– كاميلا كاۆۋردىڭ «بٸز يتالييا دەگەن مەملەكەتتٸ جاسادىق, ەندٸ يتالييا حالقىن قالىپتاستىرۋىمىز كەرەك» دەگەنٸ بار. مىرزاگەلدٸ اعا, بٸز تەۋەلسٸز قازاقستان دەگەن مەملەكەتتٸ قۇردىق, ۇلتتى قالىپتاستىرا الدىق پا?
– كٶزقاراسىم كٶپشٸلٸكتٸڭ پٸكٸرٸمەن ٷندەسە بەرمەيتٸن اداممىن. مەنٸڭ جەكە پٸكٸرٸمشە, ۇلتتىڭ قالىپتاسا قويماعانىنا مەملەكەت كٸنەلٸ ەمەس. كەيبٸرەۋلەر «بٸزدە يدەولوگييا جوق» دەسە, ەندٸ بٸرەۋلەر «ۇلتتىق يدەيا بولمادى» دەيدٸ, مەسەلە – مۇندا ەمەس.
فيلوسوف امانگەلدٸ ايتالى: «قوعام دامۋىندا يدەولوگيياعا, سونىڭ ٸشٸندە مەملەكەتتٸك يدەولوگيياعا, بولماسا ۇلتتىق يدەولوگيياعا شامادان تىس ٷمٸت ارتىپ, ونى جالعىز قاۋىمداستىرۋشى, ىنتىماقتاستىرۋشى كٷش دەۋ – كەڭەس دەۋٸرٸنەن قالعان, سۋعا كەتكەن ادامنىڭ تال قارماۋى سيياقتى سەنٸم», – دەيدٸ.
دەمەك, يدەولوگييا دەگەن – قۇرساۋ. سوندا قۇرساۋدان شىعىپ تۇرىپ, قۇرساۋدى اڭساپ وتىرمىز.
ديٸرمەندەگٸ اتتاردى بوستاندىققا جٸبەرسەڭ, ەركٸندٸككە جەتكەنٸنە شاتتانىپ, شابا جٶنەلمەيدٸ ەكەن, بٸرشاما ۋاقىت بٸر تٶڭٸرەكتٸ اينالىپ, جەلە جورتىپ جٷرٸپ الاتىنى سەكٸلدٸ, ٷيرەنشٸكتٸ ەدەتٸنە باسادى ەكەن.
بٸز دە سونىڭ كەبٸندەمٸز. ەندٸ عانا جەتٸستٸكتەر جولىندا «شابا» باستاپ ەدٸك, داعدارىسقا تاپ بولدىق.
ەكونوميست رەتٸندە ايتايىن: ۇلتتىق مەملەكەتتٸ قالىپتاستىرۋدا باستى رٶلدٸ ۇلتتىق نارىق, ياعني, بٸزدٸڭ ٶز ٶندٸرٸسٸمٸزدٸڭ دامۋ دەڭگەيٸ ايقىندايدى.
– قازاق زييالىلارىن ٷش توپقا بٶلۋگە بولادى. بٸرٸنشٸ توپ: ۇلتتىق مەدەنيەتتٸ بويىنا سٸڭٸرگەن, قازاقى تانىمداعى زييالىلار. ەكٸنشٸ توپ: ۇلتتىق جەنە ەۋروپالىق مەدەنيەتتٸ بويىنا قاتار سٸڭٸرگەن زييالىلار. ٷشٸنشٸ توپ: تەك قانا ەۋروپالىق مەدەنيەتتٸ بويىنا سٸڭٸرگەن توپ. سٸزدٸڭشە, قازاققا بەرەرٸ كٶپ قاي توپتاعى زييالىلار?
– ٶز باسىم ەكٸنشٸ توپتىڭ بەرەرٸ كٶپ دەپ ويلايمىن. بٸرٸنشٸ توپ – كونسەرۆاتيۆتٸ, اسىقپاۋدى, قاتەلەسٸپ قالماۋدى ٷندەيتٸن, جاڭاشىل ٸستەرگە كٷدٸكپەن, سەنٸمسٸزدٸكپەن قارايتىن توپ. كەيدە تٸپتٸ, قارسىلىق جاسايدى, اشىپ ايتا الماسا, كٷڭكٸلگە كٶشەدٸ. بۇلار مەملەكەتتٸڭ دامۋىنا كەدەرگٸ كەلتٸرەتٸندەي كٶرٸنەتٸن سەتتەرٸ بولعانىمەن, تازالىققا ٷندەۋشٸ توپ رەتٸندە اسا قاجەت توپ.
ٷشٸنشٸ توپ – بٸرٸنشٸگە كەرەعار, اسىعىس, تەۋەكەلشٸل توپ. بۇلار دا كەرەك. باسپا ماشينكاسىن ويلاپ تاۋىپ, «ٸنجٸلدٸ» كٶپتەپ كٸتاپ ەتٸپ شىعارعان, دالاداعى گٷلدٸ ٷيدە ٶسٸرٸپ كٶرٸپ, تابىسقا جەتٸپ جٷرگەندەر وسى توپتىڭ ادامدارى.
بٷگٸنگٸ زييالىلار الاشورداشىلاردان ٶزگەشە. الاشورداشىلار ۇلت جولىنداعى ەڭبەگٸنە اقى تالاپ ەتپەگەن. ال بٷگٸنگٸ زييالىلار الدىمەن «بۇدان ماعان كەلەر قانداي پايدا بار?» دەگەن ساۋالدى تاپسىرىس بەرۋشٸگە, بولماسا, ٶزٸنە قويۋدى ۇمىتپايدى.
تاڭەرتەڭ بٸر پارتييادان, تٷستەن كەيٸن باسقا پارتيياعا مٷشە بولاتىندار بار
– ۇلت مٷددەسٸ, ۇلت تٸلٸ تۋرالى مٸنبەدە سٶيلەپ جٷرگەن زييالىلار تۋرالى قوعامدا «ٶز ۇپايىن تٷگەندەۋ ٷشٸن ايقايلايدى» دەگەن پٸكٸر بار. سٸزدٸڭشە, بۇل پٸكٸر قانشالىقتى شىندىققا جاناسىمدى?
– زييالىلار دا حالىقتىڭ ٸشٸنەن شىققان ادامدار. بٷگٸنگٸ توقشىلىق زاماندا, ولاردىڭ دا «بٸزدٸڭ تۇرمىسىمىز جۇرتتان قالىپ بارادى» دەپ ەسٸنە سالىپ وتىراتىن وتباسى, تۋىستارى بار. سول تۇرعىدان العاندا «ەسەپپەن ايقايلايتىندار» دا بار شىعار. ونداي ادامدار مەنٸڭ ەرٸپتەستەرٸمنٸڭ ٸشٸندە دە بولدى.
بٸردە انا پارتيياعا, بٸردە مىنا پارتيياعا ٶتٸپ, بٸردە ٷكٸمەتكە جابىسىپ, ۇپايلارىن تٷگەندەپ جٷرگەندەردٸ كٶردٸك. ولار قازٸر دە بار. تاڭەرتەڭ بٸر پارتييادان شىعا ساپ, تٷستەن كەيٸن باسقا پارتيياعا كٸرٸپ, كەشكە ونىڭ جەتەكشٸسٸ بولعان دا بار.
بٸراق, ول ٷشٸن بٷكٸل زييالى بٸتكەنگە توپىراق شاشۋعا بولماس. ەل ٸشٸندە ارىن تازا ۇستاپ, مەملەكەتشٸلدٸكتٸ تۋ ەتٸپ, ايتقاندارى مەن كٶكسەگەندەرٸ ەل مۇڭى بولىپ جٷرگەندەر دە از ەمەس.
– سٸزدٸڭ اۋدارماڭىزبەن جارىق كٶرگەن «اقىل قالتا» كٸتابىن وقىرماننىڭ جىلى قابىلداعانىن بٸلەمٸز. مەنٸڭ جەكە پٸكٸرٸمشە, دەل بٷگٸنگٸ وقىرمانعا مورال وقۋعا بولمايدى. پٸكٸرٸممەن كەلٸسەسٸز بە?
– جاۋابىن ٶزٸڭٸز ايتىپ وتىرسىز: «وقىرمان جىلى قابىلداعانىن بٸلەمٸز» دەپ. دەمەك, وقىرمانعا كەرەك دٷنيەلەردٸڭ ٸشٸندە بولعانى عوي.
…«ابزالدىق ەلٸپپەسٸن» 1995 جىلى ەكٸنشٸ رەت پارلامەنت مەجٸلٸسٸ دەپۋتاتتىعىنا سايلاۋعا تٷسەردە, كەزدەسۋلەردە «بٸر جاڭالىعىم بولسىنشى» دەپ, گازەتتٸك نۇسقاسىن جاساپ, 3000 دانا ەتٸپ تاراتىپ جٷردٸم.
ەبٸش اعاعا العىسٶز جازدىرىپ الۋعا بارسام, ماناستىڭ 1000 جىلدىعىنا بايانداما جازىپ وتىر ەكەن. ۋاقىتىنىڭ تاپشىلىعىنا قاراماي, ەرتەڭٸنە كەشكە شاقىرىپ, ٶز قولىمەن مٶلدٸرەتٸپ جازعان العىسٶزٸن بەردٸ. سودان قاناتتاندىم, ەيتپەگەندە, ودان كەيٸن جازار ما ەدٸم, جازباس پا ەدٸم… ٷندٸنٸڭ «پانچاتانترا» اتتى اقىل كٸتابىن ستۋدەنت كەزٸمدە ٶزبەك تٸلٸنەن اۋداردىم.
«مورال وقۋعا بولمايدى» دەيسٸز. 1999 جىلى مەنٸ شىمكەنتكە ارنايى شاقىرعان بٸر توپ وقىرماننىڭ بٸرٸ بىلاي دەدٸ: «سٸزدٸڭ جازعاندارىڭىزدان ٶزٸمدٸ مازالاعان سۇراقتارعا جاۋاپ تاپتىم (دەل سولاي «تاپتىم» دەپ ايتتى). مەندە بەرٸ بار: اتا-انام, ەيەلٸم, ٷش بالام, تۋعان-تۋىستارىم, بانكتە اينالىمدا جەتەرلٸك اقشام, جايلى پەتەر, كوتتەدج, بٸرنەشە اۆتوماشينا, قىسقاسى, بٸر قاراعاندا تٶرت قۇبىلاسى تٷگەل ادام سەكٸلدٸمٸن. بٸراق, بٸر نەرسە جەتپەيدٸ. ٸشٸم قۋىس سيياقتى. ناماز وقىپ تا كٶردٸم, بولمادى. رۋحاني جاعىنان بايۋىم قاجەتتٸگٸن سٸزدٸ وقىپ تٷسٸندٸم, راحمەت», – دەپ 100 دوللار ۇسىندى.
وسىنداي جىلى پٸكٸرٸن ايتىپ, حات جازىپ جاتاتىندار ٶتە كٶپ. ولار – ادام ماتەريالدىق جاعدايىن تٷزەپ قانا قويماي, رۋحاني بايۋ كەرەك ەكەنٸن تٷسٸنگەن جاندار.
مەن قازاقشالاعان بالتاسار گراسياننىڭ «اقىل قالتا» كٸتابى 300 جىل ۇمىتىلىپ, گابريەل گارسييا ماركەس شىققاندا بارىپ, زەرتتەۋشٸلەر «تٸرٸلتكەن كٸتاپ». بۇل كٸتاپ – مورال ايتۋدىڭ كٶكەسٸ. 300 بٶلٸككە بٶلٸپ الىپ, اقىل ايتادى…
كٸتاپتارىمدى مايرا مۇحامەدقىزى, سەرٸك ٷمبەتوۆ, ٶمٸرزاق سەرسەنوۆ ەرەكشە باعالاپ, تاعى دا شىعۋىنا كٶمەكتەستٸ. بٸرٸ – ٶنەر ادامى, بٸرٸ – ٷلكەن شەنەۋنٸك, بٸرٸ – ٸرٸ بايلىق يەسٸ. ولارعا بارىپ, بٸردەڭە دەمەتكەن كەزٸم جوق. تٷرلٸ قىزمەتتەگٸ ازاماتتار, شەنەۋنٸكتەر, كەسٸپكەرلەر, مەنٸ تانىمايتىن وقىرمان حابارلاسىپ, كٸتابىمدى سۇراپ جاتادى.
مەن جازۋشى ەمەسپٸن. جاي عانا ٸزدەنۋشٸ, مارجان تەرۋشٸ اداممىن. ونىمدى ەشكٸم كٶپ كٶرە قويماس. اتامدى, رۋىمدى ماداقتاپ, قولدان باتىر جاساپ, ناسيحاتتاپ جاتقان جوقپىن. حالىقتىڭ سٶزٸن بۇزباستان, ٶزٸنە قايتارىپ بەرٸپ جاتىرمىن. ٷرٸمشٸدەگٸ ۇلتتىق باسپا 4000 دانا ەتٸپ, تٶتە جازۋمەن شىعاردى. لاتىن ەلٸپبيٸنە دە كٶشٸرٸلدٸ. دەمەك, جەر جٷزٸندەگٸ بارلىق قازاق ٶز قولدانىسىنداعى الفاۆيتپەن وقيتىن ەتتٸم.
رۋشىلدىق پروتەكتسيياعا اينالىپ كەتتٸ
– كەزٸندە سٸزدٸڭ پارلامەنتكە كەلۋٸڭٸزگە قارسى ادامدار «ونى حالىق سايلاعان جوق» دەگەن پٸكٸر ايتتى. ٶزٸڭٸز «مەنٸ حالىق سايلاعان ەدٸ, حالىقتىڭ قالاۋلىسىمىن» دەپ سەنٸممەن ايتا الاسىز با?
– سٸز «سول پٸكٸر ەلٸ كٷشٸن جويعان جوق» دەپ ايتا الاسىز با? دەمەك, سول كەزدە ونداي سٶز بولعان بولسا, ۋاقىت ٶتە كەلە, قانداي دا بٸر پٸكٸردٸڭ دۇرىس-بۇرىس ەكەندٸگٸ ەكشەلٸپ, ورىن-ورنىنا قويىلعان شىعار? ونى نەسٸنە ەڭگٸمە ەتتٸڭٸز?!
تٸپتٸ, مەنەن كەيٸنگٸ سايلانعان دەپۋتاتتىڭ ٶكٸلەتتٸك مەرزٸمٸ ٷش-اق جىل بولىپ, جاڭا سايلاۋ جارييالانعاندا, سول كەزدەگٸ وبلىس ەكٸمٸ مەنٸ قايتادان دەپۋتات بولۋعا ۇسىنىپ, پرەزيدەنت ەكٸمشٸلٸگٸنە باردى. بۇل نەنٸ كٶرسەتەدٸ? ٶزٸڭٸز ويلاپ قاراڭىز.
اقتالۋ ٷشٸن ەمەس, قۇدايشىلىعىن ايتايىن, ٶز تاراپىمنان كابينەتتەردٸ جاعالاپ, دەپۋتات بولۋ ٷشٸن جانتالاسقان ەمەسپٸن. ەشكٸمنٸڭ ەسٸگٸن قاقپادىم. راس, 1999 جىلى جازدا بٸر رەت پرەزيدەنت ەكٸمشٸلٸگٸنٸڭ باسشىسى سارىباي قالمىرزاەۆقا جولىقتىم. «ەكٸ رەت سايلاندىم, بٸزدٸڭ جاقتا كەزەككە تۇرىپ قويعاندار بار, ماعان بٸر جۇمىس بەرسەڭٸز, سايلاۋعا تٷسپەي-اق قويسام» دەدٸم. اۋىلىمداعى ادامداردىڭ پيعىلىن بٸلگەندٸكتەن عانا ەمەس, «دەپۋتاتتىققا ۇمتىلا بەرمەيٸن» دەگەن وي ەدٸ. «جوق, باراسىز. سٸز كەرەكسٸز» دەدٸ. ولار كٶپ سٶيلەمەيدٸ, سونىمەن سٶز بٸتتٸ.
بٸزدٸڭ جاقتا رۋشىلدىق ەبدەن شەگٸنە جەتكەن, تٸپتٸ, باسقا ٶڭٸرلەردەن باسىمىراق دەسەم, ارتىق ايتقانىم ەمەس. ٶز رۋىنىڭ ادامى سايلانعانىن مەرتەبە ساناپ, قارسىلاسىن قايتكەن كٷندە دە جەڭۋ, جەڭە المايتىنىنا كٶزٸ جەتسە جىعۋ, تىم بولماعاندا, كٷيە جاعۋدى ماقسات ەتۋ نەگە كەرەك?! سول دا مۇرات پا?
«نە تاپتى قازاق قۇلاگەردٸ ۇرىپ جىققاننان?» دەپ ەبدٸلدە تەجٸباەۆ اقساقال جاقسى ايتىپ كەتكەن. رۋشىلدىق بٷگٸندە اقسەلەۋ ايتقانداي, پروتەكتسييا جاساۋ جولىنا اينالىپ كەتكەن.
1996 جىلى ماۋسىم ايىندا ەلباسىعا سۇرانىپ, ماقتاارالدىڭ مەسەلەلەرٸن ايتتىم. ٶزبەكستانمەن ٸرگەمٸزدٸ اۋلاق سالا باستاعالى ماقتاارالعا ٶتەتٸن جالعىز جول سول كٶرشٸ ەل ارقىلى ٶتەتٸندٸكتەن, ادامدارىمىزدى ورىنسىز تەكسەرٸپ, ٸلٸك ٸزدەپ, باعىنۋعا كٶنە بەرمەيتٸن قازاعىمىزدى كٷشتەپ, تٸپتٸ, قالتاسىنا ەسٸرتكٸ سالىپ جٸبەرٸپ, ٸستٸ ەتە باستاعان بولاتىن. سىردارييا ٶزەنٸنەن تٸكەلەي ٶتكٸزەتٸن كٶپٸر مەن جول سالۋدىڭ جوسپارلانىپ قويعان جوباسىن ەرتەرەك بٸتٸرۋ قاجەتتٸگٸن ايتتىم.
پرەزيدەنت «1999 جىلى بٸتٸرەمٸن» دەدٸ. قيىن كەزەڭ ەدٸ, كٶڭٸلٸم ونشا سەنبەدٸ. پرەزيدەنت ۋەدەسٸندە تۇردى, سول جىلى قازاندا كٶپٸر سالىنىپ بٸتتٸ. قاتتى ريزا بولدىم, ەل قۋاندى.
1985 جىلى باستالىپ, بٸتپەي تۇرعان اۋداندىق اۋرۋحانا قۇرىلىسىنا قارجى بٶلدٸرۋ ٷشٸن ٷكٸمەت باسشىسى يمانعالي تاسماعامبەتوۆكە, مينيسترلەرگە قايتا-قايتا بارىپ جٷرٸپ, 2004 جىلعا باستاپقى قارجىنى بٶلدٸردٸم.
2003-2004 جىلدارى اۋداندا تٶرت جىلدا 8 مەكتەپ سالۋعا قاجەت جوبالىق-سمەتالىق قۇجاتتاردى ەزٸرلەتٸپ, قارجى مينيسترلٸگٸنە تابىستاپ, جوسپارلارىنا ەنگٸزدٸردٸم. سول جوبا بويىنشا كەيٸننەن مەكتەپتەر سالىندى.
جالاقىمەن جٷرٸپ, بالالارىمدى جەتٸلدٸردٸم
– «دەپۋتات بولىپ تۇرعان كەزدە مىنا نەرسەنٸ ايتا المادىم-اۋ» دەپ ارىڭىز مازالايتىن كەز بولا ما?
– ەر مەزگٸلدە ادامنىڭ بٸلٸم-بٸلٸك دەڭگەيٸ ەرتٷرلٸ بولادى. سول سەتتەردەگٸ بٸلگەنٸمدٸ ايتتىم.
تەلەەكران الدىندا كٶلبەڭدەگەنٸم جوق. تۆاردوۆسكييدٸڭ: «پروجەكتوردىڭ جارىعى قاي جەرگە تٷسٸپ تۇرسا, ەۆتۋشەنكو سول جەرگە تۇرعاندى جاقسى كٶرەدٸ, ال ەگەر جارىقتى باسقا جەرگە تٷسٸرسەڭ, جەنيا جٷگٸرٸپ بارىپ, سول جەرگە تۇرا قالادى» دەگەن سٶزٸ بار. ٶزٸن-ٶزٸ جارنامالاۋمەن اينالىساتىن ادامداردى ٶمٸردە كٶپ كٶردٸم.
– وسى عۇمىرىڭىزدا سىنىپ بارىپ, قايتا ەڭسەڭٸزدٸ كٶتەرگەن كەزٸڭٸز بولدى ما?
– جوق.
– كەيدە اينالاڭداعى ادامداردىڭ شىنايى بولمىسىن باسىڭا ٸس تٷسكەندە بٸلەسٸڭ. جاقىن ادامدارىڭىزدىڭ باسىڭىزعا ەلدەقانداي ٸس تٷسكەندە ساتىپ كەتكەن كەزٸ بولدى ما?
– باقىتىما وراي باسىما ٸس تٷسكەن ەمەس. ۇدايى جەتٸسپەۋشٸلٸكتەن باسقا. بۇل – ٶزٸم تاڭداعان جولىم. قىرىق جىل ەڭبەك ٶتٸلٸم تۇتاستاي مەملەكەتتٸك قىزمەتشٸ ساناتىنا جاتسا دا, پارلامەنت اپپاراتىنىڭ قىزمەتكەرٸ كەزٸمدە 38 مىڭ تەڭگەمەن زەينەتكە شىقتىم. ٶتە ۇقىپتىلىق پەن ٷنەمشٸلدٸك جاساپ, ٶزٸمە شەكتەۋ قويۋ ارقىلى ايلىق جالاقىمەن جٷرٸپ, بالالارىمدى جەتٸلدٸردٸم. ودان ارتىلدىرۋ مٷمكٸن ەمەس ەدٸ, جيناپ تاستاعان ەشتەڭەم جوق. ٶمٸرگە ٶكپەم جوق. قازٸر ۇشاقپەن بارۋعا تيٸس جەرگە پويىزبەن بارعاندا پەندەلٸگٸم ۇستاپ, ازداپ ٶكٸنەمٸن. بٸراق, بۇل جولدى دا ٶزٸم تاڭدادىم.
– «ادام ٶزٸن كەدەرگٸلەر ٷستٸندە تانيدى» دەگەنٸن وقىپ ەدٸم ەكزيۋپەريدٸڭ. سٸز ٶزٸڭٸزدٸ كەدەرگٸلەر ٷستٸندە تاني الدىڭىز با?
– ٶمٸرٸمدە ايتۋعا تۇرارلىق كەدەرگٸ بولعان جوق دەسەم سەنەسٸز بە? ستۋدەنت كەزٸمدە كومسومول بەلسەندٸسٸ بولىپ, بٷكٸل ٶزبەكستاندى ارالاپ شىقتىم. اۋىلدا جٷرگەندە تەپ-تەۋٸر دەڭگەيٸم بار دەپ مالدانىپ جٷرگەندە, جوعارعى كەڭەس دەپۋتاتى بولىپ, 45 جاسىمدا الماتىعا كەلٸپ, ٶزٸمنٸڭ بٸلٸم-بٸلٸگٸم, وي-ٶرٸسٸم, ويلاۋ قابٸلەتٸم اۋدان دەڭگەيٸندە عانا ەكەنٸن كٶرٸپ, شوشىپ كەتتٸم. ٷندەمەي ٷيرەندٸم, كٸتاپحانادان شىقپادىم, پارلامەنت ارحيۆٸن سٷزدٸم, بۇقارالىق اقپارات قۇرالدارىنان دا كٶپ بٸلٸم الدىم. كومپيۋتەر ٷيرەنٸپ, جاڭادان قالىپتاسىپ كەلە جاتقان ينتەرنەتتەن ٶمٸرگە قاجەتتٸ اقپاراتتار الدىم.
وسىلاي ەڭبەكتەنۋ ارقىلى جەتٸلدٸم. ٷلكەن جەتٸستٸكتەرگە جەتتٸم. جۇمىسىما قوسىمشا جارتى ستاۆكامەن پرەزيدەنتتٸڭ مەملەكەتتٸك باسقارۋ اكادەميياسىندا 8 جىل مەملەكەتتٸك باسقارۋ پەنٸنەن دەرٸس بەردٸم. «ٶزٸن-ٶزٸ باسقارۋ» پەنٸنەن مەكتەپتەر مەن وقۋ ورىندارىندا دەرٸستەر ٶتكٸزەمٸن.
زەينەتكە شىققالى بەرٸ ەۋرازييا ۇلتتىق ۋنيۆەرسيتەتٸندەمٸن. وسى ٷش جىل ٸشٸندە 5 وقۋ قۇرالىن, بٸر وقۋلىق جازدىم.
ەلٸ كٷنگە دەيٸن ٸزدەنٸس ٷستٸندەمٸن. ٶمٸرٸم ٶز قالاۋىممەن وسىلاي جالعاسىپ كەلە جاتىر.
– ەڭگٸمەڭٸزگە راحمەت!
سۇحباتتاسقان – اياگٷل مانتاي.
