Kaspi Alaqan — Kaspi.kz كومانداسى قازاقستاندا ازىرلەگەن يننوۆاسيالىق تولەم قىزمەتى. ساتىپ الۋ اقىسىن تولەۋ ءۇشىن الاقانىڭىزدى تەرمينالعا جاقىنداتساڭىز بولدى. العاشقى Kaspi Alaqan تەرمينالدارى بيىل الماتىدا، ال كەلەسى جىلى بۇكىل قازاقستان بويىنشا پايدا بولادى، دەپ حابارلايدى Dalanews.kz
ق ر قارجى نارىعىن رەتتەۋ جانە دامىتۋ اگەنتتىگى Kaspi Alaqan-نىڭ قارجى ۇيىمدارىنا ارنالعان اقپاراتتىق قاۋىپسىزدىك تالاپتارىنا سايكەستىگىن راستادى.
بۇدان باسقا ق ر سيم اككرەديتتەگەن زەرتحانادا Kaspi Alaqan-نىڭ جەلىلىك ينفراقۇرىلىمىنىڭ قاۋىپسىزدىگى، اقپاراتتىق قاۋىپسىزدىگى، قولجەتىمدىلىگى، تۇتاستىعى جانە قۇپيالىلىعى، سونداي-اق باسقا دا ماڭىزدى ەلەمەنتتەرى بويىنشا كەشەندى سىناقتار جۇرگىزىلدى.
Kaspi.kz باسشىسى جانە نەگىزىن قالاۋشىلارىنىڭ ءبىرى ميحايل لومتادزە:
«سۇيىكتى كليەنتتەرىمىز جاڭا سەرۆيستەردى ەش ۋايىمسىز قۋانا پايدالانۋى ءۇشىن ءبىز ولاردى قولايلى ءارى پايدالى عانا ەمەس، سونىمەن قاتار ءقاۋىپسىز ەتەمىز. Kaspi Alaqan ءبىرقاتار سىناقتان ءوتىپ، ساراپشىلاردىڭ جوعارى باعاسىن الدى. ءبىزدى وسىنداي كەرەمەت يننوۆاسيالار جاساۋعا شابىتتاندىرىپ، سەنىم ارتقانى ءۇشىن بارلىق كليەنتىمىزگە راقمەت ايتامىز!»
الاقانمەن تولەۋ — سايكەستەندىرۋدىڭ ەڭ ءقاۋىپسىز ادىستەرىنىڭ ءبىرى. تەحنولوگيا كوپتەگەن ەلدەردە — اقش-تا، جۇڭگو مەن جاپونيادا دامىپ جاتىر، ول جاپونيادا العاش رەت 2015 جىلى ەنگىزىلگەن. ءار ادامنىڭ الاقانىنىڭ قۇرىلىمى ەرەكشە، ال Kaspi Alaqan-دى قولدانعاندا ول قوسىلعان كەزدە قۇرىلعان جەكە شيفرلانعان سيفرلىق كود ارقىلى سالىستىرىلادى. وسىنىڭ ارقاسىندا جالعان الاقاندى قولدانۋ ءىس جۇزىندە مۇمكىن ەمەس، ال پايدالانۋ تەز، ىڭعايلى جانە ءقاۋىپسىز بولادى.
Kaspi.kz تۋرالى
Kaspi.kz ميسسياسى – كليەنتتەر مەن سەرىكتەستەردىڭ ءومىرىن جاقسارتاتىن يننوۆاسيالىق ونىمدەر مەن قىزمەتتەر جاساۋ. يننوۆاسيالاردىڭ ورتالىعىندا – ەلدەگى ەڭ تانىمال ءموبيلدى سۋپەرقوسىمشا Kaspi.kz. ونى شامامەن 15 ميلليونعا جۋىق قازاقستاندىق پايدالانادى، ول ەلدەگى ەلەكتروندى ساۋدا، تولەم جانە قارجىلىق جەتەكشى سەرۆيستەردى قامتيدى.
Kaspi.kz سۋپەرقوسىمشاسى ارقىلى قازاقستاندىقتار تەگىن جەتكىزۋ قىزمەتى بار ءتيىمدى ونلاين زات ساتىپ الىپ، كوميسسياسىز تولەمدەر مەن اۋدارىمدار جاسايدى، جەكە قارجىلارىن باسقارادى، اۋە جانە تەمىرجول بيلەتتەرىن ساتىپ الادى، تۋرلار راسىمدەيدى جانە ەڭ تانىمال مەملەكەتتىك قىزمەتتەردى پايدالانادى.
Kaspi.kz بيزنەس ءۇشىن دە Kaspi Pay سۋپەرقوسىمشاسىن ازىرلەدى، ونى قازاقستانداعى شامامەن 700 مىڭعا جۋىق كاسىپكەر پايدالانادى. Kaspi Pay ارقىلى كاسىپكەرلەر بيزنەسىن دامىتۋعا قارجىلاندىرۋ الادى، تولەم قابىلدايدى، جارنامالىق ناۋقاندار جۇرگىزەدى، سالىق تولەيدى، ەلەكتروندىق ساۋدا جانە جەتكىزۋ پلاتفورماسىنا قوسىلادى، ونىڭ كومەگىمەن تاۋارلارىن بۇكىل ەل اۋماعىندا ساتادى.
گارۆارد بيزنەس مەكتەبى Kaspi.kz تۋرالى ەكى وقۋ ماتەريالىن ازىرلەدى، ونى بىرنەشە جىلدان بەرى ماگيستراتۋرا ستۋدەنتتەرى وقىپ كەلەدى.
