Aqtaý qalasyndaǵy ıntellektýaldy mekteptiń oqýshylary «Taza Qazaqstan» ekologıalyq baǵdarlamasy aıasynda «Bilim berý ekojúıesi» atty jańa jobany bastady. Joba ekologıalyq saýattylyqty arttyrý jáne tómengi synyp oqýshylarynda tabıǵatqa degen qamqorlyqty tárbıeleýge baǵyttalǵan, – dep habarlaıdy Dalanews.kz Maǵǵystaý oblysy ákiminiń baspasóz qyzmetine silteme jasap.
Jobanyń avtory Yrysjan Sansyzbaı negizgi maqsaty — qorshaǵan ortany qorǵaý jáne oqýshylar arasynda ekologıalyq mádenıetti damytý ekenin atap ótti. Joba ekologıalyq bilimdi kúndelikti ómirge engizýge jáne tabıǵatqa degen qamqorlyqty baǵdarlama aıasynda ǵana emes, kúndelikti ádetke aınaldyrýǵa baǵyttalǵan.
Balalardy yntalandyrý maqsatynda joba «Sergek» júıesin paıdalanady, munda aıyppuldar emes, oqýshylar durys áreketteri úshin upaılar alady. Bet-álpetti taný jáne qoqysty suryptaý júıeniń jumys isteý prınsıpi bolyp tabylady. Kameralardan alynǵan derekter mekteptiń elektrondy jýrnaldary men bazasyna jiberilip, óńdelip, upaılar qoıylady, bul oqýshylardy joǵary nátıjelerge qol jetkizýge yntalandyrady, sonymen qatar ekologıalyq mádenıet boıynsha da jetistikterge jetýge septigin tıgizedi.
Joba aıasynda 2 «Á» synybyndaǵy oqýshylar tájirıbeli pedagog Lázzat Qaldannyń jetekshiligimen tabıǵatty qorǵaý jáne ekologıalyq tárbıe berý taqyrybynda ashyq sabaq ótkizdi. Sabaqta oqýshylar jer betindegi lastanýdyń sebepterin jáne aýanyń, sýdyń lastanýynyń qorshaǵan ortaǵa áserin zerttedi. Olar tek lastanǵan ortadaǵy qoqystardy tazalap qana qoımaı, ony qaıta óńdeý ádisterimen tanysyp, qoqysty durys suryptaýdy úırendi. Sabaq sońynda ár oqýshy qoqysty suryptap, tıisti jáshikterge salyp, ekologıany saqtaý úshin upaı jınap, baǵalandy.
El birligine bekemdegen Ordabasy aýdanynyń 60 jyldyq mereıtoıy toılandy
