الەۋمەتتىك جەلىدە "جىگىتتى جۇمىس ورنىنان اسكەرگە كۇشتەپ الىپ كەتكەن" دەلىنەتىن ۆيدەو تارادى، دەپ حابارلايدى Dalanews.kz.
مالىمەتكە سۇيەنسەك، بۇل جاعداي استانادا ساۋدا ورتالىعىندا بولعان.
استانا قالاسى قورعانىس ىستەرى دەپارتامەنتى مالىمەتىنشە، 4 جەلتوقساندا جەدەل پروفيلاكتيكالىق ءىس-شارالار شەڭبەرىندە استانا قالاسى قورعانىس ىستەرى دەپارتامەنتىنىڭ قىزمەتكەرلەرى پوليسيا قىزمەتكەرلەرىمەن بىرلەسىپ، دەرەكقوردا اسكەرگە شاقىرۋ جاسىنداعى تۇلعا رەتىندە تىزىمدەلگەن 2002 جىلى تۋعان ءا.ء-نى توقتاتقان.
"تەكسەرىس بارىسىندا ازامات بۇرىن اسكەري قىزمەتكە جارامدىلىعىن انىقتاۋ ءۇشىن مىندەتتى مەديسينالىق كۋالاندىرۋدان وتپەگەنى انىقتالدى. وعان قالالىق جيىن پۋنكتىنە بارۋ ۇسىنىلدى، ءبىراق ول باس تارتتى. قولدانىستاعى زاڭناماعا سايكەس ازامات مەديسينالىق كوميسسيادان ءوتۋ ءۇشىن جەتكىزىلدى"، - دەپ جازىلعان حابارلامادا.
العاشقى مەديسينالىق تەكسەرىس ناتيجەلەرى بويىنشا ول تۇراقتى تىركەلگەن جەرى بويىنشا قوسىمشا تەكسەرىسكە جىبەرىلگەن.
"وعان ءتيىستى جولداما بەرىلدى، سودان كەيىن ول ۇيگە جىبەرىلدى. ازامات تاراپىنان زاڭسىز ارەكەتتەر تۋرالى شاعىمدار مەن ارىزدار تۇسكەن جوق"، - دەپ جازىلعان حابارلامادا.
