مەدەنيەت جەنە اقپارات مينيسترٸ ارمان قىرىقباەۆ PARAQTA ونلاين كٸتاپحانا پلاتفورماسىنىڭ نەگٸزٸن قالاۋشىلارمەن كەزدەستٸ. كەزدەسۋ بارىسىندا وتاندىق تسيفرلىق جوبانى دامىتۋ, كٸتاپ قورىن تولىقتىرۋ جەنە جاستار اراسىندا كٸتاپ وقۋ مەدەنيەتٸن كەڭٸنەن ناسيحاتتاۋ مەسەلەلەرٸ تالقىلاندى, دەپ حابارلايدى dalanews.kz.
كەزدەسۋگە PARAQTA پلاتفورماسىنىڭ اۆتورلارى مەن نەگٸزٸن قالاۋشىلارى قاتىسىپ, جوبانىڭ جۇمىسىمەن جەنە قول جەتكٸزگەن نەتيجەلەرٸمەن تانىستىردى. مينيستر ولاردىڭ ەلەۋمەتتٸك جەلٸلەردەگٸ جازبالارىنا نازار اۋدارىپ, باستامانىڭ دامۋ پەرسپەكتيۆالارىن تالقىلاۋعا شاقىرعان.
كەزدەسۋ بارىسىندا ارمان قىرىقباەۆ مەملەكەت باسشىسى قاسىم-جومارت توقاەۆتىڭ كٸتاپ وقۋ مەدەنيەتٸن قالىپتاستىرۋ جەنە زەردەلٸ ۇلت تەربيەلەۋ جٶنٸندەگٸ باستامالارى اياسىندا جٷزەگە اسىرىلىپ جاتقان جۇمىستارعا توقتالدى.
اتاپ ايتقاندا, مينيسترلٸك ٷيلەستٸرٸپ وتىرعان «كٸتاپ وقيتىن ۇلت» جالپىۇلتتىق مارافونىنىڭ نەتيجەلەرٸ تانىستىرىلدى. بٷگٸندە reading-nation.kz پلاتفورماسىنا 1,4 ميلليوننان استام ادام تٸركەلٸپ, قاتىسۋشىلار 842 مىڭنان استام كٸتاپ وقىعان. سونىمەن قاتار وقىرماندار كٸتاپ تۋرالى پٸكٸرلەرٸمەن بٶلٸسٸپ, ٶزگەلەردٸ وقۋعا ىنتالاندىراتىن 50 مىڭنان استام بەينەجازبا جارييالاعان.
كەزدەسۋدە PARAQTA پلاتفورماسىنىڭ مٷمكٸندٸكتەرٸ دە تانىستىرىلدى. جوبا وقىرمانداردىڭ كٸتاپ وقۋعا دەگەن قىزىعۋشىلىعىن ارتتىرۋعا, وقۋ بارىسىن باقىلاۋعا جەنە باستاعان كٸتابىن سوڭىنا دەيٸن وقىپ شىعۋعا ىنتالاندىرۋعا باعىتتالعان. پلاتفورمانىڭ ەرەكشەلٸگٸ – مۇندا ەلەكتروندى كٸتاپتارمەن قاتار, قاعاز كٸتاپ وقۋ دا ەسەپكە الىنادى.
جوبا ٶكٸلدەرٸنٸڭ مەلٸمەتٸنشە, قازٸرگٸ ۋاقىتتا PARAQTA پلاتفورماسىندا 15 186 وقىرمان تٸركەلگەن. ولار جالپى 1,2 ميلليون بەت وقىپ, 10 738 كٸتاپتى اياقتاعان. سونىمەن قاتار پلاتفورما اياسىندا 180 كٸتاپ كلۋبى جۇمىس ٸستەيدٸ.
جوباعا بيىل بٸر جىل ەكٸ اي تولعان. التى اي بۇرىن ونىڭ ۆەب-سايتى ٸسكە قوسىلسا, جۋىردا موبيلدٸ قوسىمشاسى App Store دٷكەنٸندە قولجەتٸمدٸ بولدى.
كەزدەسۋ بارىسىندا پلاتفورمانى ودان ەرٸ دامىتۋعا قاجەتتٸ مەسەلەلەر دە كٶتەرٸلدٸ. سونىڭ ٸشٸندە كٸتاپ قورىن تولىقتىرۋ نەگٸزگٸ باسىمدىقتاردىڭ بٸرٸ رەتٸندە اتالدى. قازٸرگٸ تاڭدا پلاتفورمادا اۆتورلىق قۇقىق مەرزٸمٸ اياقتالىپ, قوعامدىق يگٸلٸككە ٶتكەن 150-گە جۋىق كٸتاپ تەگٸن ۇسىنىلعان. دەگەنمەن وقىرماندار تاراپىنان قوسىمشادا تٸكەلەي وقۋعا بولاتىن كٸتاپتار سانىن كٶبەيتۋ جٶنٸندە ۇسىنىستار جيٸ تٷسەدٸ.
وسىعان بايلانىستى مينيسترلٸك ٶكٸلدەرٸ كٸتاپ قورىن زاڭناما تالاپتارىنا سەيكەس تولىقتىرۋعا قولداۋ كٶرسەتۋگە دايىن ەكەنٸن جەتكٸزدٸ. سونداي-اق PARAQTA جوباسىنىڭ اياسىندا وفلاين كەزدەسۋلەر مەن بٸرلەسكەن ٸس-شارالار ٶتكٸزۋگە ارنالعان الاڭ قاراستىرۋ مەسەلەسٸ تالقىلاندى.
كەزدەسۋ قورىتىندىسى بويىنشا تاراپتار كٸتاپ وقۋ مەدەنيەتٸن دامىتۋعا باعىتتالعان باستامالاردى قولداۋ جەنە ٶزارا ىنتىماقتاستىق مٷمكٸندٸكتەرٸن قاراستىرۋ جٶنٸندە پٸكٸر الماستى.
ايتا كەتەيٸك, PARAQTA – قازاقستاندىق وقىرماندارعا ارنالعان تسيفرلىق پلاتفورما. ونىڭ نەگٸزگٸ ماقساتى – كٸتاپ وقۋدى كٷندەلٸكتٸ داعدىعا اينالدىرۋ, وقىرماندار قاۋىمداستىعىن قالىپتاستىرۋ جەنە قوعامداعى وقۋ مەدەنيەتٸنٸڭ دامۋىنا ٷلەس قوسۋ.
