Depýtat Anas Baqqojaev qazir aýyl ákimderinde eshqandaı bedel joq ekenin, sebebi olar eshteńe sheshpeıtinin aıtty, - dep habarlaıdy Dalanews.kz Ulysmedia.kz-ke siltep.
Jergilikti ózin-ózi basqarý máselesi talqylanǵan Májilistegi qoǵamdyq palata otyrysynda Anas Baqqojaev aýyl ákimderiniń quzyreti máselesin kóterdi.
– Menińshe, aýyldarda eshteńeni ózgertýdiń keregi joq. Qazir bári jaqsy. Nege jumys istemeı jatyr? Ákimderden bastaıyq. Qazir aýyl ákimderiniń bedeli joq. Eshqandaı bedeli joq. «Shodqa» eshkim kelmeıdi deıdi. Ákimder shaqyrady, adamdar kelmeıdi. Jınalatyny on-aq adam. Al aýylda bir as bersinshi, qudaıy tamaqqa bári jınalady. Nege? Sebebi ol jerde qyzyq. Áńgimelesedi, oı bólisedi. Bir-birin tyńdaıdy. Tamaǵyn jeıdi, sebebi paıdasy bar. Ákimderdiń jınalysyna kelmeıdi, óıtkeni paıdasy joq. Ákimderdiń bedeli de, quzireti joq. Aýdan ákimderi shaqyryp alady. Kúnde jınalys. Vıdeokonferensıa tursa da, kún de jıyn. Kedeıdiń keńesi bitpeıdi deıdi. Qashan ol ákim halyqpen jumys isteıdi. Halyq aryzyn jazady. Al ákimniń aqshasy joq. Ol ne sheshedi? Halyq sol úshin ákimge kelmeıdi, – deıdio l.
Onyń aıtýynsha, ákimniń quzyretin kúsheıtýimiz kerek. Máslıhatqa tıisip keregi joq deıdi ol.
– Onyń da biraq bedelin kóterý kerek. Bizde ortalyq kompanıalardyń fılıaly bar. Nege men ony máslıhatpen kelispeımin? Fılıal dırektory bolyp kim keledi? Ol bizdiń óńirdi oılaı ma? Máslıhatqa nege sol quziretti bermeımiz? Máslıhattyń aldynan bir ótý kerek, – deıdi ol.
