Dúniejúzilik qorshaǵan ortany qorǵaý kúnine orai Batys Qazaqstan oblysy boiynsha Ekologiia departamenti Jáńgir han atyndaǵy Batys Qazaqstan agrarlyq-tehnikalyq ýniversitetiniń 1-kýrs stýdentteri men Batys Qazaqstan oblysynyń eriktileri úshin «Qaldyqtardy bólek jinaý» taqyrybynda ekologiialyq saǵat ótkizdi, dep habarlaidy dalanews.kz.
Is-shara Jaiyq ózeniniń jaǵalaýyndaǵy saiabaqta uiymdastyrylyp, qatysýshylar qaldyqtardy bólek jinaýdyń negizgi qaǵidalarymen tanysyp qana qoimai, qorshaǵan ortany qorǵaýdyń ózekti máselelerin taza aýada erkin formatta talqylaýǵa múmkindik aldy.
Ekologiialyq saǵat barysynda qatysýshylarǵa qaldyqtardy suryptaýdyń mańyzy, olarmen jaýapkershilikpen jumys isteý qaǵidalary, sondai-aq qaǵaz, plastik, shyny, metall jáne basqa da qaita óńdeýge jaramdy shikizat túrleri boiynsha bólý erejeleri túsindirildi. Stýdentter men eriktiler alǵan bilimderin tájiribe júzinde bekitip, ártúrli qaldyq túrlerin tiisti konteinerlerge ózderi suryptap ornalastyrdy.
Qaldyqtardy bólek jinaý tabiǵi resýrstardy saqtaýǵa, poligondarǵa jiberiletin qaldyqtar kólemin azaitýǵa, qorshaǵan ortaǵa teris áserdi tómendetýge jáne halyqtyń ekologiialyq mádenietin damytýǵa yqpal etedi.
