دەپۋتات اناس باققوجاەۆ قازٸر اۋىل ەكٸمدەرٸندە ەشقانداي بەدەل جوق ەكەنٸن, سەبەبٸ ولار ەشتەڭە شەشپەيتٸنٸن ايتتى, - دەپ حابارلايدى Dalanews.kz Ulysmedia.kz-كە سٸلتەپ.
جەرگٸلٸكتٸ ٶزٸن-ٶزٸ باسقارۋ مەسەلەسٸ تالقىلانعان مەجٸلٸستەگٸ قوعامدىق پالاتا وتىرىسىندا اناس باققوجاەۆ اۋىل ەكٸمدەرٸنٸڭ قۇزىرەتٸ مەسەلەسٸن كٶتەردٸ.
– مەنٸڭشە, اۋىلداردا ەشتەڭەنٸ ٶزگەرتۋدٸڭ كەرەگٸ جوق. قازٸر بەرٸ جاقسى. نەگە جۇمىس ٸستەمەي جاتىر? ەكٸمدەردەن باستايىق. قازٸر اۋىل ەكٸمدەرٸنٸڭ بەدەلٸ جوق. ەشقانداي بەدەلٸ جوق. «سحودقا» ەشكٸم كەلمەيدٸ دەيدٸ. ەكٸمدەر شاقىرادى, ادامدار كەلمەيدٸ. جينالاتىنى ون-اق ادام. ال اۋىلدا بٸر اس بەرسٸنشٸ, قۇدايى تاماققا بەرٸ جينالادى. نەگە? سەبەبٸ ول جەردە قىزىق. ەڭگٸمەلەسەدٸ, وي بٶلٸسەدٸ. بٸر-بٸرٸن تىڭدايدى. تاماعىن جەيدٸ, سەبەبٸ پايداسى بار. ەكٸمدەردٸڭ جينالىسىنا كەلمەيدٸ, ٶيتكەنٸ پايداسى جوق. ەكٸمدەردٸڭ بەدەلٸ دە, قۇزٸرەتٸ جوق. اۋدان ەكٸمدەرٸ شاقىرىپ الادى. كٷندە جينالىس. ۆيدەوكونفەرەنتسييا تۇرسا دا, كٷن دە جيىن. كەدەيدٸڭ كەڭەسٸ بٸتپەيدٸ دەيدٸ. قاشان ول ەكٸم حالىقپەن جۇمىس ٸستەيدٸ. حالىق ارىزىن جازادى. ال ەكٸمنٸڭ اقشاسى جوق. ول نە شەشەدٸ? حالىق سول ٷشٸن ەكٸمگە كەلمەيدٸ, – دەيدٸو ل.
ونىڭ ايتۋىنشا, ەكٸمنٸڭ قۇزىرەتٸن كٷشەيتۋٸمٸز كەرەك. مەسليحاتقا تيٸسٸپ كەرەگٸ جوق دەيدٸ ول.
– ونىڭ دا بٸراق بەدەلٸن كٶتەرۋ كەرەك. بٸزدە ورتالىق كومپانييالاردىڭ فيليالى بار. نەگە مەن ونى مەسليحاتپەن كەلٸسپەيمٸن? فيليال ديرەكتورى بولىپ كٸم كەلەدٸ? ول بٸزدٸڭ ٶڭٸردٸ ويلاي ما? مەسليحاتقا نەگە سول قۇزٸرەتتٸ بەرمەيمٸز? مەسليحاتتىڭ الدىنان بٸر ٶتۋ كەرەك, – دەيدٸ ول.
