كوكشەتاۋدا №13 مەكتەپ-گيمنازياسى تەرريتورياسىنا ەنگەن ەر ادام جۇگىرىپ ءجۇرىپ، جان-جاعىن تالقانداعان. بىرنەشە مينۋت ىشىندە ول تەرەزەلەردى سىندىرىپ، مەكتەپتىڭ قۇلىپتاۋلى سىرتقى ەسىگىن جۇلىپ العان، دەپ حابارلايدى Dalanews.kz.
قالالىق ءبىلىم ءبولىمى اتالعان وقيعانىڭ 23 ناۋرىزدا بولعانىن ناقتىلايدى. ەر ادام، الدىمەن باس عيماراتتىڭ تەرەزەسىن سىندىرعان. ودان كەيىن ول باستاۋىش مەكتەپ عيماراتىنا قاراي جۇگىرىپ، قۇلىپتاۋلى ەسىكتى جۇلىپ العان. وسىلايشا تۋرنيكەتتەن سەكىرىپ وتكەن ول كورپۋسقا كىرىپ كەتكەن.
"كۇزەتشى بىردەن وقيعا ورنىنا جەدەل ارەكەت ەتۋ توبىن شاقىردى. ەر ادام ۇستالدى. مەكتەپتەگىلەردىڭ ەشقايسىسى زارداپ شەككەن جوق. مەكتەپ اكىمشىلىگى پوليسياعا ارىز جازدى. ءقازىر تەرگەۋ شارالارى جۇرگىزىلۋدە"، - دەيدى ءبىلىم بولىمىندەگىلەر
اقمولا وبلىستىق پوليسيا دەپارتامەنتىنىڭ باسپا ءسوز قىزمەتى ەر ادامنىڭ ەسىرتكىگە ەلىتىپ العانىن، ءقازىر قۇقىق بۇزۋشىعا قاتىستى ق ر اقبتك-نىڭ 440-1-بابى بويىنشا ءىس تىركەلگەنىن ناقتىلايدى.
