"QazaqGaz" ۇك اق باسقارما ءتوراعاسى سانجار جاركەشوۆ جانە PIHء-تىڭ قازىناشىلىق باسشىسى دجوردج باراكات J.P. Morgan باسشىلىعىمەن كەزدەسۋ وتكىزدى.

 

اتالعان كومپانيا دەلەگاسياسىنىڭ قۇرامىندا تمد بويىنشا ينۆەستيسيالىق بانكتىك دەپارتامەنتتىڭ باسشىسى تيمۋر قۇنانبايەۆ، ەكسپورت جانە قارجى اگەنتتىگىنىڭ باسشىسى يگناسيو ماتالوبوس روسيكە، J.P.Morgan Dubai ۆيسە-پرەزيدەنتى ارسەنيي لوبويكو جانە EAF ارنايى ءبولىمىنىڭ باسشىسى ريچارد ۋيلكينس قاتىستى. تاراپتار قازاقستانداعى كاتارلىق ينۆەستورلارمەن بىرلەسىپ جۇزەگە اسىرىپ جاتقان QazaqGaz-دىڭ نەگىزگى جوبالارىن قارجىلاندىرۋ مۇمكىندىكتەرىن تالقىلادى.

 

باستى نازاردا QazaqGaz-دىڭ ستراتەگيالىق باستامالارىن ىسكە اسىرۋ ءۇشىن ەكسپورتتىق نەسيە اگەنتتىكتەرىنىڭ (ECA-backed financing) قولداۋىمەن قارجىلاندىرۋدى پايدالانۋ ماسەلەسى بولدى.

 

سانجار جاركەشوۆ كومپانيانىڭ ءوسۋىن جەدەلدەتۋ جانە ونىڭ الەمدىك ەنەرگەتيكالىق نارىقتاعى باسەكەگە قابىلەتتىلىگىن ودان ءارى ارتتىرۋ ءۇشىن يننوۆاسيالىق قارجىلاندىرۋ تەتىكتەرىن پايدالانۋدىڭ ماڭىزدىلىعىن اتاپ ءوتتى. J.P. Morgan كومپانيانىڭ اۋقىمدى جوبالارىن جۇزەگە اسىرۋعا باعىتتالعان قارجىلىق شەشىمدەردى ازىرلەۋ ءۇشىن QazaqGaz-بەن ىنتىماقتاسۋعا قىزىعۋشىلىق تانىتتى.

 

ايتا كەتسەك، J.P. Morgan & Co. نەمەسە مورگاندار - اقش-تىڭ بايىردان كەلە جاتقان ءىرى قارجىلىق توبى. J.P. Morgan & Co. روكفەللەرلەر توبى مەن ەلدەگى جەتەكشى قارجى وليگارحيالارىنىڭ قاتارىنا جاتادى.