25 qyrkúiekte saǵat 08:45-te Oral qalasynyń áýejaiyna Mańǵystaý oblysyndaǵy qaiǵyly oqiǵa saldarynan qaza tapqan batysqazaqstandyq áskeri qyzmetshiler Jeńis Temirǵaliev, Ómirbek Ómirzaq jáne Aqjaiyq Ǵilajdyń súiegi arnaiy reispen jetkizildi, dep habarlaidy dalanews.kz.
Qaza tapqan áskeri qyzmetshilerdi aqtyq saparǵa shyǵaryp salý jáne jerleý rásimderi 26 qyrkúiekte ótedi.
"Memleket basshysynyń tapsyrmasymen qaza tapqandardyń otbasylaryna jergilikti atqarýshy organdar tarapynan materialdyq kómek kórsetiledi. Sondai-aq, bul iske biznes ókilderi de atsalysady. Jerleý rásimderin uiymdastyrý boiynsha barlyq shara qabyldanyp jatyr. Bul jaǵdai oblys ákiminiń tikelei baqylaýynda", - dedi BQO ákiminiń baspasóz qyzmeti ókili.
Eske salsaq, qaiǵyly oqiǵa 24 qyrkúiekte Mańǵystaý oblysynda Áskeri-teńiz kúshteriniń oqý-jattyǵýy kezinde bolǵan. Sýǵa ketken 17 áskeri qyzmetshiniń 14-i qaza tapty, úsheýi qutqaryldy.
Osyǵan bailanysty 25 qyrkúiek - Qazaqstanda jalpyulttyq aza tutý kúni bolyp jariialandy.
Qaiǵyly oqiǵaǵa qatysty 12 saraptama taǵaiyndaldy. Sonymen qatar, tragediiaǵa bailanysty kúdiktiler anyqtaldy.
