QazaqGaz ben katarlyq PIH Qazaqstandaǵy gaz jobalaryn J.P. Morgan-nyń qatysýymen qarjylandyrý múmkindikterin talqylady, dep habarlaidy Dalanews.kz.
"QazaqGaz" UK AQ basqarma tóraǵasy Sanjar Jarkeshov jáne PIH-tiń qazynashylyq basshysy Djordj Barakat J.P. Morgan basshylyǵymen kezdesý ótkizdi.
Atalǵan kompaniia delegatsiiasynyń quramynda TMD boiynsha Investitsiialyq banktik departamenttiń basshysy Timýr Qunanbaev, Eksport jáne qarjy agenttiginiń basshysy Ignasio Matalobos Rosike, J.P.Morgan Dubai vitse-prezidenti Arsenii Loboiko jáne EAF arnaiy bóliminiń basshysy Richard Ýilkins qatysty. Taraptar Qazaqstandaǵy katarlyq investorlarmen birlesip júzege asyryp jatqan QazaqGaz-dyń negizgi jobalaryn qarjylandyrý múmkindikterin talqylady.
Basty nazarda QazaqGaz-dyń strategiialyq bastamalaryn iske asyrý úshin eksporttyq nesie agenttikteriniń (ECA-backed financing) qoldaýymen qarjylandyrýdy paidalaný máselesi boldy.
Sanjar Jarkeshov kompaniianyń ósýin jedeldetý jáne onyń álemdik energetikalyq naryqtaǵy básekege qabilettiligin odan ári arttyrý úshin innovatsiialyq qarjylandyrý tetikterin paidalanýdyń mańyzdylyǵyn atap ótti. J.P. Morgan kompaniianyń aýqymdy jobalaryn júzege asyrýǵa baǵyttalǵan qarjylyq sheshimderdi ázirleý úshin QazaqGaz-ben yntymaqtasýǵa qyzyǵýshylyq tanytty.
Aita ketsek, J.P. Morgan & Co. nemese Morgandar - AQSh-tyń baiyrdan kele jatqan iri qarjylyq toby. J.P. Morgan & Co. Rokfellerler toby men eldegi jetekshi qarjy oligarhiialarynyń qataryna jatady.
