5 قازان كۇنى ورال قالالىق سوتىنىڭ ءتوراعاسى رۋسلان جۇماعۇلوۆتىڭ پارا الۋ كۇدىگى بويىنشا ۇستالعانى بەلگىلى بولدى، دەپ حابارلايدى Dalanews.kz.
موي گورود باسىلىمى الەمجەلىدە تاراعان مالىمەتتەردى نەگىزگە الا وتىرىپ، سۋديا مەن ەكى ادۆوكات پارا الۋ كەزىندە ۇستالعانىن العا تارتتى. ولار سوتتالعان ازاماتقا قاتىستى وڭ شەشىم شىعارۋ ءۇشىن 1،5 ميلليون تەڭگە كولەمىندەگى سومانى قولدى ەتپەك بولعان.
باسىلىم مالىمەتىنشە، رۋسلان جۇماعۇلوۆتى قاماۋعا الۋ سانكسياسى بويىنشا ءوتىنىشتى استانا سوتى قارادى. ەلوردالىق سوتتىڭ باسپا ءسوز قىزمەتىنىڭ حابارلاۋىنشا، 2024 جىلعى 6 قاراشا كۇنى سوتقا اعا تەرگەۋشىنىڭ رۋسلان جۇماعۇلوۆقا قاتىستى 10 كۇنگە قاماۋعا الۋ تۇرىندەگى بۇلتارتپاۋ شاراسىن سانكسيالاۋ تۋرالى ءوتىنىشى تۇسكەن.
استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ قاۋلىسىمەن كۇدىكتى جۇماعۇلوۆقا قاتىستى قاماۋدا ۇستاۋ تۇرىندەگى بۇلتارتپاۋ شاراسىنا سانكسيا بەرۋ تۋرالى ءوتىنىش قاناعاتتاندىرىلدى. سوتتا ادۆوكاتتارعا قاتىستى ماتەريالداردىڭ تەرگەۋ سوتىنا كەلىپ تۇسپەگەنى دە اتاپ ءوتىلدى.
تەرگەۋ مۇددەسىنە بايلانىستى باسقا مالىمەتتەر جاريالانبايدى.
