KIA اۆتوكولىك زاۋىتى - قازاقستانداعى جاڭا ءارى جوعارى تەحنولوگيالىق ءوندىرىس ورىندارىنىڭ ءبىرى. كاسىپورىننىڭ وندىرىستىك الاڭى 2025 جىلدىڭ قازان ايىندا ءىرى ينۆەستيسيالار مەن ەلدە جۇرگىزىلىپ جاتقان ەكونوميكالىق رەفورمالاردىڭ قولداۋى ارقاسىندا ىسكە قوسىلدى، دەپ حابارلايدى Dalanews.kz.
زاۋىتتىڭ جوبالىق قۋاتى جىلىنا 70 مىڭعا دەيىن اۆتوكولىك شىعارۋعا مۇمكىندىك بەرەدى. قازىرگى ۋاقىتتا كاسىپورىن قارقىندى دامىپ كەلەدى، ۇجىم قاتارىنا جاس ماماندار بەلسەندى تۇردە تارتىلۋدا. زاۋىت تولىق قۋاتىنا شىققان كەزدە مۇندا شامامەن 1500 ادام جۇمىس ىستەيتىن بولادى.
بۇل - زاماناۋي ءوندىرىس ورنى. كاسىپورىن تەحنولوگيالىق جاعىنان ەلىمىزدەگى ەڭ روبوتتاندىرىلعان اۆتوزاۋىتتاردىڭ ءبىرى سانالادى. ءوندىرىس پروسەسىنە 70 ونەركاسىپتىك روبوت تارتىلعان.
زاۋىت ۇجىمى ءۇشىن جاڭا كونستيتۋسيا جوباسىندا ەڭبەك قاۋىپسىزدىگىنە كەپىلدىك بەرىلۋى، ءادىل ەڭبەكاقى تولەۋ قاعيداتتارىنىڭ بەكىتىلۋى جانە جۇمىسشىلاردىڭ قۇقىقتارىن قورعاۋ تەتىكتەرىنىڭ كۇشەيتىلۋى ماڭىزدى.
"ءبىز جاڭا كونستيتۋسيانى قابىلداۋ جونىندەگى رەفەرەندۋمدى قولدايمىز. ويتكەنى مىقتى ەكونوميكا، ەڭ الدىمەن، ادام ەڭبەگىنە دەگەن قۇرمەتتەن باستالادى. ءبىز – دامۋ ءۇشىن، ءبىز – قازاقستاننىڭ جارقىن بولاشاعى ءۇشىن داۋىس بەرەمىز"، - دەيدى كاسىپورىن وكىلدەرى.
قازىرگى زامانعى ونەركاسىپ پەن قورعالعان ەڭبەك - ەكونوميكالىق ءوسىمنىڭ جانە ەرتەڭگى كۇنگە دەگەن سەنىمنىڭ بەرىك نەگىزى.
