بۇگىن استانادا وتكەن قازاقستان حالقى اسسامبلەياسى انالار كەڭەسىنىڭ 10 جىلدىعىنا ارنالعان رەسپۋبليكالىق فورۋمدا قۋاندىق بيشىمبايەۆ ىسىندە مەملەكەتتىك ايىپتاۋشى بولعان ايجان ايماعانوۆا وتباسى ينستيتۋتىن قولداۋ، جاستاردى تاربيەلەۋ جانە قۇقىق بۇزۋشىلىقتىڭ الدىن الۋ سەكىلدى باستامالاردىڭ ەرەكشە ماڭىزدىلىعىنا توقتالدى، دەپ حابارلايدى Dalanews.kz.

ەڭ الدىمەن، ايماعانوۆا انالار كەڭەسىن مەرەيتويىمەن قۇتتىقتاي وتىرىپ، ونىڭ قوعامداعى بەدەلدى ۇيىمداردىڭ بىرىنە اينالعانىن اتاپ ءوتتى. ول كەڭەستىڭ ەل كولەمىندە ءوز قولداۋشىلارىن تاپقانىن جانە باستى ماقساتى رەتىندە ۇلتتىق دەنساۋلىق، تاربيە، ىنتىماق پەن بىرلىكتى اتاپ كورسەتتى.

“بارشاڭىزدى قازاقستان حالقىاسسامبلەياسى جانىنداعى انالار كەڭەسىنىڭ 10 جىلدىق مەرەيتويىمەن قۇتتىقتايمىن!

وسى 10 جىل ىشىندە انالار كەڭەسى ەلىمىزدەگىبەدەلدى قوعامدىق ينستيتۋتتاردىڭ بىرىنەاينالدى. ۇيىمنىڭ وڭىرلەردە ءوز كوشباسشىلارىمەن قولداۋشىلارى قالىپتاستى. بۇگىندەولاردىڭ باسىن بىرىكتىرەتىن ءبىر عانا مۇددە بار. ول – ۇلتتىڭ ساۋلىعى مەن تاربيەسى، ىنتىماعى مەن بىرلىگى.

سىزدەردىڭ وتباسى ينستيتۋتىن ساقتاۋ مەن نىعايتۋعا، وسكەلەڭ ۇرپاقتى تاربيەلەۋگە، جاستاراراسىنداعى قۇقىق بۇزۋشىلىقتىڭ الدىن الۋعاارنالعان باستامالارىڭىزدىڭ ماڭىزىن ەرەكشەاتاپ وتكىم كەلەدى.

انالار كەڭەسىنىڭ مۇشەلەرى ءارقاشان قوعامداعى وزەكتى ماسەلەلەرگە ءۇن قوسىپ، ونى شەشۋگە بەلسەنە قاتىسۋدا. ونىڭ ىشىندە قۇقىقتىق تاربيە بەرۋ ماسەلەسى دە بار”، - دەدى ول.

سونىمەن قاتار ول جاستار اراسىندا قۇقىق بۇزۋشىلىقتىڭ كوبەيۋىنە الاڭداۋشىلىق تانىتتى.

“وزدەرىڭىزگە ءمالىم، كەيىنگى كەزدەرى جاستار اراسىنداعى قۇقىق بۇزۋشىلىقتىڭ كوبەيۋى بايقالادى. زورلىق-زومبىلىق، ۆانداليزم، بۇزاقىلىق فاكتىلەرى، بالالارعا قاتىستى قىلمىستاردىڭ ارتۋى الاڭداتادى.

مەن پروكۋراتۋرا قىزمەتكەرى رەتىندە كۇن سايىن وسىنداي ىستەردىڭ كۋاسىمىن. بۇل بىزگە مورالدىق-پسيحولوگيالىق تۇرعىدان وتە اۋىر. ءبىر جاعىنان انا رەتىندە اياعىن شالىس باسقان جاستاردىڭ بولاشاعىنا ۋايىمدايمىز، ەكىنشى جاعىنان زاڭگەر رەتىندە جانىڭ اۋىرادى. قالايدەسەك تە، زاڭدى شەشىم شىعارىپ، جاستاردى تۋرا جولعا سالۋعا تىرىسامىز. ءبىراق، نەگە ءبىزدىڭ بالالار زاڭ بۇزادى؟ نەگە قاتىگەزدىك تانىتادى؟ وسى ويلار كوپ مازالايدى مەنى، وسى ويلاردان ءبىر تۇيگەنىم، وتباسىندا تاربيە قۇلدىراپ تۇر. "ەل بولامىن دەسەڭ بەسىگىندى تۇزە" دەپ ايتقان مۋحتار اۋەزوۆ. ەندەشە، وتباسىنا بەت بۇرايىق.”، - دەدى پروكۋرور.

وسى تۇستا ول حالىقتى قوعامدا قۇقىقتىق مادەنيەتتى ناسيحاتتاۋعا بەلسەندى اتسالىسۋعا شاقىردى. وسىلايشا، انالار كەڭەسى اياسىندا “ءتارتىپتى وزىڭنەن باستا” قوعامدىق اكسياسىن باستاۋدى ۇسىندى.

"ونىڭ باستى ماقساتى –جاستار اراسىندا قۇقىقتىق مادەنيەتتىقالىپتاستىرۋعا ۇندەۋ، قۇقىق بۇزۋشىلىقتار مەن تارتىپسىزدىكتىڭ الدىن الۋ، قوعامدا زاڭ مەن تارتىپۇستەمدىگىن ناسيحاتتاۋ.

وسى ارقىلى جاستاردى قۇقىقبۇزۋشىلىق كەسەلدەردەن اۋلاق بولۋعا تاربيەلەيمىز.

"تارتىپكە باعىنعان قۇل بولمايدى، تارتىپسىزەل بولمايدى"، - دەگەن داڭقتى قولباسشى باۋىرجان مومىش ۇلى.

ءسوز سوڭىندا زاڭ مەن ءتارتىپتى باستى قۇندىلىق رەتىندە ۇستانىپ، مەملەكەتىمىزدەادىلەتتىلىك پەن تۇراقتىلىقتى بيىك قويۋعا ءار ازامات، ءار وتباسى ءوز ۇلەسىن قوسۋعا مىندەتتى ەكەنىن اتاپ وتكىم كەلەدى”، - دەدى ول.