Qaraǵandy oblysynda Donesk Halyq Respýblıkasynda óndirilgen kámpıtterdiń satylymǵa shyqqanyna baılanysty tekseris bastaldy. Bul týraly Saýda jáne ıntegrasıa mınıstrligi málimdedi, dep habarlaıdy Dalanews.kz.
Vedomstvonyń málimetinshe, Qaraǵandy oblystyq Saýda jáne tutynýshylardyń quqyqtaryn qorǵaý departamenti monıtorıń jumystaryn bastaǵan. Tekserý qoǵamdyq birlestikterdiń ókilderimen birlesip júrgizilip jatyr.
Mınıstrlik ókilderiniń aıtýynsha, eger zańbuzýshylyqtar anyqtalsa, jınalǵan materıaldar belgilengen tártippen tıisti ýákiletti organǵa joldanady.
Vedomstvo sondaı-aq ónimniń qaptamasynda qazaq tilinde mindetti aqparattyń bolmaýy tańbalaý talaptaryn buzý bolyp sanalatynyn atap ótti. Mundaı jaǵdaıda qoldanystaǵy zańnama aıasynda tıisti sharalar qoldanylýy múmkin.
