Depýtat Amanjol Áltai saýda jáne integratsiia ministri Arman Shaqqalievke batyl ún qatty, dep habarlaidy Dalanews.kz.
Májilis otyrysynda Amanjol Áltai otandyq taýar óndirýshilerdiń múddesin qorǵady.
"Otandyq óndirýshiler qashanǵy saýda jelileriniń esiginen syǵalap, ógeidiń kúnin keshe bermek?! Úkimetten qomaqty sýbsidiia alyp otyrsa da, maily jiliktiń basyn mújip, murty mailanyp otyrǵan iri saýda jelileriniń sheteldik azyq-túlik ónimderin tórge shyǵaryp, otandyq ónimderge qyryn qaraýyn qalai túsinýge bolady?" - dep surady ol.
Onyń aitýynsha, qoldanystaǵy zańnamada saýdanyń barlyq formatynda otandyq ónimge sórelerde keminde 30 paiyz oryn bólý talaby bekitilgen, al saýda jelilerin sýbsidiialaý arqyly bul úlesti 50 paiyzǵa deiin arttyrý tetigi kózdelgen.
"Alaida is júzinde kez kelgen saýda núktesine kirseńiz, shynaiy kórsetkish múldem basqasha. Qazir qazaqstandyq óndirýshiler iri saýda jelilerine kire almai otyr, al kirgen kúnniń ózinde olardyń ónimderi tómengi sórelerge ornalastyrylyp, importtyq taýarlar kózge kórinetin jerlerge qoiylady", - dep kúiindi Amanjol Áltai.
