تٶر التايدى تۋريزمنٸڭ تٶرٸنە اينالدىرۋ ماقساتىندا بٸرنەشە جىلدان بەرٸ اۋقىمدى جۇمىستار اتقارىلىپ كەلەدٸ. وسى قاتاردا بيىل كاتونقاراعاي اۋىلىندا بەس جۇلدىزدى قوناق ٷي سالىنىپ, ٶرنەك اۋىلى اباتتاندىرىلماق.
سونىمەن قاتار, كاتونقاراعاي اۋىلىنداعى قولدانىستاعى ەۋەجايدى قايتا قۇرۋ جۇمىسى جوسپارلانۋدا. ال اۋدان ەكٸمدٸگٸ بيىل نەگٸزگٸ كاپيتالعا ينۆەستيتسييا تارتۋ ماقساتىندا تۋريزمدٸ دامىتۋ سالاسى بويىنشا ٷش ٸرٸ جوبانى جٷزەگە اسىرماق, دەپ حابارلايدى Dalanews.kz سايتى Altainews.kz -كە سٸلتەمە جاساپ.
– ٶرەل اۋىلىنان 2 شاقىرىم جەردە مودۋلدٸك پاۆيلوندارى بار دەمالىس ورنى سالىنادى. ينۆەستەر ونى 2024-2025 جىلدارى جٷزەگە اسىرماق. سونىمەن قاتار سپا ورتالىق, باسسەين, حاممام, كٸتاپحانا جەنە ت.ب. سالۋ كٶزدەلگەن. جوبانى بٸرگە تالقىلاعانبىز, جٷزەگە اسسا جۇرت ٷشٸن تيٸمدٸ بولماق. ال TOR'RE ٸرٸ حالىقارالىق قوناق ٷي وپەراتورى ەكو-قوناق ٷيٸن سالادى. «QZ Property» جەكە كومپانيياسىمەن 2024-2025 جىلدار ارالىعىندا ەكوقوناق ٷي سالۋ بويىنشا كەلٸسسٶزدەر جٷرگٸزٸلٸپ, مەموراندۋمعا قول قويىلدى, – دەدٸ كاتونقاراعاي اۋدانىنىڭ ەكٸمٸ دٸلدار قاليحان.
وسىلايشا كاتونقاراعاي اۋدانى الداعى ۋاقىتتا تۋريزمنٸڭ كٶشٸن العا بٸر قادام ٸلگەرلەتە تٷسپەك.
