Búgin Astanada ótken Qazaqstan halqy Assambleiasy Analar keńesiniń 10 jyldyǵyna arnalǵan respýblikalyq forýmda Qýandyq Bishimbaev isinde memlekettik aiyptaýshy bolǵan Aijan Aimaǵanova otbasy institýtyn qoldaý, jastardy tárbieleý jáne quqyq buzýshylyqtyń aldyn alý sekildi bastamalardyń erekshe mańyzdylyǵyna toqtaldy, dep habarlaidy Dalanews.kz.
Eń aldymen, Aimaǵanova Analar keńesin mereitoiymen quttyqtai otyryp, onyń qoǵamdaǵy bedeldi uiymdardyń birine ainalǵanyn atap ótti. Ol keńestiń el kóleminde óz qoldaýshylaryn tapqanyn jáne basty maqsaty retinde ulttyq densaýlyq, tárbie, yntymaq pen birlikti atap kórsetti.
“Barshańyzdy Qazaqstan halqyAssambleiasy janyndaǵy Analar keńesiniń 10 jyldyq mereitoiymen quttyqtaimyn!
Osy 10 jyl ishinde Analar keńesi elimizdegibedeldi qoǵamdyq institýttardyń birineainaldy. Uiymnyń óńirlerde óz kóshbasshylarymen qoldaýshylary qalyptasty. Búgindeolardyń basyn biriktiretin bir ǵana múdde bar. Ol – ulttyń saýlyǵy men tárbiesi, yntymaǵy men birligi.
Sizderdiń otbasy institýtyn saqtaý men nyǵaitýǵa, óskeleń urpaqty tárbieleýge, jastararasyndaǵy quqyq buzýshylyqtyń aldyn alýǵaarnalǵan bastamalaryńyzdyń mańyzyn ereksheatap ótkim keledi.
Analar keńesiniń músheleri árqashan qoǵamdaǵy ózekti máselelerge ún qosyp, ony sheshýge belsene qatysýda. Onyń ishinde quqyqtyq tárbie berý máselesi de bar”, - dedi ol.
Sonymen qatar ol jastar arasynda quqyq buzýshylyqtyń kóbeiýine alańdaýshylyq tanytty.
“Ózderińizge málim, keiingi kezderi jastar arasyndaǵy quqyq buzýshylyqtyń kóbeiýi baiqalady. Zorlyq-zombylyq, vandalizm, buzaqylyq faktileri, balalarǵa qatysty qylmystardyń artýy alańdatady.
Men prokýratýra qyzmetkeri retinde kún saiyn osyndai isterdiń kýásimin. Bul bizge moraldyq-psihologiialyq turǵydan óte aýyr. Bir jaǵynan ana retinde aiaǵyn shalys basqan jastardyń bolashaǵyna ýaiymdaimyz, ekinshi jaǵynan zańger retinde janyń aýyrady. Qalaidesek te, zańdy sheshim shyǵaryp, jastardy týra jolǵa salýǵa tyrysamyz. Biraq, nege bizdiń balalar zań buzady? Nege qatygezdik tanytady? Osy oilar kóp mazalaidy meni, osy oilardan bir túigenim, otbasynda tárbie quldyrap tur. "El bolamyn deseń besigindi túze" dep aitqan Mýhtar Áýezov. Endeshe, otbasyna bet buraiyq.”, - dedi prokýror.
Osy tusta ol halyqty qoǵamda quqyqtyq mádenietti nasihattaýǵa belsendi atsalysýǵa shaqyrdy. Osylaisha, Analar keńesi aiasynda “Tártipti ózińnen basta” qoǵamdyq aktsiiasyn bastaýdy usyndy.
"Onyń basty maqsaty –jastar arasynda quqyqtyq mádeniettiqalyptastyrýǵa úndeý, quqyq buzýshylyqtar men tártipsizdiktiń aldyn alý, qoǵamda zań men tártipústemdigin nasihattaý.
Osy arqyly jastardy quqyqbuzýshylyq keselderden aýlaq bolýǵa tárbieleimiz.
"Tártipke baǵynǵan qul bolmaidy, tártipsizel bolmaidy", - degen dańqty qolbasshy Baýyrjan Momyshuly.
Sóz sońynda zań men tártipti basty qundylyq retinde ustanyp, memleketimizdeádilettilik pen turaqtylyqty biik qoiýǵa ár azamat, ár otbasy óz úlesin qosýǵa mindetti ekenin atap ótkim keledi”, - dedi ol.
