اقتاۋ قالاسىنداعى ينتەللەكتۋالدى مەكتەپتىڭ وقۋشىلارى «تازا قازاقستان» ەكولوگيالىق باعدارلاماسى اياسىندا «ءبىلىم بەرۋ ەكوجۇيەسى» اتتى جاڭا جوبانى باستادى. جوبا ەكولوگيالىق ساۋاتتىلىقتى ارتتىرۋ جانە تومەنگى سىنىپ وقۋشىلارىندا تابيعاتقا دەگەن قامقورلىقتى تاربيەلەۋگە باعىتتالعان، – دەپ حابارلايدى Dalanews.kz ماععىستاۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.
جوبانىڭ اۆتورى ىرىسجان سانسىزباي نەگىزگى ماقساتى — قورشاعان ورتانى قورعاۋ جانە وقۋشىلار اراسىندا ەكولوگيالىق مادەنيەتتى دامىتۋ ەكەنىن اتاپ ءوتتى. جوبا ەكولوگيالىق ءبىلىمدى كۇندەلىكتى ومىرگە ەنگىزۋگە جانە تابيعاتقا دەگەن قامقورلىقتى باعدارلاما اياسىندا عانا ەمەس، كۇندەلىكتى ادەتكە اينالدىرۋعا باعىتتالعان.
بالالاردى ىنتالاندىرۋ ماقساتىندا جوبا «سەرگەك» جۇيەسىن پايدالانادى، مۇندا ايىپپۇلدار ەمەس، وقۋشىلار دۇرىس ارەكەتتەرى ءۇشىن ۇپايلار الادى. بەت-الپەتتى تانۋ جانە قوقىستى سۇرىپتاۋ جۇيەنىڭ جۇمىس ىستەۋ ءپرينسيپى بولىپ تابىلادى. كامەرالاردان الىنعان دەرەكتەر مەكتەپتىڭ ەلەكتروندى جۋرنالدارى مەن بازاسىنا جىبەرىلىپ، وڭدەلىپ، ۇپايلار قويىلادى، بۇل وقۋشىلاردى جوعارى ناتيجەلەرگە قول جەتكىزۋگە ىنتالاندىرادى، سونىمەن قاتار ەكولوگيالىق مادەنيەت بويىنشا دا جەتىستىكتەرگە جەتۋگە سەپتىگىن تيگىزەدى.
جوبا اياسىندا 2 «ءا» سىنىبىنداعى وقۋشىلار تاجىريبەلى پەداگوگ ءلاززات قالداننىڭ جەتەكشىلىگىمەن تابيعاتتى قورعاۋ جانە ەكولوگيالىق تاربيە بەرۋ تاقىرىبىندا اشىق ساباق وتكىزدى. ساباقتا وقۋشىلار جەر بەتىندەگى لاستانۋدىڭ سەبەپتەرىن جانە اۋانىڭ، سۋدىڭ لاستانۋىنىڭ قورشاعان ورتاعا اسەرىن زەرتتەدى. ولار تەك لاستانعان ورتاداعى قوقىستاردى تازالاپ قانا قويماي، ونى قايتا وڭدەۋ ادىستەرىمەن تانىسىپ، قوقىستى دۇرىس سۇرىپتاۋدى ۇيرەندى. ساباق سوڭىندا ءار وقۋشى قوقىستى سۇرىپتاپ، ءتيىستى جاشىكتەرگە سالىپ، ەكولوگيانى ساقتاۋ ءۇشىن ۇپاي جيناپ، باعالاندى.
ەل بىرلىگىنە بەكەمدەگەن ورداباسى اۋدانىنىڭ 60 جىلدىق مەرەيتويى تويلاندى
