دەپۋتات امانجول ەلتاي ساۋدا جەنە ينتەگراتسييا مينيسترٸ ارمان شاققاليەۆكە باتىل ٷن قاتتى, دەپ حابارلايدى Dalanews.kz.
مەجٸلٸس وتىرىسىندا امانجول ەلتاي وتاندىق تاۋار ٶندٸرۋشٸلەردٸڭ مٷددەسٸن قورعادى.
"وتاندىق ٶندٸرۋشٸلەر قاشانعى ساۋدا جەلٸلەرٸنٸڭ ەسٸگٸنەن سىعالاپ, ٶگەيدٸڭ كٷنٸن كەشە بەرمەك?! ٷكٸمەتتەن قوماقتى سۋبسيدييا الىپ وتىرسا دا, مايلى جٸلٸكتٸڭ باسىن مٷجٸپ, مۇرتى مايلانىپ وتىرعان ٸرٸ ساۋدا جەلٸلەرٸنٸڭ شەتەلدٸك ازىق-تٷلٸك ٶنٸمدەرٸن تٶرگە شىعارىپ, وتاندىق ٶنٸمدەرگە قىرىن قاراۋىن قالاي تٷسٸنۋگە بولادى?" - دەپ سۇرادى ول.
ونىڭ ايتۋىنشا, قولدانىستاعى زاڭنامادا ساۋدانىڭ بارلىق فورماتىندا وتاندىق ٶنٸمگە سٶرەلەردە كەمٸندە 30 پايىز ورىن بٶلۋ تالابى بەكٸتٸلگەن, ال ساۋدا جەلٸلەرٸن سۋبسيدييالاۋ ارقىلى بۇل ٷلەستٸ 50 پايىزعا دەيٸن ارتتىرۋ تەتٸگٸ كٶزدەلگەن.
"الايدا ٸس جٷزٸندە كەز كەلگەن ساۋدا نٷكتەسٸنە كٸرسەڭٸز, شىنايى كٶرسەتكٸش مٷلدەم باسقاشا. قازٸر قازاقستاندىق ٶندٸرۋشٸلەر ٸرٸ ساۋدا جەلٸلەرٸنە كٸرە الماي وتىر, ال كٸرگەن كٷننٸڭ ٶزٸندە ولاردىڭ ٶنٸمدەرٸ تٶمەنگٸ سٶرەلەرگە ورنالاستىرىلىپ, يمپورتتىق تاۋارلار كٶزگە كٶرٸنەتٸن جەرلەرگە قويىلادى", - دەپ كٷيٸندٸ امانجول ەلتاي.
