قازاقستاندا بٸلٸم بەرۋ ۇيىمدارىن تسيفرلاندىرۋ, مەكتەپتەردە Face ID جٷيەسٸن ەنگٸزۋ جەنە بالاباقشالاردى قارجىلاندىرۋ تەرتٸبٸن جەتٸلدٸرۋ مەسەلەلەرٸ قارالدى. پرەمەر-مينيستردٸڭ بٸرٸنشٸ ورىنباسارى نۇرلىبەك نەلٸباەۆ جاۋاپتى مەملەكەتتٸك ورگاندارعا بٸرقاتار تاپسىرما بەردٸ, دەپ حابارلايدى dalanews.kz.
ٷكٸمەتتە ٶتكەن كەڭەستە ۇلتتىق بٸلٸم بەرۋ دەرەكتەر قورىن جاڭعىرتۋ, بٸلٸم بەرۋ سالاسىنا تسيفرلىق تەحنولوگييالاردى ەنگٸزۋ جەنە مەملەكەتتٸك قارجىلاندىرۋدىڭ تيٸمدٸلٸگٸن ارتتىرۋ مەسەلەلەرٸ تالقىلاندى.
جيىنعا وقۋ-اعارتۋ مينيسترٸ جۇلدىز سٷلەيمەنوۆا, وبلىستاردىڭ, سونداي-اق استانا, الماتى جەنە شىمكەنت قالالارى ەكٸمدەرٸنٸڭ ورىنباسارلارى قاتىستى.
قازاقستاندا ۇلتتىق بٸلٸم بەرۋ پلاتفورماسى ٸسكە قوسىلادى
ٷكٸمەتتٸڭ مەلٸمەتٸنشە, وقۋ-اعارتۋ مينيسترلٸگٸ "قازاقتەلەكوم" اق-مەن بٸرلەسٸپ, ٶڭٸرلەردٸ ۇلتتىق بٸلٸم بەرۋ پلاتفورماسىنا كەزەڭ-كەزەڭٸمەن قوسۋ جوسپارىن ەزٸرلەگەن.
جاڭا جٷيە بٸلٸم بەرۋ سالاسىنداعى مەملەكەتتٸك قىزمەتتەردٸ اۆتوماتتاندىرۋعا جەنە اقپاراتتىق دەرەكتەردٸڭ ناقتىلىعىن ارتتىرۋعا باعىتتالعان. سونىمەن قاتار پلاتفورما بٸلٸم بەرۋ ۇيىمدارىنا بٶلٸنەتٸن بيۋدجەت قاراجاتىنىڭ جۇمسالۋىن باقىلاۋدى كٷشەيتٸپ, قارجىلاندىرۋ ٷدەرٸسٸنٸڭ اشىقتىعىن قامتاماسىز ەتۋگە مٷمكٸندٸك بەرەدٸ دەپ كٷتٸلۋدە.
بالاباقشالاردى قارجىلاندىرۋ تەرتٸبٸ ٶزگەرۋٸ مٷمكٸن
كەڭەستە مەكتەپكە دەيٸنگٸ بٸلٸم بەرۋ ۇيىمدارىن قارجىلاندىرۋ مەسەلەسٸنە دە ەرەكشە نازار اۋدارىلدى. اتاپ ايتقاندا, بالاباقشالارعا بٶلٸنەتٸن مەملەكەتتٸك بٸلٸم بەرۋ تاپسىرىسىنىڭ قۇنىن ەسەپتەۋدٸڭ بٸرىڭعاي ەدٸستەمەسٸن ەنگٸزۋ ۇسىنىسى قارالدى.
قازٸرگٸ تاڭدا ٶڭٸرلەردەگٸ بٸلٸم بەرۋ قىزمەتتەرٸنٸڭ قۇنى مەن شىعىندارى بٸر-بٸرٸنەن ەرەكشەلەنەدٸ. وسىعان بايلانىستى مەملەكەتتٸك تاپسىرىستى ەسەپتەۋ كەزٸندە ايماقتىق ەرەكشەلٸكتەردٸ ەسكەرۋ قاجەتتٸگٸ ايتىلدى.
نۇرلىبەك نەلٸباەۆ جاۋاپتى مەملەكەتتٸك ورگاندارعا بٸر تەربيەلەنۋشٸگە شاققانداعى مەملەكەتتٸك بٸلٸم بەرۋ تاپسىرىسىنىڭ بازالىق قۇنىن رەسپۋبليكالىق دەڭگەيدە بەلگٸلەۋ مٷمكٸندٸگٸن قاراستىرۋدى تاپسىردى. بۇل رەتتە ٶڭٸرلەردٸڭ ەكونوميكالىق ەرەكشەلٸكتەرٸ مەن ناقتى شىعىندارىن ەسكەرەتٸن ارنايى تٷزەتۋ كوەففيتسيەنتتەرٸن قولدانۋ ۇسىنىلدى.
مەكتەپتەردە Face ID جٷيەسٸن جاپپاي ەنگٸزۋ جوسپارلانىپ وتىر
جيىندا بٸلٸم بەرۋ ۇيىمدارىنىڭ قاۋٸپسٸزدٸگٸن كٷشەيتۋ مەسەلەسٸ دە كٶتەرٸلدٸ. وسى ماقساتتا مەكتەپتەر مەن باسقا دا بٸلٸم بەرۋ مەكەمەلەرٸندە Face ID تەحنولوگيياسىنا نەگٸزدەلگەن كٸرۋدٸ باقىلاۋ جٷيەلەرٸن كەڭٸنەن ەنگٸزۋ قاجەتتٸگٸ ايتىلدى.
مۇنداي جٷيەلەر بٸلٸم بەرۋ ۇيىمدارىنىڭ اۋماعىنا كٸرٸپ-شىعاتىن ادامداردى باقىلاۋعا, وقۋشىلاردىڭ ساباققا قاتىسۋىن اۆتوماتتى تٷردە تٸركەۋگە جەنە قاۋٸپسٸزدٸك دەڭگەيٸن ارتتىرۋعا باعىتتالعان.
Face ID تەحنولوگيياسى ارقىلى وقۋشىلاردىڭ بٸلٸم بەرۋ ۇيىمىنا كەلگەن-كەلمەگەنٸن ەسەپكە الۋ ٷدەرٸسٸن اۆتوماتتاندىرۋ كٶزدەلٸپ وتىر. دەگەنمەن جٷيەنٸڭ ناقتى قاشان جەنە قانداي كەزەڭدەرمەن ەنگٸزٸلەتٸنٸ تۋرالى اقپارات جارييالانعان جوق.
ەكٸمدٸكتەرگە بٸرقاتار تاپسىرما بەرٸلدٸ
كەڭەس قورىتىندىسى بويىنشا نۇرلىبەك نەلٸباەۆ جاۋاپتى مينيسترلٸكتەر مەن ٶڭٸرلٸك ەكٸمدٸكتەرگە بٸلٸم بەرۋ سالاسىن ودان ەرٸ تسيفرلاندىرۋ جٶنٸندە تاپسىرمالار جٷكتەدٸ.
نەگٸزگٸ مٸندەتتەردٸڭ قاتارىندا ۇلتتىق بٸلٸم بەرۋ پلاتفورماسىن ەنگٸزۋ, مەملەكەتتٸك قارجىلاندىرۋدىڭ تيٸمدٸلٸگٸن ارتتىرۋ جەنە بٸلٸم بەرۋ ۇيىمدارىنداعى قاۋٸپسٸزدٸك جٷيەلەرٸن جەتٸلدٸرۋ بار.
ٷكٸمەت بۇل شارالار بٸلٸم بەرۋ جٷيەسٸندەگٸ باسقارۋ ٷدەرٸستەرٸن وڭتايلاندىرىپ, بيۋدجەت قاراجاتىن پايدالانۋدىڭ اشىقتىعىن ارتتىرۋعا باعىتتالعانىن اتاپ ٶتتٸ.
