Kaspi Alaqan — Kaspi.kz komandasy Qazaqstanda ázirlegen innovatsiialyq tólem qyzmeti. Satyp alý aqysyn tóleý úshin alaqanyńyzdy terminalǵa jaqyndatsańyz boldy. Alǵashqy Kaspi Alaqan terminaldary biyl Almatyda, al kelesi jyly búkil Qazaqstan boiynsha paida bolady, dep habarlaidy Dalanews.kz
QR Qarjy naryǵyn retteý jáne damytý agenttigi Kaspi Alaqan-nyń qarjy uiymdaryna arnalǵan aqparattyq qaýipsizdik talaptaryna sáikestigin rastady.
Budan basqa QR SIM akkredittegen zerthanada Kaspi Alaqan-nyń jelilik infraqurylymynyń qaýipsizdigi, aqparattyq qaýipsizdigi, qoljetimdiligi, tutastyǵy jáne qupiialylyǵy, sondai-aq basqa da mańyzdy elementteri boiynsha keshendi synaqtar júrgizildi.
Kaspi.kz basshysy jáne negizin qalaýshylarynyń biri Mihail Lomtadze:
«Súiikti klientterimiz jańa servisterdi esh ýaiymsyz qýana paidalanýy úshin biz olardy qolaily ári paidaly ǵana emes, sonymen qatar qaýipsiz etemiz. Kaspi Alaqan birqatar synaqtan ótip, sarapshylardyń joǵary baǵasyn aldy. Bizdi osyndai keremet innovatsiialar jasaýǵa shabyttandyryp, senim artqany úshin barlyq klientimizge raqmet aitamyz!»
Alaqanmen tóleý — sáikestendirýdiń eń qaýipsiz ádisteriniń biri. Tehnologiia kóptegen elderde — AQSh-ta, Qytai men Japoniiada damyp jatyr, ol Japoniiada alǵash ret 2015 jyly engizilgen. Ár adamnyń alaqanynyń qurylymy erekshe, al Kaspi Alaqan-dy qoldanǵanda ol qosylǵan kezde qurylǵan jeke shifrlanǵan tsifrlyq kod arqyly salystyrylady. Osynyń arqasynda jalǵan alaqandy qoldaný is júzinde múmkin emes, al paidalaný tez, yńǵaily jáne qaýipsiz bolady.
Kaspi.kz týraly
Kaspi.kz missiiasy – klientter men seriktesterdiń ómirin jaqsartatyn innovatsiialyq ónimder men qyzmetter jasaý. Innovatsiialardyń ortalyǵynda – eldegi eń tanymal mobildi sýperqosymsha Kaspi.kz. Ony shamamen 15 millionǵa jýyq qazaqstandyq paidalanady, ol eldegi elektrondy saýda, tólem jáne qarjylyq jetekshi servisterdi qamtidy.
Kaspi.kz sýperqosymshasy arqyly qazaqstandyqtar tegin jetkizý qyzmeti bar tiimdi onlain zat satyp alyp, komissiiasyz tólemder men aýdarymdar jasaidy, jeke qarjylaryn basqarady, áýe jáne temirjol biletterin satyp alady, týrlar rásimdeidi jáne eń tanymal memlekettik qyzmetterdi paidalanady.
Kaspi.kz biznes úshin de Kaspi Pay sýperqosymshasyn ázirledi, ony Qazaqstandaǵy shamamen 700 myńǵa jýyq kásipker paidalanady. Kaspi Pay arqyly kásipkerler biznesin damytýǵa qarjylandyrý alady, tólem qabyldaidy, jarnamalyq naýqandar júrgizedi, salyq tóleidi, elektrondyq saýda jáne jetkizý platformasyna qosylady, onyń kómegimen taýarlaryn búkil el aýmaǵynda satady.
Garvard Biznes mektebi Kaspi.kz týraly eki oqý materialyn ázirledi, ony birneshe jyldan beri magistratýra stýdentteri oqyp keledi.
