2025 جىلى 8 جەلتوقساندا Qarmet كومپانياسى وندىرىستىك الەۋەتتى نىعايتۋ مەن تەحنولوگيالىق جاڭعىرتۋدىڭ نەگىزگى كەزەڭىنىڭ ەكى جىلدىعىن اتاپ ءوتتى. وسى ۋاقىت ىشىندە تاۋ-كەن مەتاللۋرگيالىق كەشەن پروسەستەردى تۇراقتاندىرۋدان اۋقىمدى مودەرنيزاسياعا ءوتتى، دامۋ باعدارلاماسىن ەلدىڭ ونەركاسىپتىك باسىمدىقتارىمەن جانە قازاقستان پرەزيدەنتى قاسىم-جومارت كەمەل ۇلى توقايەۆ قويعان مىندەتتەرىمەن ۇيلەستىردى، دەپ حابارلايدى Dalanews.kz.

كومپانيا جەتىستىكتەرى

كەيىنگى ەكى جىل جىلدام ءوسۋ كەزەڭى بولدى. قاتتى بولات ءوندىرىسى 22%-عا، كومىر كونسەنتراتى 26%-عا، تەمىر رۋداسى 32%-عا ءوستى. كومپانيا جوندەۋ باعدارلاماسىن كۇشەيتىپ، وندىرىستىك تىزبەكتىڭ ماڭىزدى ۋچاسكەلەرىن قالپىنا كەلتىرىپ، جابدىق پەن كوممۋنيكاسيالاردى جاڭارتتى. بۇل شارالار ءوندىرىستىڭ تۇراقتى جۇمىسىن قامتاماسىز ەتىپ، ءىرى جوبالاردى جۇزەگە اسىرۋدىڭ نەگىزىن قالادى.

مەتاللۋرگيالىق كومبيناتتى گازداندىرۋدىڭ ءبىرىنشى كەزەڭىن اياقتاۋ — ونەركاسىپتىڭ ەكولوگيالىق ترانسفورماسياسىنىڭ ماڭىزدى ەلەمەنتى بولدى. دومەندىك سەح العاش رەت تابيعي گازعا تولىق كوشىپ، قورشاعان ورتاعا تۇسەتىن جۇكتەمەنى ايتارلىقتاي ازايتتى. باسقا سەحتار دا جاقىندا قوسىلماق.

2025 جىلى ەڭبەك قاۋىپسىزدىگىنە ەرەكشك نازار اۋدارىلدى. كومپانيانىڭ شاحتالارى ءقازىر قىزمەتكەرلەردىڭ پوزيسياسىن باقىلاۋعا ارنالعان زاماناۋي جۇيەمەن جانە جەر استى مەن جەر ءۇستى پروسەستەرىن بىرىكتىرەتىن سيفرلىق ديسپەچەرلىكپەن جابدىقتالدى. بۇل شارالار ناقتى ۋاقىت رەجيمىندە جاعدايدى باقىلاۋعا جانە وندىرىستىك تاۋەكەلدەردى ازايتۋعا مۇمكىندىك بەردى. بيىل كومپانيا تاۋ-كەنشىلەرگە ارنالعان ونەركاسىپتىك مەديسينانى قايتا جانداندىرىپ، قاراعاندى قالاسىندا كلينيكالىق-دياگنوستيكالىق ورتالىق اشتى، قىزمەتتەرى تەگىن ۇسىنىلادى.

پرەمەر-مينيستر ولجاس بەكتەنوۆ بيىل ماۋسىمدا كاسىپورىندى ارالاپ، اتقارىلعان شارالاردىڭ ماڭىزدى ەكەنىن اتاپ ءوتتى.

«ءقازىر ۇلتتىق ينۆەستور مودەرنيزاسياعا ايتارلىقتاي قارجى سالىپ وتىر. شاحتادا بەينەبايلانىس، گاز جانە سەيسموداچيكتەر، شاحتەرلەردى پوزيسيالاۋ جۇيەسى ەنگىزىلۋدە. بۇرىن تەك جەكە اپاتتىق سيگنال مەن بەينەبايلانىس سياقتى قاراپايىم نارسەلەر دە بولماعان»، — دەدى پرەمەر-مينيستر.

سيفرلاندىرۋ — جىلداعى باسىم باعىتتاردىڭ ءبىرى بولدى: وندىرىسىنە ونەركاسىپتىك اناليتيكا، جاساندى ينتەللەكت جانە سيفرلىق مودەلدەۋ ەنگىزىلۋدە. جابدىقتار بولجامدىق باقىلاۋعا كوشىرىلىپ، تەحنولوگيالىق پروسەستەردى ونلاين-مونيتورينگ جاساۋ جۇيەسى قۇرىلادى، نەگىزگى اگرەگاتتاردىڭ سيفرلىق ەگىزدەرى جاسالادى. بۇل اۆاريالىق جاعدايلاردى ازايتىپ، ءوندىرىستىڭ تيىمدىلىگىن ارتتىرادى جانە جۇيەلى مودەرنيزاسيا ءۇشىن تەحنولوگيالىق رەزەرۆ جاسايدى.

جاڭا قۋات جانە مۇمكىندىكتەر

2025 جىل ماسشتابتى قۇرىلىس باستالعان جىل بولدى. كومپانيا جاڭا كوكس باتارەيالارى №8-9 سالۋعا كىرىستى، ولار 65 جىلدىق قولدانىلعان اگرەگاتتاردى الماستىرىپ، جىلىنا 1،5 ملن توننا قۇرعاق كوكس وندىرەدى. سونىمەن قاتار ۋگلەحيميا جوبالارى ىسكە قوسىلدى — 15-تەن استام ءونىم ءتۇرى شىعارىلادى. ءبىر مەزگىلدە ىستىق مىرىشتاۋ جانە پوليمەرلى جابىندى، سورتوپروكات زاۋىتتارىن سالۋ باستالدى، بۇل جوعارى قوسىلعان قۇندى مەتالل وندىرۋگە مۇمكىندىك بەرەدى. جاڭا ليتەينو-پروكات كەشەنى ىسكە قوسىلۋدا، بۇل بولاشاقتا پرەميۋم سەگمەنتىندەگى بولات ەكسپورتىن ەداۋىر كەڭەيتەدى.

قايتا وڭدەۋ سالاسىندا دا ايتارلىقتاي پروگرەسس بار. 2025 جىلى 7 ملن توننادان استام قوسىمشا ءونىم وڭدەلدى، جىل سوڭىنا دەيىن 8 ملن تونناعا جەتۋى جوسپارلانىپ وتىر. جاڭا مەتالل سىنىقتارىن وڭدەۋ الاڭى اشىلدى (40 مىڭ شارشى مەتر، تاۋلىگىنە 300 تونناعا دەيىن). قوسىمشا شيكىزاتتى جول قۇرىلىسى جانە بايلانىستى سالالاردا قولدانۋ كەلىسىمدەرى جاسالىپ، كاسىپورىننىڭ ەكولوگيالىق تۇراقتىلىعى مەن ەكونوميكالىق تيىمدىلىگى ارتتى.

ادامدار جانە وڭىرلەر

بيىل كومپانيا بولاشاق كادرلاردى دايىندايتىن وقۋ كورپۋسىن جوندەۋدى اياقتادى. قازىرگى ۋاقىتتا Qarmet University قىزمەتكەرلەردى كەشەندى وقىتۋ مەن كاسىبي دامىتۋ الاڭى بولىپ وتىر، تەوريالىق ءبىلىم مەن پراكتيكالىق داعدىلار ۇيلەستىرىلگەن. جوعارى تەحنولوگيالى ترەناجەرلەر ساتىپ الىنىپ، وندىرىستىك پروسەستەردى بارىنشا ناقتى مودەلدەۋ جانە پەرسونالدىڭ كاسىبي قۇزىرەتتىلىگىن جەتىلدىرۋ مۇمكىندىگى بەرىلدى.

كومپانيا ءىرى وڭىرلىك جوبالاردى دا جۇزەگە اسىرۋدا. قالاداعى الەۋمەتتىك جوبالار دەنساۋلىق ساقتاۋ، ءبىلىم جانە سپورتتى قامتيدى. مىسالى، قاراجال قالاسىندا 500 ملن دوللاردان استام قۇنى بار دامۋ باعدارلاماسى ءجۇرىپ جاتىر، ينفراقۇرىلىمدى جاڭارتۋ جانە جاڭا فابريكالاردى ىسكە قوسۋ قاراستىرىلعان.

كومپانيا ۇلتتىق جۇمىس بەرۋشىلەر رەيتينگىسىندە 15 ورىنعا كوتەرىلىپ، گمك ىشىندە 7ء-شى ورىنعا يە بولدى. 2025 جىلى كاسىپورىن «زولوتوي گەفەست» سىيلىعىن الدى (سالانىڭ ەڭ ۇزدىك digital-شەشىمى ءۇشىن) جانە «پارىز» كونكۋرسىندا «ۇزدىك ۇجىمدىق كەلىسىم» نوميناسياسىندا جەڭىمپاز اتاندى.

«ءبىزدىڭ ەكى جىلىمىز — ۇلكەن وزگەرىستەر كەزەڭى. ءبىز مەملەكەت باسشىسى قويعان مىندەتتەردى ورىنداپ، قاۋىپسىزدىكتى كۇشەيتىپ، ءوندىرىستى مودەرنيزاسيالاپ، جاڭا باعىتتار اشىپ جاتىرمىز. Qarmetء-تىڭ باستى كاپيتالى — ادامدار. مەتاللۋرگتەر، شاحتەرلەر، ينجەنەرلەر، جوندەۋ جانە جوبالاۋ توپتارى — كومپانيانىڭ تۇراقتى ءوسىمىن كورسەتىپ وتىرعاندار. ءبىز قازاقستانعا قىزمەت ەتەتىن بولاشاق كاسىپورىندى قۇرامىز»، — دەپ اتاپ ءوتتى كومپانيا وكىلدەرى.

2025 جىل Qarmet ستراتەگياسىنىڭ ناقتى ىسكە اسۋىنا كۋا بولدى: جاڭا نىساندار، ءوندىرىس كورسەتكىشتەرىنىڭ ءوسۋى، قاۋىپسىزدىكتى ارتتىرۋ، ەكولوگيالىق شەشىمدەر جانە الەۋمەتتىك جوبالار. كومپانيا تاريحىن قۇرمەتتەي وتىرىپ، قازاقستان ءۇشىن سەنىمدى بولات كاركاستى قۇرۋدا.