5 qazan kúni Oral qalalyq sotynyń tóraǵasy Rýslan Jumaǵulovtyń para alý kúdigi boıynsha ustalǵany belgili boldy, dep habarlaıdy Dalanews.kz.

Moı Gorod basylymy álemjelide taraǵan málimetterdi negizge ala otyryp, sýdıa men eki advokat para alý kezinde ustalǵanyn alǵa tartty. Olar sottalǵan azamatqa qatysty oń sheshim shyǵarý úshin 1,5 mıllıon teńge kólemindegi somany qoldy etpek bolǵan.

Basylym málimetinshe, Rýslan Jumaǵulovty qamaýǵa alý sanksıasy boıynsha ótinishti Astana soty qarady. Elordalyq sottyń baspasóz qyzmetiniń habarlaýynsha, 2024 jylǵy 6 qarasha kúni sotqa aǵa tergeýshiniń Rýslan Jumaǵulovqa qatysty 10 kúnge qamaýǵa alý túrindegi bultartpaý sharasyn sanksıalaý týraly ótinishi túsken.

Astana qalasynyń mamandandyrylǵan aýdanaralyq tergeý sotynyń qaýlysymen kúdikti Jumaǵulovqa qatysty qamaýda ustaý túrindegi bultartpaý sharasyna sanksıa berý týraly ótinish qanaǵattandyryldy. Sotta advokattarǵa qatysty materıaldardyń tergeý sotyna kelip túspegeni de atap ótildi.

Tergeý múddesine baılanysty basqa málimetter jarıalanbaıdy.