قاراعاندى وبلىسىندا دونەسك حالىق رەسپۋبليكاسىندا وندىرىلگەن كامپيتتەردىڭ ساتىلىمعا شىققانىنا بايلانىستى تەكسەرىس باستالدى. بۇل تۋرالى ساۋدا جانە ينتەگراسيا مينيسترلىگى مالىمدەدى، دەپ حابارلايدى Dalanews.kz.
ۆەدومستۆونىڭ مالىمەتىنشە، قاراعاندى وبلىستىق ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى مونيتورينگ جۇمىستارىن باستاعان. تەكسەرۋ قوعامدىق بىرلەستىكتەردىڭ وكىلدەرىمەن بىرلەسىپ جۇرگىزىلىپ جاتىر.
مينيسترلىك وكىلدەرىنىڭ ايتۋىنشا، ەگەر زاڭبۇزۋشىلىقتار انىقتالسا، جينالعان ماتەريالدار بەلگىلەنگەن تارتىپپەن ءتيىستى ۋاكىلەتتى ورگانعا جولدانادى.
ۆەدومستۆو سونداي-اق ءونىمنىڭ قاپتاماسىندا قازاق تىلىندە مىندەتتى اقپاراتتىڭ بولماۋى تاڭبالاۋ تالاپتارىن بۇزۋ بولىپ سانالاتىنىن اتاپ ءوتتى. مۇنداي جاعدايدا قولدانىستاعى زاڭناما اياسىندا ءتيىستى شارالار قولدانىلۋى مۇمكىن.
