2025 jyly 8 jeltoqsanda Qarmet kompanıasy óndiristik áleýetti nyǵaıtý men tehnologıalyq jańǵyrtýdyń negizgi kezeńiniń eki jyldyǵyn atap ótti. Osy ýaqyt ishinde taý-ken metalýrgıalyq keshen prosesterdi turaqtandyrýdan aýqymdy modernızasıaǵa ótti, damý baǵdarlamasyn eldiń ónerkásiptik basymdyqtarymen jáne Qazaqstan Prezıdenti Qasym-Jomart Kemeluly Toqaev qoıǵan mindetterimen úılestirdi, dep habarlaıdy Dalanews.kz.
Kompanıa jetistikteri
Keıingi eki jyl jyldam ósý kezeńi boldy. Qatty bolat óndirisi 22%-ǵa, kómir konsentraty 26%-ǵa, temir rýdasy 32%-ǵa ósti. Kompanıa jóndeý baǵdarlamasyn kúsheıtip, óndiristik tizbektiń mańyzdy ýchaskelerin qalpyna keltirip, jabdyq pen komýnıkasıalardy jańartty. Bul sharalar óndiristiń turaqty jumysyn qamtamasyz etip, iri jobalardy júzege asyrýdyń negizin qalady.
Metalýrgıalyq kombınatty gazdandyrýdyń birinshi kezeńin aıaqtaý — ónerkásiptiń ekologıalyq transformasıasynyń mańyzdy elementi boldy. Domendik seh alǵash ret tabıǵı gazǵa tolyq kóship, qorshaǵan ortaǵa túsetin júktemeni aıtarlyqtaı azaıtty. Basqa sehtar da jaqynda qosylmaq.
2025 jyly eńbek qaýipsizdigine erekshk nazar aýdaryldy. Kompanıanyń shahtalary qazir qyzmetkerlerdiń pozısıasyn baqylaýǵa arnalǵan zamanaýı júıemen jáne jer asty men jer ústi prosesterin biriktiretin sıfrlyq dıspecherlikpen jabdyqtaldy. Bul sharalar naqty ýaqyt rejıminde jaǵdaıdy baqylaýǵa jáne óndiristik táýekelderdi azaıtýǵa múmkindik berdi. Bıyl kompanıa taý-kenshilerge arnalǵan ónerkásiptik medısınany qaıta jandandyryp, Qaraǵandy qalasynda klınıkalyq-dıagnostıkalyq ortalyq ashty, qyzmetteri tegin usynylady.
Premer-mınıstr Oljas Bektenov bıyl maýsymda kásiporyndy aralap, atqarylǵan sharalardyń mańyzdy ekenin atap ótti.
«Qazir ulttyq ınvestor modernızasıaǵa aıtarlyqtaı qarjy salyp otyr. Shahtada beınebaılanys, gaz jáne seısmodachıkter, shahterlerdi pozısıalaý júıesi engizilýde. Buryn tek jeke apattyq sıgnal men beınebaılanys sıaqty qarapaıym nárseler de bolmaǵan», — dedi Premer-mınıstr.
Sıfrlandyrý — jyldaǵy basym baǵyttardyń biri boldy: óndirisine ónerkásiptik analıtıka, jasandy ıntellekt jáne sıfrlyq modeldeý engizilýde. Jabdyqtar boljamdyq baqylaýǵa kóshirilip, tehnologıalyq prosesterdi onlaın-monıtorıng jasaý júıesi qurylady, negizgi agregattardyń sıfrlyq egizderi jasalady. Bul avarıalyq jaǵdaılardy azaıtyp, óndiristiń tıimdiligin arttyrady jáne júıeli modernızasıa úshin tehnologıalyq rezerv jasaıdy.
Jańa qýat jáne múmkindikter
2025 jyl masshtabty qurylys bastalǵan jyl boldy. Kompanıa jańa koks batareıalary №8-9 salýǵa kiristi, olar 65 jyldyq qoldanylǵan agregattardy almastyryp, jylyna 1,5 mln tonna qurǵaq koks óndiredi. Sonymen qatar ýglehımıa jobalary iske qosyldy — 15-ten astam ónim túri shyǵarylady. Bir mezgilde ystyq myryshtaý jáne polımerli jabyndy, sortoprokat zaýyttaryn salý bastaldy, bul joǵary qosylǵan qundy metal óndirýge múmkindik beredi. Jańa lıteıno-prokat kesheni iske qosylýda, bul bolashaqta premıým segmentindegi bolat eksportyn edáýir keńeıtedi.
Qaıta óńdeý salasynda da aıtarlyqtaı progres bar. 2025 jyly 7 mln tonnadan astam qosymsha ónim óńdeldi, jyl sońyna deıin 8 mln tonnaǵa jetýi josparlanyp otyr. Jańa metal synyqtaryn óńdeý alańy ashyldy (40 myń sharshy metr, táýligine 300 tonnaǵa deıin). Qosymsha shıkizatty jol qurylysy jáne baılanysty salalarda qoldaný kelisimderi jasalyp, kásiporynnyń ekologıalyq turaqtylyǵy men ekonomıkalyq tıimdiligi artty.
Adamdar jáne óńirler
Bıyl kompanıa bolashaq kadrlardy daıyndaıtyn oqý korpýsyn jóndeýdi aıaqtady. Qazirgi ýaqytta Qarmet University qyzmetkerlerdi keshendi oqytý men kásibı damytý alańy bolyp otyr, teorıalyq bilim men praktıkalyq daǵdylar úılestirilgen. Joǵary tehnologıaly trenajerler satyp alynyp, óndiristik prosesterdi barynsha naqty modeldeý jáne personaldyń kásibı quzyrettiligin jetildirý múmkindigi berildi.
Kompanıa iri óńirlik jobalardy da júzege asyrýda. Qaladaǵy áleýmettik jobalar densaýlyq saqtaý, bilim jáne sportty qamtıdy. Mysaly, Qarajal qalasynda 500 mln dollardan astam quny bar damý baǵdarlamasy júrip jatyr, ınfraqurylymdy jańartý jáne jańa fabrıkalardy iske qosý qarastyrylǵan.
Kompanıa ulttyq jumys berýshiler reıtıńisinde 15 orynǵa kóterilip, GMK ishinde 7-shi orynǵa ıe boldy. 2025 jyly kásiporyn «Zolotoı Gefest» syılyǵyn aldy (salanyń eń úzdik digital-sheshimi úshin) jáne «Paryz» konkýrsynda «Úzdik ujymdyq kelisim» nomınasıasynda jeńimpaz atandy.
«Bizdiń eki jylymyz — úlken ózgerister kezeńi. Biz Memleket basshysy qoıǵan mindetterdi oryndap, qaýipsizdikti kúsheıtip, óndiristi modernızasıalap, jańa baǵyttar ashyp jatyrmyz. Qarmet-tiń basty kapıtaly — adamdar. Metalýrgter, shahterler, ınjenerler, jóndeý jáne jobalaý toptary — kompanıanyń turaqty ósimin kórsetip otyrǵandar. Biz Qazaqstanǵa qyzmet etetin bolashaq kásiporyndy quramyz», — dep atap ótti kompanıa ókilderi.
2025 jyl Qarmet strategıasynyń naqty iske asýyna kýá boldy: jańa nysandar, óndiris kórsetkishteriniń ósýi, qaýipsizdikti arttyrý, ekologıalyq sheshimder jáne áleýmettik jobalar. Kompanıa tarıhyn qurmetteı otyryp, Qazaqstan úshin senimdi bolat karkasty qurýda.
