25 قىركٷيەكتە ساعات 08:45-تە ورال قالاسىنىڭ ەۋەجايىنا ماڭعىستاۋ وبلىسىنداعى قايعىلى وقيعا سالدارىنان قازا تاپقان باتىسقازاقستاندىق ەسكەري قىزمەتشٸلەر جەڭٸس تەمٸرعاليەۆ, ٶمٸربەك ٶمٸرزاق جەنە اقجايىق عيلاجدىڭ سٷيەگٸ ارنايى رەيسپەن جەتكٸزٸلدٸ, دەپ حابارلايدى dalanews.kz.
قازا تاپقان ەسكەري قىزمەتشٸلەردٸ اقتىق ساپارعا شىعارىپ سالۋ جەنە جەرلەۋ رەسٸمدەرٸ 26 قىركٷيەكتە ٶتەدٸ.
"مەملەكەت باسشىسىنىڭ تاپسىرماسىمەن قازا تاپقانداردىڭ وتباسىلارىنا جەرگٸلٸكتٸ اتقارۋشى ورگاندار تاراپىنان ماتەريالدىق كٶمەك كٶرسەتٸلەدٸ. سونداي-اق, بۇل ٸسكە بيزنەس ٶكٸلدەرٸ دە اتسالىسادى. جەرلەۋ رەسٸمدەرٸن ۇيىمداستىرۋ بويىنشا بارلىق شارا قابىلدانىپ جاتىر. بۇل جاعداي وبلىس ەكٸمٸنٸڭ تٸكەلەي باقىلاۋىندا", - دەدٸ بقو ەكٸمٸنٸڭ باسپاسٶز قىزمەتٸ ٶكٸلٸ.
ەسكە سالساق, قايعىلى وقيعا 24 قىركٷيەكتە ماڭعىستاۋ وبلىسىندا ەسكەري-تەڭٸز كٷشتەرٸنٸڭ وقۋ-جاتتىعۋى كەزٸندە بولعان. سۋعا كەتكەن 17 ەسكەري قىزمەتشٸنٸڭ 14-ٸ قازا تاپتى, ٷشەۋٸ قۇتقارىلدى.
وسىعان بايلانىستى 25 قىركٷيەك - قازاقستاندا جالپىۇلتتىق ازا تۇتۋ كٷنٸ بولىپ جارييالاندى.
قايعىلى وقيعاعا قاتىستى 12 ساراپتاما تاعايىندالدى. سونىمەن قاتار, تراگەديياعا بايلانىستى كٷدٸكتٸلەر انىقتالدى.
