جەلٸدە دۋباي شوكولادىنان كەيٸن Shine Muscat دەپ اتالاتىن جٷزٸمنٸڭ جارناماسى جەر جاردى. مەجٸلٸس دەپۋتاتى, تانىمال بلوگەر دەۋلەت مۇقاەۆ جۇرتشىلىقتىڭ بۇل ەرەكەتٸن سىنادى, - دەپ حابارلايدى Dalanews.kz.
دەپۋتات مۇنى كٶرسەقىزارلىق نەمەسە ماركەتينگ قۇربانى بولۋ دەپ باعالادى.
"دۋباي شوكولادى" دەگەن شىعىپ ەدٸ, ەندٸ "كەرٸس جٷزٸمٸ" (شەين مۋسكات دەي مە) دەگەن شىقتى. ينستاعا كٸرٸپ قالساڭ بولدى, شىرت-پىرت دەپ جەپ وتىرعاندار قاتارى كٶبەيدٸ. سونى جالپاق جۇرتقا جارييالاماي-اق جەۋگە بولادى عوي... كٸشكەنتاي دۋباي شوكولادىنىڭ باعاسى 15-20 مىڭ تەڭگە بولىپ ەدٸ, ەندٸ مىنا جٷزٸمنٸڭ كٸشكەنە بٸر بٶلٸگٸ 5-10 مىڭ تەڭگە دەسەدٸ. "اقشا جوق-جوق" دەيدٸ دە, تالاپ الىپ جاتىر حالىق. ونىڭ قۇرامىندا نە بار, نەسٸ پايدالى, نە زييان, ول تۋرالى باسىمىزدى اۋىرتقىمىز كەلمەيدٸ. باستىسى جۇرتتان قالماۋ كەرەك. اللا بٸلەدٸ, بۇنى دا 12/24 ايعا بٶلٸپ تٶلەيتٸندەر شىقسا تاڭ قالمايمىن.
اقشاڭىز ارتىلىپ جاتسا, الا بەرٸڭٸز. قارسىلىعىم جوق. بٸراق ەلدەن, ترەندتەن قالمايىن دەگەن وي - ەبەستٸك. ودان دا مىنا قوڭىر كٷزدە ەت جەڭٸزدەر, سورپا ٸشٸڭٸزدەر. مٸنە, ناعىز پايدالى تاعام", - دەدٸ ول.
ايتا كەتەيٸك, بۇعان دەيٸن DALA INSIDE دۋبايداعى شوكولاد فابريكالارى تولىق قۋاتتا جۇمىس ٸستەپ جاتقانىنا, ال ولاردىڭ ٶنٸمٸن قازاقتار تالاپ ەكەتٸپ جاتقانى جٶنٸندە زەرتتەۋ جارييالاعان ەدٸ.
"دۋبايدان جەتكٸزٸلەتٸن اتىشۋلى شوكولادتىڭ باعاسى 20 مىڭ تەڭگەگە جەتٸپ وتىر, ال ونىڭ شىنايى قۇندىلىعى بۇل سومانىڭ جارتىسىنا دا تاتىمايدى.
وسىناۋ قۇبىلىس حالىقتىڭ تۇتىنۋ مەدەنيەتٸن عانا ەمەس, سونىمەن بٸرگە ەلدٸڭ قارجىلىق ساۋاتتىلىعى قانداي دەڭگەيدە ەكەنٸن كٶرسەتەدٸ. شوكولادقا جۇمسالعان 20 مىڭ تەڭگە, بٸر عانا تۇتىنۋشى تۇرعىسىنان ەلەۋلٸ بولماۋى مٷمكٸن. بٸراق, مۇنداي ترانزاكتسييانىڭ سانى ەسەلەنگەن سايىن, بۇل ميلليونداعان تەڭگەنٸڭ شەتەلگە اعۋىنا الىپ كەلەدٸ. شەتەلدٸك تاۋارعا تەۋەلدٸلٸك ۇلتتىق كاپيتالدىڭ ٸشكٸ نارىقتا تۇراقتاۋىنا كەدەرگٸ جاسايدى", - دەپ توپشىلاعان ەدٸ ارنا.
