استانا حالىقارالىق قارجى ورتالىعىندا تىركەلگەن Finaccord Limited ينۆەستيسيالىق-قارجى كومپانياسى ءوزىنىڭ جالعىز اكسيونەرى ولەگ نوۆاچۋككە 1،647 ملرد تەڭگە ديۆيدەنت تولەيدى، دەپ حابارلايدى Dalanews.kz.
بۇل تۋرالى مالىمەت قازاقستان قور بيرجاسىنىڭ سايتىندا جاريالاندى.
Finaccord Limitedء-تىڭ 2023 جىلدىڭ قورىتىندىسى بويىنشا جاراتىلماعان تابىسى 14،8 ملرد تەڭگەنى قۇرادى. ونىڭ ىشىنەن 4،8 ملرد تەڭگە بۇعان دەيىن دە كومپانيانىڭ جالعىز اكسيونەرىنە ديۆيدەند رەتىندە تولەنگەن بولاتىن.
"كومپانيانىڭ جاراتىلماعان تابىسىنان ارتىلعان بولىك 2023 جىلعى 31 جەلتوقسانداعى جاعداي بويىنشا 9،99 ملرد تەڭگەنى قۇرادى. وسىعان بايلانىستى كومپانيانىڭ جاراتىلماعان پايداسىنىڭ قالدىق 1،6 ملرد تەڭگەسءىن (3 3،3 ملن دوللار) 2023 جىلعى 31 جەلتوقسانداعى جاعداي بويىنشا اكسيونەردىڭ ديۆيدەنتءى دەپ جاريالاۋ تۋرالى شەشىم قابىلداندى"، دەلىنگەن كومپانيا حابارلاماسىندا.
2023 جىلى Finaccord Limited كومپانياسىنىڭ تازا تابىسى 2 ملرد تەڭگەنى قۇرادى. كومپانيا 2022 جىلى استانا حالىقارالىق قارجى ورتالىعىندا تىركەلگەن جانە اكسيونەردىڭ ينۆەستيسيالارىن قوسا العاندا، رەتتەلمەيتىن ينۆەستيسيالىق قىزمەتپەن جانە ءوز ينۆەستيسيالارىن باسقارۋمەن اينالىسادى.
ولەگ نوۆاچۋك تۋرالى از-كەم مالىمەت
ول Forbes بويىنشا قازاقستانداعى ەڭ باي ادامدار تىزىمىندە 34ء-شى ورىندا (2 265 ملن دوللار) تۇر. سونداي-اق ول Nova Resources B.V. ديرەكتورلار كەڭەسىنىڭ ءتوراعاسى، سول ارقىلى Kaz Minerals-تاعى 36،5% ۇلەسىن باسقارىپ، ۆلاديمير كيممەن (ۇلەسى - 63،5%) قاتار تۇرعان باقىلاۋشى اكسيونەرلەردىڭ ءبىرى بولىپ تابىلادى.
"جاسىراتىنى جوق، نوۆاچۋكتىڭ بۇكىل بيزنەسى قازاقستاننىڭ ەڭ ىقپالدى بيزنەسمەندەرىنىڭ رەيتينگى باسىنا تۇرعان ۆلاديمير كيممەن تىعىز بايلانىستى. كيم 2022 جىلى Finaccord Limitedء-تى قۇردى، ءبىراق ءۇش ايدان كەيىن، 2023 جىلدىڭ قاڭتارىندا ونى قانداي دا ءبىر سەبەپتەرمەن نوۆاچۋكقا تاپسىردى. ايتقانداي، ولەگ نيكولايەۆيچ رەسەيدەگى التىن وندىرىسىمەن اينالىساتىن بايم جوباسىنا قول جەتكىزبەي تۇرعاندا، ءبىر جىل بۇرىن 2022 جىلدىڭ ماۋسىمىندا قۇرىلعان Trianon Limited كومپانياسىنىڭ تەڭ ءتوراعاسى اتاندى. ال 2018 جىلدان بەرى بۇل اكتيۆتى رەسەيلىك رومان ابراموۆيچ پەن الەكساندر ابراموۆانىڭ قۇرىلىمدارىنان ساتىپ العان KAZ Minerals يەلىك ەتىپ كەلگەن. ءبىراق 2023 جىلى سانكسيالار قاۋپىنە بايلانىستى ونى ەنشىلەس كومپانياعا بەرۋ تۋرالى شەشىم قابىلداندى. ول ءۇشىن، ءتىپتى رەسەي پرەزيدەنتى ۆلاديمير ءپۋتيننىڭ رۇقساتىن الۋ قاجەت بولعان. مامىر ايىنىڭ سوڭىندا Trianon Limited بايم جوباسىنان ءبىرجولاتا قۇتىلدى. ولار ونى رەسەيلىك "سيەۆەرنايا اۆرورا"جابىق ينۆەستيسيالىق قورىنا ساتتى. ونىڭ وزگە اكتيۆتەرى تۋرالى مالىمەت جوقتىڭ قاسى. Kaz Minerals-تا ۆلاديمير كيم پرەزيدەنت ءارى اتقارۋشى ەمەس ديرەكتور لاۋازىمدارىن اتقارادى. ولەگ نوۆاچۋك KAZ Minerals ديرەكتورلار كەڭەسىن باسقارادى. سونىمەن "كيم – نوۆاچۋك" سەرىكتەستىگى ارتىندا نە جاتقانى جايلى، وكىنىشكە قاراي، ەشكىم ەشنارسە ايتپايدى" دەپ جازادى قوعام بەلسەندىسى بەرىك جاعىپاروۆ جەلىدە.
الدىندا كەڭەس راقىشيەۆ اكتيۆتەرىن نەگە ساتىپ جاتقانىن جازعان بولاتىنبىز.
