Tór Altaidy týrizmniń tórine ainaldyrý maqsatynda birneshe jyldan beri aýqymdy jumystar atqarylyp keledi. Osy qatarda biyl Katonqaraǵai aýylynda bes juldyzdy qonaq úi salynyp, Órnek aýyly abattandyrylmaq.
Sonymen qatar, Katonqaraǵai aýylyndaǵy qoldanystaǵy áýejaidy qaita qurý jumysy josparlanýda. Al aýdan ákimdigi biyl negizgi kapitalǵa investitsiia tartý maqsatynda týrizmdi damytý salasy boiynsha úsh iri jobany júzege asyrmaq, dep habarlaidy Dalanews.kz saity Altainews.kz -ke silteme jasap.
– Órel aýylynan 2 shaqyrym jerde modýldik pavilondary bar demalys orny salynady. Invester ony 2024-2025 jyldary júzege asyrmaq. Sonymen qatar SPA ortalyq, bassein, hammam, kitaphana jáne t.b. salý kózdelgen. Jobany birge talqylaǵanbyz, júzege assa jurt úshin tiimdi bolmaq. Al TOR'RE iri halyqaralyq qonaq úi operatory eko-qonaq úiin salady. «QZ Property» jeke kompaniiasymen 2024-2025 jyldar aralyǵynda ekoqonaq úi salý boiynsha kelissózder júrgizilip, memorandýmǵa qol qoiyldy, – dedi Katonqaraǵai aýdanynyń ákimi Dildar Qalihan.
Osylaisha Katonqaraǵai aýdany aldaǵy ýaqytta týrizmniń kóshin alǵa bir qadam ilgerlete túspek.
