ۇقك-نىڭ بۇرىنعى ءتوراعاسى، بۇگىندە اۆستريادا تۇراتىن ءالنۇر مۇسايەۆ اۆتوكراتيالىق جۇيەلەردىڭ كۇيرەۋى مەن ايماقتىق ءقاۋىپ تۋرالى پىكىر ءبىلدىردى. ول اۆتوريتارلى بيلىك السىرەگەن سايىن رەپرەسسيا كۇشەيەتىنىن، ال مۇنداي رەجيم ۇزاققا بارمايتىنىن ايتادى، دەپ حابارلايدى Dalanews.kz.
مۇسايەۆتىڭ ايتۋىنشا، بۇل جەكە تۇجىرىم ەمەس، تاريح دالەلدەگەن زاڭدىلىق.
"ەگەر ءالسىز ديكتاتۋرا رەپرەسسيامەن كۇشەيتىلمەسە، ول ادەتتە كۇشتىرەك ديكتاتۋراعا اۋىسادى نەمەسە ريەۆوليۋسيا، ازامات سوعىسىنا اكەلەدى. ال دەموكراتيا بۇگىنگى الەمدە وتە سيرەك قۇبىلىس جانە كەز كەلگەن حالىق ءۇشىن بولاشاققا بەرىلگەن “باقىت بيلەتى”"، - دەيدى ول.
"رەسەيدى حالىق ەمەس، جۇيەنىڭ ءوزى قۇلاتادى"
مۇسايەۆ رەسەيدىڭ جاقىن بولاشاقتا قاتتى كۇيزەلىسكە ۇشىرايتىنىن بولجادى.
"رەسەيدى حالىق ەمەس، قۇلدىراعان ەكونوميكا، بيلىك ءۇشىن قىلمىستىق جانە كلانارالىق سوعىستار، ورتالىق السىرەگەن كەزدە ايماقتاردىڭ قاقتىعىسى، اۆتونوميالىق رەسپۋبليكالاردىڭ تاۋەلسىزدىك قوزعالىسى كۇيرەتەدى"، - دەيدى بۇرىنعى باسشى.
مۇسايەۆتىڭ سوزىنشە، قازاقستان دا ءقاۋىپتى كەزەڭگە جاقىنداپ كەلەدى.
