مەيٸرٸم
– نەگە جىلايسىڭ, مۇرات? – دەدٸ مۇقاش كەدٸمگٸدەي ٷلكەن كٸسٸ قۇساپ. مۇرات ەندٸ داۋىستاپ جىلاي باستادى. مۇقاش جيەن باۋىرىنىڭ كٶڭٸلٸن دەل تٷسٸندٸ بٸلەم
– مە, اۆتومات كەرەك بولسا, سەن الا عوي. باسى بٷتٸن ساعان بەردٸم. مەن مەكتەپتە وقىپ جٷرمٸن عوي. ماعان اۆتوماتپەن ويناۋ دۇرىس ەمەس تە شىعار. سەن ويناي عوي, – دەدٸ. مۇراتتىڭ جٷزٸنە كۋانىش سەۋلەلەرٸ كٸرە باستادى. اۆتوماتتى قولىنا الىپ قوجانمەن اتىسىپ كەتتٸ.
ەكەۋٸنٸڭ ويىنىنا قىزىعا قاراپ مۇقاش تۇر. اعاسىنىڭ يىعى تٷسٸپ كەتكەنٸن بايقادى بٸلەم كوجان:
– مۇقاش, مەن بيىل مەكتەپكە بارام. مىنا اۆتوماتپەن سەن وينا. سەن ٷلكەنسٸڭ عوي. سەنٸڭ ٶزٸڭنٸڭ اۆتوماتىن بولعانى جاقسى, – دەپ قولىنداعى اۆتوماتىن اعاسىنا بەردٸ.
بۇلاردىڭ ويىندارىن سىرتتاي باقىلاپ وتىرعان ەجە ۇلىنا بۇرىلىپ:
– ٷشەۋٸن ساتىپ الساڭ قايتەدٸ مىنانىڭ. بۇدان بىلاي ەسٸڭدە بولسىن, بٸر نەرسە بالالارعا ساتىپ الساڭ, بەرٸنە جەتەتٸندەي قىلىپ ال, – دەدٸ. – ەيتپەسە, ەشنەرسە ساتىپ ەپەرمە بالالارعا. بٸرەۋٸن قۋانتىپ, ەكٸنشٸسٸن مۇڭايتىپ ەپەرگەن سىيلىعىڭ بار بولسىن! – دەدٸ.
– ايتقانىڭىز بولادى, – دەدٸ ەكٸ بالانىن ەكەسٸ. وسى وقيعانى سىرتتاي باقىلاپ تۇرعان اتا نەمەرەلەرٸنٸڭ بٸر-بٸرٸنە دەگەن مەيٸرٸمٸنە ٸشتەي ريزا بو- لىپ:
– وسى بەتشاعارلاردىڭ بەرٸ دە ٶزٸمە تارتىپتى-اۋ, – دەپ قۋاندى.
قۋانىش بازارحان
