sai salynýy. Munda tek oqý kabinetteri ǵana emes, zamanaýi sport zaldary, ǵylymi zerthanalar, shyǵarmashylyqqa arnalǵan alańdar, sondai-aq inkliýzivti bilim berý múmkindikteri qarastyrylǵan. Bul bilim ordalarynda tek oqýshylardyń akademiialyq bilimin jetildirý ǵana emes, olardyń jan-jaqty damýy úshin de qolaily jaǵdai jasalady.
Astanada osy joba aiasynda birneshe jańa mektep salý josparlanǵan. 2024-2025 jyldary elordada jalpy 25 myńnan astam oqýshy orny qamtamasyz etiletin jańa mektepter salý kózdelgen. Jobanyń negizgi erekshelikteriniń biri – mektepter qurylysynyń jyldamdyǵy. Arnaiy ázirlengen tiptik jobalar men modýldik qurylys tehnologiialary qurylysty qysqa merzimde aiaqtaýǵa múmkindik beredi.
Astanada sátti júzege asyp jatqan «Jaily mektep» jobasy qala turǵyndary tarapynan da qoldaý taýyp otyr. Memleket basshysy Qasym-Jomart Toqaevtyń bastamasymen júzege asyrylyp jatqan bul baǵdarlama qoǵamnyń bolashaq urpaǵyna jasalǵan úlken qamqorlyqtyń kórinisi ispetti. Ony iske asyrylýy elordadaǵy bilim berý sapasyn jańa deńgeige kóterip qana qoimai, bolashaqta búkil el boiynsha bilim berý infraqurylymyn jaqsartýǵa úlgi bolmaq. Astanadaǵy osy joba arqyly bilim salasynyń aldaǵy jyldardaǵy qarqyndy damýyn kútýge bolady.
